ராணுவம் மற்றும் காவல்துறை நடவடிக்கையால் இரண்டு பேர் மரணம் அடைந்தது குறித்து ஜம்மு காஷ்மீர் மாநிலத்தில் கொந்தளிப்பான சூழ்நிலை உருவாகி உள்ளது. 

இறந்தவர்களின் குடும்பத்தினரை சந்தித்து ஆறுதல் கூற திட்டமிட்டிருந்த முன்னாள் முதல் அமைச்சர் மெஹபூபா முப்தி அவருடைய மகள் இல்திஜாவுடன் கைது செய்யப்பட்டு வீட்டுக் காவலில் வைக்கப்பட்டுள்ளனர். 

ஸ்ரீநகர் ஜம்மு - காஷ்மீரின் பாரமுல்லா மாவட்டத்தில் உள்ள சோபோர் சோதனைச் சாவடியில் நிற்காமல் சென்ற லாரி டிரைவர் வசீமி மீர் என்பவரை, பாதுகாப்புப் படையினர் சமீபத்தில் சுட்டுக் கொன்றனர்.

இதையும் படிங்க: 35 ஆண்டுகளில் முதல்முறை! ஜம்மு காஷ்மீர் புல்வாமாவில் தேசியக் கொடி ஏற்றி மரியாதை

இந்த நிலையில் கதுவா மாவட்டத்தைச் சேர்ந்த இளைஞர் ஒருவர் தற்கொலை செய்து கொண்டார். சந்தேகத்தின் அடிப்படையில் அழைத்து சென்ற போலீசார், அவரை சித்ரவதை செய்ததாகவும், இதனால் அவர் தற்கொலை செய்ததாகவும் குற்றம் சாட்டப்பட்டது.

இந்த இரு சம்பவங்களையும் கண்டித்து, பாரமுல்லா மற்றும் கதுவா மாவட்டங்களில் தொடர் போராட்டங்கள் நடந்து வருகின்றன.

இந்த சூழலில், உயிரிழந்த இருவரின் குடும்பத்தினரை சந்தித்து ஆறுதல் கூற, மக்கள் ஜனநாயக கட்சித் தலைவரும், முன்னாள் முதல்வருமான மெஹபூபா முப்தி மற்றும் அவரது மகள் இல்திஜா ஆகியோர் திட்டமிட்டிருந்தனர்.

இந்நிலையில், இல்திஜா  கூறுகையில், ''நானும், என் தாயும் வீட்டுக் காவலில் வைக்கப்பட்டுள்ளோம்.

''வசீமி மீர் குடும்பத்தினரை சந்தித்து ஆறுதல் கூற திட்டமிட்டிருந்தோம். அதை தடுக்கும் வகையில் எங்களுக்கு அனுமதி மறுக்கப்பட்டுள்ளது. தேர்தலுக்கு பின்னும் இங்கு நிலைமை மாறவில்லை,'' என்றார்.

இது தொடர்பாக தனது சமூக வலைதள பதிவில் 'தேர்தலுக்குப் பிறகும் காஷ்மீரில் எதுவும் மாறவில்லை. இப்போது பாதிக்கப்பட்டவர்களின் குடும்பத்தினருக்கு ஆறுதல் கூறுவது கூட குற்றம் ஆக்கப்படுகிறது" என்று அவர் வேதனை தெரிவித்திருக்கிறார்.

கட்சித் தலைவர்களின் வீட்டுக் காவலுக்கு ஆளும் தேசிய மாநாட்டு கட்சி பதில் அளிக்காததற்கு மக்கள் ஜனநாயக கட்சியின்( பி டி பி /செய்தி தொடர்பாளர் வருத்தம் தெரிவித்திருக்கிறார். 

முன்னதாக ஊடக பேட்டி ஒன்றில், 'தேர்ந்தெடுக்கப்பட்ட அரசு ஆட்சியில் இருந்த போதிலும் மனித உரிமைகளைப் பொறுத்தவரை நிலைமை மோசமாகவே உள்ளது' என்று அவர் கூறியிருந்தார். 

ஆனால், வட கரோலினா வின் ஸ்ரீநகர் தொகுதி நாடாளுமன்ற உறுப்பினர் ருஹுல்லா மெஹ்தி இந்த விவாகரத்தில் ராணுவம் கூறிய கருத்துக்களை நிராகரித்தார். 

முதலமைச்சர் உமர் அப்துல்லா முன்னதாக இந்த இரு மரணங்களுக்கும் காவல்துறை மற்றும் ராணுவத்தை கடுமையாக கண்டித்து இருந்தார். "அவை மக்களை அன்னியப்படுத்தும் அபாயத்தை கொண்டு இருப்பதாகவும்" அவர் குற்றம் சாட்டியிருந்தார். 

"உள்ளூர் மக்களின் ஒத்துழைப்பு இல்லாமல் ஜம்மு காஷ்மீர் ஒருபோதும் முழுமையாக இயல்பு நிலைக்குத் திரும்பாது. பயங்கரவாதத்திலிருந்துவிடுபடாது. மத்திய அரசு காலக்கெடு மற்றும் வெளிப்படையான விசாரணை நடத்த வேண்டும்" என்றும் அவர் கேட்டுக்கொண்டார்.

இதையும் படிங்க: ஸ்ரீநகர் - சோனாமார்க் சுரங்கப்பாதையை நாட்டுக்கு அர்ப்பணித்த பிரதமர் மோடி..