தே.மு.தி.க. பொதுச் செயலாளர் பிரேமலதா விஜயகாந்த் வரும் 2026 சட்டமன்றத் தேர்தலில் தானும், மகன் விஜய பிரபாகரனும் நேரடியாகப் போட்டியிடாமல், தி.மு.க. கூட்டணிக்கு ஆதரவாக தீவிர பிரசாரத்தில் ஈடுபட முடிவு செய்துள்ளார். இந்த தகவல் தே.மு.தி.க. வட்டாரத்தில் பெரும் பரபரப்பை ஏற்படுத்தியுள்ளது.

தே.மு.தி.க. பொதுச் செயலாளர் பிரேமலதா விஜயகாந்த் வரும் 2026 சட்டமன்றத் தேர்தலில் தானும், மகன் விஜய பிரபாகரனும் நேரடியாகப் போட்டியிடாமல், தி.மு.க. கூட்டணிக்கு ஆதரவாக தீவிர பிரசாரத்தில் ஈடுபட முடிவு செய்துள்ளார். இந்த தகவல் தே.மு.தி.க. வட்டாரத்தில் பெரும் பரபரப்பை ஏற்படுத்தியுள்ளது.

முன்பு விஜயகாந்த் வெற்றி பெற்ற விருத்தாசலம் அல்லது ரிஷிவந்தியம் தொகுதியிலும், விருதுநகர் அல்லது சாத்தூர் தொகுதியிலும் பிரேமலதாவும் விஜய பிரபாகரனும் போட்டியிடுவார்கள் என எதிர்பார்க்கப்பட்டது. ஆனால், குடும்பத்துக்கு மட்டும் தொடர்ந்து சீட் கொடுத்தால் கட்சிக்குள் பெரும் எதிர்ப்பு எழும் என்பதை உணர்ந்த பிரேமலதா, இந்த முறை தேர்தலில் போட்டியிடாமல் இருக்க முடிவு செய்துள்ளார்.

இதையும் படிங்க: சுதீஷுக்கு அந்த அருகதை இல்லையா? பிரேமலதா விஜயகாந்த் சரமாரி கேள்வி..!!

தே.மு.தி.க. நிர்வாகிகள் சிலர் கூறுகையில், “அ.தி.மு.க. கூட்டணியில் இணையும் என எதிர்பார்த்த நிலையில், பிரேமலதா திடீரென தி.மு.க.வுடன் கூட்டணி அமைத்தார். தம்பி சுதீஷுக்கு ராஜ்யசபா சீட் கிடைத்த பிறகு, பிரேமலதாவும் விஜய பிரபாகரனும் சட்டசபைத் தேர்தலில் போட்டியிட்டால் கட்சியினர் கடும் அதிருப்தி அடைவார்கள். இது மற்ற தொகுதிகளில் போட்டியிடும் தே.மு.தி.க. வேட்பாளர்களையும் பாதிக்கும். அதனால் போட்டியிடாமல், முழு நேர பிரசாரகராக செயல்பட முடிவு செய்துள்ளார்” என்றனர்.

தற்போது தமிழக அரசியலில் தி.மு.க., அ.தி.மு.க., நாம் தமிழர் மற்றும் தமிழக வெற்றிக் கழகம் என நான்கு முனை போட்டி உருவாகியுள்ளது. இந்தச் சூழலில் தே.மு.தி.க. தி.மு.க. கூட்டணியில் இணைந்தது பெரும் தாக்கத்தை ஏற்படுத்தியுள்ளது. எனினும், கூட்டணியில் இணைந்த புதிதில் கூடுதல் தொகுதிகள் கேட்கும் தே.மு.தி.க.வுக்கு வி.சி. மற்றும் இந்திய கம்யூனிஸ்ட் உள்ளிட்ட கட்சிகள் அதிருப்தி தெரிவித்து வருகின்றன.

பிரேமலதாவின் இந்த முடிவு கட்சிக்குள் உள்ள அதிருப்தியை ஓரளவு குறைக்கும் என எதிர்பார்க்கப்படுகிறது.

இதையும் படிங்க: தேர்தல் வந்தால் பெட்டியைத் தூக்கிட்டு கட்சி, கட்சியா போய்டுவாங்க... டேரக்ட்டா பிரேமலதாவை சீண்டிய விந்தியா...!