பாகிஸ்தான் ஆட்டுத்தோல் அணிந்த ஓநாய், வளர்ச்சி என்ற பெயரில் கடன் வாங்கி இந்தியாவிற்கு எதிராக பயங்கரவாதத்தைத் தூண்டுகிறது

சர்வதேச நாணய நிதியம் மீண்டும் பாகிஸ்தானுக்கு பிணை எடுப்பு கடனை வழங்கியுள்ளது. பாகிஸ்தான் இதற்கு முன்பு பல முறை சர்வதேச நாணய நிதியத்திடம் இருந்து பணத்தைப் பெற்றுள்ளது. ஆனால், அது எப்போதும் வாக்குறுதிகளை மீறியுள்ளது. மே 9 அன்று, சர்வதேச நாணய நிதியத்தின் நிர்வாகக் குழு விரிவாக்கப்பட்ட நிதி வசதி, பாகிஸ்தானுக்கான புதிய மீள்தன்மை, நிலைத்தன்மை வசதிக்காக பணம் வழங்கியது. இதற்கு இந்தியா கடுமையாக எதிர்ப்புத் தெரிவித்தது.

பாகிஸ்தானுக்கு சர்வதேச நாணய நிதியம் தொடர்ந்து ஆதரவளிப்பது குறித்து இந்தியா கவலை கொண்டுள்ளது. இந்தியா வாக்கெடுப்பில் பங்கேற்கவில்லை. "பாகிஸ்தான் நீண்ட காலமாக சர்வதேச நாணய நிதியத்தில் இருந்து கடன் வாங்கி வருகிறது. சர்வதேச நாணய நிதியத்தின் விதிகளை பாகிஸ்தான் முறையாகப் பின்பற்றவில்லை" என்று இந்தியா கூறியது. 

இதையும் படிங்க: இந்தியாவுடன் பாக்., தீர்க்கத் துடிக்கும் அந்த 3 பிரச்சினைகள்..! சாந்தமான சைத்தான் கவாஜா..!

இந்த சர்வதேச நாணய நிதியம், பாகிஸ்தானில் உள்ள பயங்கரவாத தளங்களை இந்தியா தாக்கிய நேரத்தில் பணத்தை கொடுத்துள்ளது. 'ஆபரேஷன் சிந்தூர்' என்ற திட்டத்தின் கீழ் பாகிஸ்தான், பாகிஸ்தான் ஆக்கிரமிப்பு காஷ்மீரில் உள்ள ஒன்பது பயங்கரவாத முகாம்களை இந்தியா குறிவைத்தது. பஹல்காமில் நடந்த பயங்கரவாத தாக்குதலுக்கு பதிலடியாக இந்த தாக்குதல் நடத்தப்பட்டது. இதில் 26 பொதுமக்கள் கொல்லப்பட்டனர். இந்தியாவின் போர் விமானங்களும் ட்ரோன்களும் பயங்கரவாத உள்கட்டமைப்பை அழித்தன. 

பாகிஸ்தானின் இராணுவமும் ஆக்ரோஷமான நிலைப்பாட்டைக் காட்டியது. ஆனால் நேரடியாக பதிலடி கொடுக்கவில்லை. இது பாகிஸ்தானின் பொருளாதார நிலை மோசமாக உள்ளது என்பதைக் காட்டுகிறது. இந்த சம்பவத்திற்கு சில நாட்களுக்குப் பிறகு, பாகிஸ்தானுக்கு சர்வதேச நாணய நிதியம் மற்றொரு பிணை எடுப்பு பணத்தை கொடுத்துள்ளது. இது பாகிஸ்தானின் அத்தியாவசிய பிரச்சினைகளைத் தீர்க்காமல் இந்தியாவுக்கு எதிராக தன்னைத் தக்க வைத்துக் கொள்ள பெறப்பட்ட நிதியாக பார்க்கப்படுகிறது. இதில் பாகிஸ்தான் பயங்கரவாதத்தை ஊக்குவிப்பதும் அடங்கியுள்ளது.

பாகிஸ்தான் சர்வதேச நாணய நிதியத்திடம் நிறைய கடன்களைப் பெற்றுள்ளது. 1958 முதல், பாகிஸ்தான் சர்வதேச நாணய நிதியத்திடம் 24 முறை நிதி உதவியை நாடியுள்ளது. ஆனால் எதிர்பார்த்தபடி பலன்கள் கிடைக்கவில்லை. பொருளாதார சீர்திருத்தங்களைச் செய்வதற்குப் பதிலாக, பாகிஸ்தான் மீண்டும் மீண்டும் பணத்தை தவறாகப் பயன்படுத்தியுள்ளது. அதன் மூலம் இராணுவத்தை வலுப்படுத்தியுள்ளது. எல்லை தாண்டிய பயங்கரவாதத்தை ஊக்குவித்துள்ளது. ஊழல்வாதிகளை பணக்காரர்கள் ஆக்கியுள்ளது. பிரபல பாகிஸ்தானிய பொருளாதார நிபுணர் கைசர் பெங்காலி, ''பாகிஸ்தான் ஒரு பிச்சைக்கார நாடு. அது பழைய கடன்களை அடைக்க மட்டுமே கடன் வாங்குகிறது'' என்று கூறியுள்ளார்.

லஷ்கர்-இ-தொய்பா, ஜெய்ஷ்-இ-முகமது, ஹிஸ்புல் முஜாஹிதீன் போன்ற தீவிரவாத அமைப்புகள் பாகிஸ்தான் இராணுவ, உளவுத்துறையின் ஆதரவுடன் வெளிப்படையாகச் செயல்படுகின்றன. பல முறை சர்வதேச நாணய நிதியத்திடம் உதவி பெற்றாலும், பாகிஸ்தானின் பொருளாதாரம் எப்போதும் நெருக்கடியில் உள்ளது. அரசியலில் இராணுவம் ஆதிக்கம் செலுத்துகிறது. பாகிஸ்தானின் சிவில் அரசு பெயரளவில் மட்டுமே செயல்படுகிறது.

பாகிஸ்தானிடம் $130 பில்லியனுக்கும் அதிகமான வெளிநாட்டுக் கடன் இருப்பதாக புள்ளிவிவரங்கள் தெரிவிக்கின்றன. பாகிஸ்தானின் அந்நியச் செலாவணி இருப்பு 15 பில்லியன் டாலர்கள் மட்டுமே. இது மூன்று மாத  அத்தியாவசிய செலவுகளுக்குக் கூட பாகிஸ்தானுக்கு போதுமானதாக இல்லை. ஆனாலும், ஸ்டாக்ஹோம் சர்வதேச அமைதி ஆராய்ச்சி நிறுவன தகவலின்படி பாகிஸ்தான் 2024 ஆம் ஆண்டில் பாதுகாப்புக்காக $10 பில்லியனை செலவிட்டுள்ளது. இது அந்நாட்டின் மொத்த உள்நாட்டு உற்பத்தியில் 2.6%. இராணுவச் செலவு மேலும் அதிகரிக்கும். பாகிஸ்தான் இந்த ஆண்டு பாதுகாப்புச் செலவினங்களை 18% அதிகரிக்க திட்டமிட்டுள்ளது.

அதே நேரத்தில், கல்வி, சுகாதாரம், உள்கட்டமைப்பு போன்ற முக்கியமான துறைகளில் கக் குறைந்த பணமே முதலீடு செய்யப்படுகிறது. பாகிஸ்தானில் வரி முறையும் மிகவும் மோசமாக உள்ளது. ஒவ்வொரு ரூ.100 வரியிலும் வர்த்தகம், இறக்குமதி செய்யும் நிறுவனங்கள் 60 பைசா மட்டுமே செலுத்துகின்றன. ஏனென்றால் அங்கு ஊழல் மிக அதிகமாக உள்ளது. தலைவர்களும், தொழிலதிபர்களும் சேர்ந்து வரி செலுத்துவதில்லை. அதிக பணம் சம்பாதிக்கிறார்கள்.

பாகிஸ்தானின் பொருளாதார நெருக்கடி பற்றிய பேச்சுகளால் சர்வதேச சமூகம் மீண்டும் மீண்டும் அச்சம் கொள்கிறது. பாகிஸ்தானின் ராணுவ ஜெனரல்கள் அணு ஆயுதங்களின் பெயரால் மிரட்டுகிறார்கள். பாகிஸ்தானில் ஸ்திரத்தன்மை இல்லாவிட்டால், ஆபத்து ஏற்படக்கூடும் என்பதால் இந்த வழியில் அவர்களுக்கு நிதி உதவி கிடைத்து வருவதாகக் கூறுகிறார்கள். இதனால் உலக அளவில் கடன் வழங்குபவர்களிடம் இருந்து எந்த உத்தரவாதமும் இல்லாமல் நிதி உதவியைப் பெறுவதற்கான பாகிஸ்தானின் ஒரு புத்திசாலித்தனமான தந்திரம்.

ஆனால் இப்போது இந்த சூழ்ச்சியைப் புரிந்து கொள்ள வேண்டும். உலகிற்கு பொருளாதார ஸ்திரத்தன்மையைக் கொண்டுவருவதே சர்வதேச நாணய நிதியத்தின் வேலை. ஆனால் பாகிஸ்தானுக்கு மீண்டும் மீண்டும் நிதி உதவி அளித்து வருகிறது. இந்தக் கடன்கள் பாகிஸ்தானின் தவறான அணுகுமுறையை மேலும் மேலும் அதிகரித்து வருகிறது. பொருளாதார சீர்திருத்தத்திற்காக ஒதுக்கப்பட்ட பணம் இராணுவச் செலவினங்களுக்காக செலவிடப்படுகிறது. தீவிரவாதக் குழுக்களுக்கு அள்ளி வழங்கப்படுகிறது.

சீர்திருத்தங்களை மறுக்கும், பயங்கரவாதத்தை ஊக்குவிக்கும், அணு ஆயுதங்களின் பெயரில் மிரட்டும் ஒரு நாட்டிற்கு உலகம் மேலும் உதவி செய்ய முடியாது. சர்வதேச நாணய நிதியம் அதன் சிந்தனையை மாற்ற வேண்டும். மோசமான நாடுகளுக்கு வெகுமதி அளிப்பதற்குப் பதிலாக, அவற்றைப் பொறுப்பேற்க வைக்க வேண்டும். பயங்கரவாதத்தை ஊக்குவிக்கும் ஒரு நாட்டிற்கு உலகம் எவ்வளவு காலம் தொடர்ந்து நிதி உதவி வழங்கும்? இந்தக் கேள்வியை சர்வதேச நாணய நிதியம் இந்தியாவிடம் மட்டுமல்ல, உலகின் பாதுகாப்பு, பொருளாதார ஒருமைப்பாட்டை மதிக்கும் ஒவ்வொரு நாட்டிடமும் கேட்க வேண்டும்.

இதையும் படிங்க: பேரழிவை ஏற்படுத்திய 'ஆபரேஷன் சிந்தூர்': 3 நாட்களில் பாக்., இழந்தது இத்தனை ஆயிரம் கோடியா..?