தமிழக அரசின் புதிய அமைச்சரவையில் பொறுப்பேற்றுள்ள அமைச்சர்கள், மக்களுக்கு அளித்த வாக்குறுதிகளை நிறைவேற்றும் வகையில் தொடர்ந்து கள ஆய்வுகளை மேற்கொண்டு வருகின்றனர். இந்த வரிசையில், வடசென்னையின் N4 கடற்கரைப் பகுதியை உலகத் தரத்தில் மேம்படுத்துவதற்கான சாத்தியக் கூறுகளை ஆராயும் வகையில் முக்கிய அமைச்சர்கள் நேரில் பார்வையிட்டு ஆய்வு செய்த சம்பவம் பெரும் எதிர்பார்ப்பை ஏற்படுத்தியுள்ளது. 

ஊரக வளர்ச்சி மற்றும் நீர்வளத் துறை அமைச்சர் மாண்புமிகு என். ஆனந்த், பொதுப்பணி மற்றும் விளையாட்டு மேம்பாட்டுத் துறை அமைச்சர் மாண்புமிகு ஆதவ் அர்ஜுனா, நிதி, திட்டம் மற்றும் வளர்ச்சித் துறை அமைச்சர் மாண்புமிகு டாக்டர் நெ. மரிய வில்சன் ஆகியோர் சமீபத்தில் N4 கடற்கரைப் பகுதிக்கு நேரில் சென்று விரிவான ஆய்வு மேற்கொண்டனர். ஆர்.கே.நகர் மக்களுக்கு தேர்தல் பிரச்சாரத்தின்போது அளிக்கப்பட்ட வாக்குறுதியை நிறைவேற்றும் நோக்கில் இந்த ஆய்வு நடைபெற்றது. 

N4 கடற்கரை, காசிமேடு மற்றும் அதைச் சுற்றியுள்ள பகுதிகளில் அமைந்துள்ளது. இது மீன்பிடி தொழிலுக்கு பெயர் பெற்ற இடமாக இருந்தாலும், சுற்றுலா மற்றும் பொழுதுபோக்கு அம்சங்களில் பெரும் திறன் கொண்டுள்ளது. அமைச்சர்கள் இங்கு நடைபெற்ற ஆய்வின்போது, கடற்கரையை பெசன்ட் நகர் கடற்கரைக்கு இணையான அல்லது அதைவிட சிறப்பான அதிநவீன பொழுதுபோக்கு தளமாக மாற்றுவதற்கான சாத்தியக்கூறுகளை மதிப்பீடு செய்தனர். கடற்கரைப் பகுதியின் தற்போதைய நிலை, சுற்றுச்சூழல் பாதுகாப்பு, உள்கட்டமைப்பு வசதிகள், சாலை இணைப்புகள், பாதுகாப்பு ஏற்பாடுகள் உள்ளிட்ட பல்வேறு அம்சங்களை நேரில் பார்வையிட்டு அதிகாரிகளுடன் விவாதித்தனர். 

இதையும் படிங்க: பாஜகவின் அடுத்து விக்கெட்.! A.G. சம்பத் கட்சியில் இருந்து விலகல்..! முக்கிய அறிவிப்பு..!!

இந்தப் பகுதி ஆர்.கே.நகர், ராயபுரம் மற்றும் திருவொற்றியூர் எல்லைகளுக்கு இடையே அமைந்துள்ளது. பெரம்பூர் தொகுதிக்கு அருகாமையில் இருப்பதால், வடசென்னை முழுவதற்கும் ஒரு புதிய அடையாளமாக இது உருவாகும் என எதிர்பார்க்கப்படுகிறது. 

இதையும் படிங்க: புது கட்சி தொடங்கிய அண்ணாமலை..! பாஜகவுக்கு பாதிப்பா..? நயினார் நச் விளக்கம்..!