தமிழ்நாடு சட்டப்பேரவையில் இன்று ஒரு சுவாரசியமான நிகழ்வு நடந்தது. முதலமைச்சர் விஜய் அனைத்து சட்டமன்ற உறுப்பினர்களுக்கும் அரசு சார்பில் கார் வழங்கப்படும் என்றும், மாதாந்திர வாகனப் படியாக ரூ.75,000 மற்றும் உதவியாளர் படியாக ரூ.25,000 வழங்கப்படும் என்றும் அறிவித்தார். இந்த அறிவிப்புக்குப் பிறகு மொடக்குறிச்சி தொகுதி தவெக எம்.எல்.ஏ. சண்முகன் எழுந்து பேசினார்.அவர் முதலில் முதலமைச்சரைப் பாராட்டினார்.

“தமிழகத்தைத் தாங்கிப் பிடித்திருக்கும் முதல்வர் நமக்குக் கிடைத்திருக்கிறார் என்ற பெருமையோடு, அவருக்கு எனது நன்றியைத் தெரிவித்துக் கொள்கிறேன்” என்று கூறிய அவர், அதைத் தொடர்ந்து ஒரு நகைச்சுவையான கோரிக்கையை முன்வைத்தார். “கொடுக்கிற காரை இன்னோவா காராகக் கொடுத்தால் நன்றாக இருக்கும் என்று பின்னால் இருக்கும் உறுப்பினர்கள் சொல்லுகின்றனர்” என்று அவர் சொன்னார்.இந்த வார்த்தைகள் சட்டப்பேரவையில் பெரும் சிரிப்பலையை ஏற்படுத்தின. உறுப்பினர்கள் பலர் சிரித்து மகிழ்ந்தனர்.

முதலமைச்சர் விஜயும் சிரிப்புடன் அந்தக் கோரிக்கையைக் கவனித்தார். சண்முகனின் இந்தப் பேச்சு சட்டசபை நடைமுறைகளை லேசாக மாற்றியது போல் தோன்றியது. கடுமையான விவாதங்களுக்கு இடையே ஒரு நகைச்சுவைத் தருணம் உருவாகியது.இந்த அறிவிப்புக்கு முன்னர் சில எம்.எல்.ஏ.க்கள் வாகன வசதி குறித்து கோரிக்கை வைத்திருந்தனர். குறிப்பாக விசிக எம்.எல்.ஏ. ஜோதிமணி சொந்த வண்டி இல்லாமல் வாடகை வண்டியில் சட்டசபைக்கு வருவதாகவும், தொகுதிப் பணிகளுக்கு வாகனம் அவசியம் என்றும் கூறியிருந்தார்.

இதையும் படிங்க: இடதுசாரிகளின் பெயர், முகவரியை சேகரிக்க செல்வதா..? திண்டுக்கல் எம்.பி. சச்சிதானந்தம் கண்டனம்..!!

அந்தக் கோரிக்கைகளை ஏற்றே முதலமைச்சர் இந்த வசதிகளை அறிவித்தார். அனைத்து உறுப்பினர்களுக்கும் பொதுவாக இந்த வசதி அளிக்கப்படுவதால், கட்சி வேறுபாடின்றி அனைவரும் பயன்பெறும் நிலை ஏற்பட்டுள்ளது.சண்முகனின் பேச்சுக்குப் பிறகு தவெக எம்.எல்.ஏ. சிந்து பாடல் பாடி நன்றி தெரிவித்தார். “கொடுத்ததெல்லாம் கொடுத்தார்.. இவர் யாருக்காகக் கொடுத்தார்.. ஒருத்தருக்கா கொடுத்தார்.. இல்லை ஊருக்காகக் கொடுத்தார்” என்று பாடிய அவரது பாடலை முதலமைச்சர் புன்முறுவலுடன் கேட்டார். இது மேலும் அவையில் மகிழ்ச்சியான சூழலை உருவாக்கியது.

இதையும் படிங்க: கட்சி தாவிய விவகாரம்..! 6 எம்எல்ஏக்கள் தகுதி நீக்க வழக்கு..!! சென்னை உயர்நீதிமன்றம் சரமாரி கேள்வி..!!