மனதின் குரல், பிரதமர் நரேந்திர மோடியோட மக்களோட நேரடி உரையாடல் நிகழ்ச்சி, இந்தியாவுல மிகப் பிரபலமான வானொலி நிகழ்ச்சியா இருக்கு. 2014 அக்டோபர் 3-ல் ஆரம்பிச்ச இந்த நிகழ்ச்சி, இதுவரை 123 அத்தியாயங்களை கடந்து, இன்று (ஜூலை 27, 2025) 124-வது அத்தியாயம் ஒலிபரப்பாச்சு. 

இந்த நிகழ்ச்சி ஆல் இந்தியா ரேடியோ, தூர்தர்ஷன், மற்றும் பல மொழிகளில் ஒளிபரப்பாகுது. இதோட முக்கிய நோக்கம், மக்களோடு நேரடியா பேசி, ஆட்சி பத்தின விஷயங்களை எளிமையா விளக்கறது. இந்தியாவுல 90% மக்களை ரேடியோ மூலமா சென்றடைய முடியறதால, இந்த நிகழ்ச்சி ரொம்ப பிரபலமாச்சு. 23 கோடி பேர் தொடர்ந்து இதைக் கேட்கறாங்க, ஒரு பில்லியன் பேர் ஒரு முறையாவது கேட்டிருக்காங்கனு IIM ரோஹ்டக் ஆய்வு சொல்லுது.

இன்றைய 124-வது அத்தியாயத்துல, பிரதமர் மோடி இந்தியாவோட விண்வெளி, அறிவியல், விளையாட்டு, இளைஞர்கள், பெண்களோட பங்களிப்பு, சுயசார்பு, கலாசார பாதுகாப்பு பத்தி பேசினார். “நம்மோட ‘கேளோ பாரத் நீதி 2025’ ரொம்ப பாராட்டப்பட்டிருக்கு. இதோட முக்கிய நோக்கம், இந்தியாவை ஒரு விளையாட்டு வல்லரசா மாற்றறது. கிராமங்கள், ஏழைகள், பெண்கள் இதுல முன்னுரிமையா இருக்காங்க. பள்ளிகள்ல விளையாட்டை ஊக்கப்படுத்தறதுக்கு புது திட்டங்கள் வருது”னு மோடி சொன்னார். 

இதையும் படிங்க: எமர்ஜென்சிங்கிற பேருல என்னலாம் நடந்துச்சு தெரியுமா? மனதின் குரல் நிகழ்ச்சியில் நார் நாராக கிழித்த மோடி..!

இதோட, இந்தியாவோட விண்வெளி சாதனைகளை பெருமையோட பேசினார். “நம்மோட ISRO 100-வது ராக்கெட்டை செலுத்தியிருக்கு. இது ஒரு எண்ணிக்கை மட்டும் இல்ல, நம்மோட விண்வெளி ஆராய்ச்சியில உறுதியைக் காட்டுது. சந்திரயான், மங்கள்யான், ஆதித்யா L1, ஒரே முறையில 104 செயற்கைக் கோள்களை அனுப்புனது எல்லாம் நம்மோட திறமையை உலகுக்கு காட்டுது”னு பெருமையா சொன்னார்.

மோடி இளைஞர்களையும், பெண்களையும் பாராட்டினார். “நம்மோட இளைஞர்கள், பெண்கள் புதுமையான கண்டுபிடிப்புகளை செய்யறாங்க. இவங்களோட ஆர்வமும், உழைப்பும் நம்மை முன்னோக்கி கொண்டு போகுது”னு குறிப்பிட்டார். கலாசார பாதுகாப்பு பத்தியும் பேசினார். “நம்மோட பாரம்பரியத்தை பாதுகாக்கறது நம்மோட கடமை. 300 பழமையான கலைப்பொருட்கள் அமெரிக்காவிலிருந்து திரும்பக் கொண்டுவரப்பட்டிருக்கு. 

இது நம்மோட பெருமை”னு சொன்னார். இதோட, ‘ஏக் பேட் மா கே நாம்’ மரம் நடுதல் திட்டம், சுவச் பாரத், ஜல் சஞ்சய்-ஜன் பாகிடாரி மாதிரி மக்கள் இயக்கங்களையும் பாராட்டினார். “இந்த திட்டங்கள் அரசு திட்டம் இல்ல, மக்கள் இயக்கம். உங்களோட பங்களிப்பு இதை வெற்றிகரமாக்குது”னு உற்சாகப்படுத்தினார்.

ஓலைச்சுவடிகளில் பன்னெடுங்காலமாக பாதுகாக்கப்பட்டு வரும் நமது அறிவுச்செல்வத்தை அடுத்த தலைமுறைகளுக்கு கொண்டு செல்ல வேண்டும். அத்தகைய பணியை செய்து வரும் தஞ்சையை சேர்ந்த மணிமாறனின் பணி பாராட்டுக்குரியது
சில மாணவர்கள் இந்த கையெழுத்துப் பிரதிகளை அடிப்படையாகக் கொண்ட ஒரு ஆராய்ச்சியைத் தொடங்கியுள்ளனர். பண்டைய காலத்து பிரதிகள் டிஜிட்டல் மயமாக்கப்படும். பின்னர் ஒரு தேசிய டிஜிட்டல் களஞ்சியம் உருவாக்கப்படும்.

அங்கு உலகம் முழுவதிலுமிருந்து மாணவர்கள் மற்றும் ஆராய்ச்சியாளர்கள் இந்தியாவின் அறிவியல் மரபுகள் கற்றுக்கொள்ள முடியும். இதனை கற்றுக்கொள்ள விரும்பினால் கலாசார அமைச்சகத்தைத் தொடர்பு கொள்ளுமாறு நான் உங்கள் அனைவரையும் கேட்டுக்கொள்கிறேன். ஏனெனில் இவை வெறும் கையெழுத்துப் பிரதிகள் அல்ல, இவை இந்தியாவின் அத்தியாயங்கள், நாம் வரும் தலைமுறையினருக்கு வழங்க வேண்டும்னும் பிரதமர் மோடி சொன்னார்.

இதையும் படிங்க: பார்லி.,-யில் டிஸ்டர்ப் பண்ணுனா!! உங்களுக்கு தான் நஷ்டம்!! எதிர்க்கட்சிகளை சீண்டும் கிரண் ரிஜ்ஜூ..