சென்னை மெரினா கடற்கரைப் பகுதியில் வீடற்றோருக்கான இரவு நேர காப்பகம் குறித்து தமிழ்நாடு அரசும், பெருநகர சென்னை மாநகராட்சியும் முக்கிய முயற்சி எடுத்துள்ளன. உலகின் நீண்ட கடற்கரைகளில் ஒன்றான மெரினாவில், இரவு நேரங்களில் பல வீடற்றோர், முதியோர், பிச்சைக்காரர்கள் மற்றும் அரை நாடோடி குடும்பங்கள் மணலில் அல்லது சாலையோரங்களில் தங்கி வருவது வாடிக்கையாக உள்ளது.

இவர்களின் பாதுகாப்பு மற்றும் வசதியை கருத்தில் கொண்டு, மாநகராட்சி சார்பில் புதிய இரவு நேர காப்பகம் ஒன்று அமைக்கப்பட்டு வருகிறது. இந்த காப்பகம், மெரினா கடற்கரையில் அண்ணா நீச்சல் குளம் அருகே நவலார் நகரில் உள்ள வெற்றிட இடத்தில் கட்டப்பட்டுள்ளது.

சுமார் 2,100 முதல் 2,400 சதுர அடி பரப்பளவில், ரூ.86 லட்சம் செலவில் இந்த காப்பகம் உருவாக்கப்பட்டுள்ளது. இதில் 80 முதல் 100 பேர் வரை தங்கும் வகையில் வசதிகள் செய்யப்பட்டுள்ளன. கழிப்பறை, மின்விசிறி, ஆர்.ஓ. குடிநீர் வசதி, மெத்தை, குழந்தைகளுக்கான விளையாட்டு இடம் உள்ளிட்ட அடிப்படை வசதிகள் இடம்பெற்றுள்ளன. குறிப்பாக, ஆண்கள், பெண்கள், குழந்தைகள் என அனைத்து பிரிவினரும் தங்கும் வகையில் இது வடிவமைக்கப்பட்டுள்ளது. இது சென்னையில் உள்ள பல காப்பகங்களிலிருந்து வேறுபட்டது.

இதையும் படிங்க: தமிழகத்தில் முதன்முறையாக... நாகையில் பாய்மரப்படகு பயிற்சி... மையத்தை திறந்து வைத்து சிறப்பித்த துணை முதல்வர்...

இந்த இரவு நேர காப்பகத்தை துணை முதலமைச்சர் உதயநிதி ஸ்டாலின் திறந்து வைத்தார். வீடற்றோருக்காக உருவாக்கப்பட்டுள்ள இந்த காப்பகம் மிகவும் பயனுள்ளதாக அமையும் என்று கருதுகின்றனர். 

இதையும் படிங்க: லேப்டாப் திட்டத்தை சீர்குலைக்க EPS முயற்சி... உதயநிதி ஸ்டாலின் பகிரங்க குற்றச்சாட்டு...!