மரபணு குறைபாடுகள் அல்லது மரபணு நோய்கள் என்பவை குழந்தைகளின் உடல் மற்றும் மன வளர்ச்சியை பாதிக்கும் ஒரு முக்கியமான உடல்நலப் பிரச்சினையாகும். மனித உடலில் உள்ள மரபணுக்கள் (ஜீன்கள்) மற்றும் குரோமோசோம்கள் (நிறப்புரிகள்) ஆகியவற்றில் ஏற்படும் மாற்றங்கள் அல்லது குறைபாடுகளால் இவை உருவாகின்றன. ஒவ்வொரு மனிதனும் தாய் மற்றும் தந்தையிடமிருந்து மரபணுக்களைப் பெறுகிறான். இந்த மரபணுக்கள் உடலின் வளர்ச்சி, செயல்பாடு மற்றும் ஆரோக்கியத்தை நிர்ணயிக்கின்றன.

ஆனால் சில சமயங்களில் இவற்றில் ஏற்படும் பிறழ்வுகள் (மியூட்டேஷன்கள்) குழந்தைகளுக்கு பிறவி குறைபாடுகளை ஏற்படுத்துகின்றன. அப்படியாக காஞ்சிபுரத்தில் மரபணு குறைபாட்டால் உயிருக்கு போராடும் சிறுமியின் தந்தை மக்கள் குறைதீர்க்க கூட்டத்தில் மனு அளித்துள்ளார். 

தமிழ்நாட்டில் அரசு நிர்வாகத்தின் முக்கியமான அங்கமாக விளங்குவது மாவட்ட ஆட்சியர் முன்னிலையில் நடைபெறும் மக்கள் குறைதீர்க்கும் நாள் கூட்டம். இது பொதுமக்களின் அன்றாட பிரச்சினைகளை நேரடியாக அரசு அதிகாரிகளிடம் தெரிவித்து தீர்வு காண உதவும் ஒரு திட்டமாகும். தமிழ்நாடு அரசின் உத்தரவுப்படி, ஒவ்வொரு மாவட்டத்திலும் வாரந்தோறும் திங்கட்கிழமை அன்று இந்தக் கூட்டம் மாவட்ட ஆட்சியர் அலுவலகத்தில் நடைபெறுகிறது. இதன் முக்கிய நோக்கம், பொதுமக்களின் குறைகளை விரைவாகக் களைவதும், அரசு சேவைகளை மக்களுக்கு எளிதாகக் கிடைக்கச் செய்வது.

இதையும் படிங்க: அதிமுகவை பற்றி பேச திமுகவினருக்கு தகுதி இல்லை - ஜெயக்குமார் அதிரடி

இதனிடையே காஞ்சிபுரம் மாவட்டம் தாயார் குளம் பகுதியில் வசித்து வரும் ஏழு வயது சிறுமி மரபணு குறைபாட்டுடன் உயிருக்கு போராடி வருவதாக கூறப்படுகிறது. தனது மகளை காப்பாற்ற வேண்டும் என்றும் உரிய சிகிச்சைக்கு ஏற்பாடு செய்து தர வலியுறுத்தியும் மாவட்ட ஆட்சியர் அலுவலகத்தில் நடைபெற்ற மக்கள் குறை தீர்ப்பு நாள் கூட்டத்தில் சிறுமியின் தந்தை மனு அளித்துள்ளார். 

இதையும் படிங்க: மோடியை இப்படி பேசலாமா? ராகுல்காந்தி மன்னிப்பு கேட்கணும்! கிரண் ரிஜிஜூ திட்டவட்டம்!