மதுராந்தகம் சட்டமன்றத் தொகுதி இடைத்தேர்தல் களத்தில் தமிழக வெற்றிக் கழக வேட்பாளராகப் போட்டியிடும் மரகதம் குமரவேல் மீது பிரமாணப் பத்திர விவரங்களில் ஏற்பட்டுள்ள முரண்பாடுகள் தொடர்பாக பெரும் சர்ச்சை எழுந்துள்ளது. கடந்த சட்டப்பேரவைத் தேர்தலில் அதிமுக சார்பில் போட்டியிட்டு வெற்றி பெற்ற அவர், பின்னர் எம்எல்ஏ பதவியை ராஜினாமா செய்து தவெகவில் இணைந்தார். 

அதே தொகுதியில் தற்போது தவெக வேட்பாளராகக் களம் காணும் நிலையில், அவரது முந்தைய மற்றும் தற்போதைய வேட்புமனு பிரமாணப் பத்திரங்களுக்கு இடையேயான வேறுபாடுகள் அரசியல் வட்டாரங்களில் பரபரப்பை ஏற்படுத்தியுள்ளன. ஏப்ரல் மாதம் நடைபெற்ற பொதுத் தேர்தலின்போது தாக்கல் செய்யப்பட்ட பிரமாணப் பத்திரத்தில், மரகதம் குமரவேல் மற்றும் அவரது கணவர் குமரவேல் ஆகியோரின் 2021-22 முதல் 2024-25 வரையிலான நான்கு நிதியாண்டுகளுக்கான மொத்த வருமானம் சுமார் ரூ.1.80 கோடியாகக் குறிப்பிடப்பட்டிருந்தது. 

ஆனால் இடைத்தேர்தலுக்காக சமர்ப்பிக்கப்பட்டுள்ள பிரமாணப் பத்திரத்தில் அதே காலகட்டத்துக்கான மொத்த வருமானம் ரூ.40.57 லட்சமாக மட்டும் காட்டப்பட்டுள்ளது. இதன் மூலம் சுமார் ரூ.1.40 கோடி அளவுக்குப் பெரிய வித்தியாசம் தென்படுகிறது. 

இதையும் படிங்க: #BREAKING தேடப்படும் குற்றவாளியுடன் சி.எம்.விஜய்... கைகட்டி வேடிக்கை பார்க்கிறதா காவல்துறை?... வீடியோ ஆதாரத்துடன் பகீர் கிளப்பிய அதிமுக...!

ஒரே நபர், ஒரே தொகுதி, ஒரே நான்கு நிதியாண்டுகள் என்ற நிலையில் சில மாத இடைவெளியில் இவ்வளவு பெரிய அளவில் வருமானக் கணக்கில் மாற்றம் ஏற்பட்டிருப்பது எப்படி என்ற கேள்வி எழுப்பப்படுகிறது. தவெக வேட்பாளரின் பிரமாணப் பத்திரத்தில் காணப்படும் இந்த முரண்பாடுகள் தொடர்பாகத் தேர்தல் ஆணையம் உடனடியாக விசாரணை நடத்தித் தேவையான நடவடிக்கை எடுக்க வேண்டும் என அதிமுக வலியுறுத்தியுள்ளது. 

இதையும் படிங்க: தவெகவுக்கு தாவிய இசக்கி சுப்பையாவிற்கு பேரிடி.. ஒரே போடாய் போட்ட ஹைகோர்ட்...!