கரப்பான் பூச்சி ஜனதா கட்சி (சிஜேபி) நிறுவனர் அபிஜீத் திப்கேவுக்கு டெல்லி சிறப்பு நீதிமன்றம் நிபந்தனையுடன் ஜாமின் வழங்கியுள்ளது. அமைதிப் பத்திரத்தில் கையெழுத்திட்ட பிறகு அவர் விடுவிக்கப்படுவார் என்று டெல்லி காவல்துறை அறிவித்துள்ளது. தலைமைத் தேர்தல் ஆணையர் ஞானேஷ் குமார் பதவி விலக வேண்டும் என்ற கோரிக்கையை முன்வைத்து சிஜேபி அமைப்பு டெல்லியில் தொடர் போராட்டங்களை நடத்தி வருகிறது.

இதன் ஒரு பகுதியாக கன்னாட் பிளேஸில் உள்ள சென்ட்ரல் பார்க்கில் ‘லேஹ்ரா தோ திரங்கா’ என்ற பெயரில் போராட்டம் நடத்தத் திட்டமிடப்பட்டிருந்தது. ஆனால் அப்பகுதியில் தடை உத்தரவுகள் அமலில் இருந்தன. நேற்று வெள்ளிக்கிழமை போராட்டத்திற்குச் செல்ல புறப்பட்ட அபிஜீத் திப்கேவை டெல்லி காவல்துறையினர் தடுத்து நிறுத்தி தடுப்புக் காவலில் வைத்தனர். அவர் தனது வீட்டிலிருந்து வெளியேறிய சில நிமிடங்களிலேயே காவல்துறையினர் அவரை அழைத்துச் சென்றனர். அதேநேரத்தில் அகில இந்திய மாணவர் சங்கத் தலைவர் நேஹா போராவும் தடுத்து வைக்கப்பட்டார்.

பின்னர் அவர் விடுவிக்கப்பட்டார். இன்று சனிக்கிழமை அபிஜீத் திப்கேவை மந்திர் மார்க் காவல் நிலையத்தில் உள்ள சிறப்பு நிர்வாக நீதிமன்றத்தில் ஆஜர்படுத்தினர். நீதிமன்றம் அவருக்கு நிபந்தனையுடன் ஜாமின் வழங்கியது. அமைதிப் பத்திரத்தில் கையெழுத்திட்டு அமைதியைக் கடைப்பிடிக்க வேண்டும் என்ற நிபந்தனையுடன் அவர் விடுவிக்கப்படுவார் எனக் காவல்துறை தெரிவித்தது. இந்தப் போராட்டம் தேர்தல் ஆணையத்தின் சிறப்புத் தீவிரத் திருத்த நடவடிக்கைக்கு எதிரான இளைஞர் இயக்கத்தின் தொடர்ச்சியாகும்.

இதையும் படிங்க: உரிமைகள் பாதிப்பு..! CJP நிறுவனர் அபிஜித் தீப்கேவுக்கு நோட்டீஸ்..! டெல்லி போலீஸ் நடவடிக்கை..!

கடந்த வாரம் ஜந்தர் மந்தர் பகுதியில் போராட்டம் நடத்த முயன்றதற்காக சிஜேபி தலைவர்கள் சிலர் ஏற்கனவே தடுத்து வைக்கப்பட்டு பின்னர் விடுவிக்கப்பட்டிருந்தனர். இப்போது மீண்டும் தடையை மீறி போராட்டம் நடத்த முயன்றதாகக் கூறி அபிஜீத் திப்கே மீண்டும் தடுத்து வைக்கப்பட்டார். அமைதிப் பத்திரத்தில் கையெழுத்திட்டவுடன் அவர் விடுதலை ஆவார் என்பதால் விரைவில் அவர் வெளியே வருவார் என எதிர்பார்க்கப்படுகிறது.

இதையும் படிங்க: CJP நிறுவனர் அபிஜித் தீப்கே அதிரடி ARREST..! போராட்டம்.. பரபரப்பு..! டெல்லியில் போலீசார் குவிப்பு..!