தமிழ்நாடு சட்டப்பேரவையில் மருத்துவம், மருத்துவக் கல்வி மற்றும் மக்கள் நல்வாழ்வுத் துறை அமைச்சர் கே.ஜி. அருண்ராஜ் மானியக் கோரிக்கை விவாதத்தின் போது 115 புதிய அறிவிப்புகளை வெளியிட்டார். முதலமைச்சர் ஜோசப் விஜயின் வழிகாட்டுதலின்படி மக்கள் நலன் மையப்படுத்திய சுகாதார அமைப்பை உருவாக்கும் நோக்கில் இந்த அறிவிப்புகள் அமைந்துள்ளன. அரசு மருத்துவமனைகளின் தரம் உயர்த்துதல், பணியிடங்களை நிரப்புதல், புதிய திட்டங்களை அறிமுகப்படுத்துதல், நோய் தடுப்பு மற்றும் சிறப்பு சிகிச்சை வசதிகளை விரிவுபடுத்துதல் உள்ளிட்ட பல அம்சங்களை உள்ளடக்கியதாக இந்த அறிவிப்புகள் அமைந்தன.அமைச்சர் தனது உரையில் நீட் தேர்வை ரத்து செய்வதற்கான அரசின் உறுதியை மீண்டும் வலியுறுத்தினார்.

சமூக நீதி மற்றும் சம வாய்ப்பை பாதிக்கும் இந்த தேர்வு முறையை எதிர்த்து தொடர்ந்து போராடுவோம் என்றும், இதில் பின்வாங்க மாட்டோம் என்றும் தெரிவித்தார். கிராமப்புற மாணவர்கள் மற்றும் பொருளாதாரத்தில் பின்தங்கிய குடும்பங்களைச் சேர்ந்தவர்கள் மருத்துவக் கல்வி பெறும் வாய்ப்பை இழப்பதைத் தடுக்க 12ஆம் வகுப்பு மதிப்பெண் அடிப்படையிலான சேர்க்கையை மீண்டும் கொண்டுவர மத்திய அரசை வலியுறுத்தினார். 

இந்த நிலைப்பாடு மாநில உரிமைகளையும் சமூக நீதியையும் பாதுகாக்கும் முயற்சியாக அமைந்துள்ளது என்று அவர் விளக்கினார்.மருத்துவத் துறையில் பணியிடப் பற்றாக்குறையை போக்கும் வகையில் முக்கிய அறிவிப்புகள் வெளியாயின. 284 உயர் சிறப்பு மருத்துவப் பணியிடங்களும் 2,500 செவிலியர் பணியிடங்களும் புதிதாக உருவாக்கப்படும். மேலும் சுகாதாரத் துறையில் காலியாக உள்ள 24 வகையான 3,594 பணியிடங்கள் விரைவில் நிரப்பப்படும். இதனால் அரசு மருத்துவமனைகளில் சிகிச்சை தரம் உயரும் என்றும், மக்கள் நீண்ட நேரம் காத்திருக்க வேண்டிய அவசியம் குறையும் என்றும் அமைச்சர் தெரிவித்தார். பணியிடங்களை நிரப்புவதன் மூலம் மருத்துவர்கள் மற்றும் செவிலியர்கள் மீதான அழுத்தம் குறைக்கப்பட்டு, சிறந்த சேவை வழங்க முடியும் என்பது அரசின் நோக்கம்.புதிய பொது சுகாதாரத் திட்டம் ஒன்று உருவாக்கப்படவுள்ளது.

இதையும் படிங்க: பட்டா வழங்க சிறப்பு திட்டம்..! மக்களுக்கு குட் நியூஸ்... பேரவையில் செங்கோட்டையன் அறிவிப்பு..!!

இதனுடன் ‘நலம்’ என்ற பெயரில் புதிய செயலி அறிமுகப்படுத்தப்படும். இந்த செயலி மூலம் பொதுமக்கள் சுகாதார சேவைகள், மருத்துவமனை விவரங்கள், நோய் தடுப்பு ஆலோசனைகள் உள்ளிட்ட தகவல்களை எளிதாகப் பெற முடியும். ‘நலம் 360’ முழு உடல் பரிசோதனை மையங்கள் மேலும் விரிவுபடுத்தப்படும். இதுவரை சில இடங்களில் மட்டும் செயல்பட்டு வந்த இந்த மையங்கள் மாவட்ட அளவில் விரிவடைந்து, முழு உடல் பரிசோதனையை அனைவரும் எளிதாகப் பெற வழிவகை செய்யப்படும்.முதியோர் நலனுக்காக 38 லட்சம் மூத்த குடிமக்களுக்கு முதியோர் காப்பீடு திட்டம் செயல்படுத்தப்படும் 115 அறிவிப்புகளை சட்டப்பேரவையில் அமைச்சர் அருண் ராஜ் அறிவித்துள்ளார். 

இதையும் படிங்க: சென்னை மீண்டும் வெள்ளத்தில் சிக்குமா? திருப்புகழ் ஆணையம்... சவுமியா அன்புமணி பேரவையில் உரை..!!