மதுரை மாவட்டத்தில் நாடாளுமன்றத் தேர்தல் தொடர்பான வாக்குப் பதிவு இயந்திரங்கள் மற்றும் VVPATகள் பாதுகாப்பாக வைக்கப்பட்டுள்ள ஸ்ட்ராங் ரூமில் சிசிடிவி கேமராக்கள் திடீரென செயலிழந்த சம்பவம் பரபரப்பை ஏற்படுத்தியுள்ளது. நேற்றிரவு சுமார் 15 நிமிடங்கள் வரை இந்த கோளாறு நீடித்ததாகக் கூறப்படுகிறது. இருப்பினும், தேர்தல் அதிகாரிகள் உடனடியாக சரி செய்துவிட்டதாகவும், பாதுகாப்பு அறையில் எந்தவித விதிமீறல்களும் நடைபெறவில்லை என்றும் தெளிவுபடுத்தியுள்ளனர். 

மதுரை மருத்துவக் கல்லூரி வளாகத்தில் அமைக்கப்பட்டுள்ள இந்த ஸ்ட்ராங் ரூம் மதுரை நாடாளுமன்றத் தொகுதிக்குட்பட்ட ஆறு சட்டமன்றத் தொகுதிகளுக்கான EVM இயந்திரங்கள் மற்றும் தேர்தல் ஆவணங்களைப் பாதுகாத்து வருகிறது. மூன்றடுக்கு பாதுகாப்பு ஏற்பாடுகள், போலீஸ் கண்காணிப்பு மற்றும் வேட்பாளர்களின் முகவர்கள் தொடர்ச்சியான கண்காணிப்பு ஆகியவை இங்கு நிலவுகின்றன.

பாதுகாப்பு அறைகளின் முன்புறம் மற்றும் சுற்றுப் பகுதிகளில் பல சிசிடிவி கேமராக்கள் பொருத்தப்பட்டு, கட்டுப்பாட்டு அறையிலும் வேட்பாளர் முகவர்கள் பார்க்கும் வகையிலும் திரைகள் அமைக்கப்பட்டுள்ளன. நேற்றிரவு ஏற்பட்ட இந்த திடீர் செயலிழப்பு குறித்து செய்திகள் வெளியானதும், மாவட்ட தேர்தல் அதிகாரியும் மதுரை மாவட்ட ஆட்சியருமான சங்கீதா, மாநகர காவல் ஆணையர் லோகநாதன் உள்ளிட்டோர் உடனடியாக சம்பவ இடத்திற்கு விரைந்து சென்று பார்வையிட்டனர். அதிகாரிகளின் விளக்கத்தின்படி, சில கேமராக்கள் மட்டுமே பாதிக்கப்பட்டன மற்றும் முக்கியமான பகுதிகளில் உள்ள கேமராக்கள் இடையூறின்றி செயல்பட்டு வந்தன.

இதையும் படிங்க: “வராரு வாராரு அழகர் வாராரு...” - மதுரைக்குள் ஹீரோ என்ட்ரி கொடுத்த கள்ளழகர்... விண்ணை அதிர வைத்த “கோவிந்தா” முழக்கம்...!

கோளாறு கண்டுபிடிக்கப்பட்ட உடனேயே தொழில்நுட்பக் குழு வரவழைக்கப்பட்டு, கேமராக்கள் சரி செய்யப்பட்டன. முழு பாதுகாப்பு அமைப்பும் தொடர்ந்து கண்காணிப்பில் இருந்ததாக அதிகாரிகள் உறுதிப்படுத்தினர். இந்த சம்பவம் தேர்தல் நடைமுறையின் வெளிப்படைத்தன்மை குறித்து சில கேள்விகளை எழுப்பியுள்ளது. குறிப்பாக, வேட்பாளர்கள் மற்றும் அரசியல் கட்சிகளின் முகவர்கள் இடையே அதிர்ச்சி மற்றும் கவலை ஏற்பட்டது. 

இதையும் படிங்க: கள்ளழகர் ஆற்றில் இறங்கும் வைபவத்தில் அநாகரீக செய்கை... 7 கி.மீட்டருக்கு நீதிமன்றம் போட்ட அதிரடி உத்தரவு...!