டெல்லி ராம்லீலா மைதானத்தில் ஆகஸ்ட் 24, 2025-ல், SSC தேர்வு முறைகேடுகளுக்கு எதிராகப் போராடிய மாணவர்கள் மீது டெல்லி போலீஸ் நடத்திய தடியடி, இப்போ நாடு முழுக்க பெரிய பரபரப்பை கிளப்பியிருக்கு. இந்த சம்பவத்துக்கு காங்கிரஸ் தலைவர் ராகுல் காந்தி கடுமையாக கண்டனம் தெரிவிச்சு, “இது கோழை அரசின் அடையாளம்”னு மோடி அரசை கடுமையா விமர்சிச்சிருக்கார். 

ராம்லீலா மைதானத்தில் ஞாயிறு காலைல இருந்து 15,000-க்கும் மேற்பட்ட மாணவர்களும் ஆசிரியர்களும் ஒண்ணு சேர்ந்து, SSC (Staff Selection Commission) தேர்வுகளில் நடக்குற முறைகேடுகளுக்கு எதிரா குரல் கொடுத்தாங்க. ஜூலை 24 முதல் ஆகஸ்ட் 1 வரை நடந்த Phase 13 SSC தேர்வு, 142 நகரங்களில் 194 மையங்களில் நடந்தது. ஆனா, திடீர்னு தேர்வு ரத்து, சர்வர் கிராஷ், பயோமெட்ரிக் பிரச்னை, 500 கி.மீ. தொலைவில் தேர்வு மையம் ஒதுக்குறது மாதிரியான பல பிரச்னைகளால் 5 லட்சம் மாணவர்கள் பாதிக்கப்பட்டாங்க. 

இதனால, “தேர்வு முறையை சரி செய்யணும், வேலைவாய்ப்புக்கு நியாயம் வேணும்”னு மாணவர்கள் போராட்டத்தில் இறங்கினாங்க. ஆனா, மாலை 6 மணிக்கு அனுமதி முடிஞ்ச பிறகு, சுமார் 100 மாணவர்கள் கலைஞ்சு போக மறுத்ததால, போலீஸ் வலுகட்டாயமா அப்புறப்படுத்த முயற்சி செஞ்சது. இதுல மோதல் வெடிச்சு, தடியடி நடந்து, 44 பேர் கைது செய்யப்பட்டாங்க. பல மாணவர்களுக்கு காயமும் ஏற்பட்டது. மைதானத்துல விளக்குகளை அணைச்சு, மீடியாவை கவரேஜ் பண்ண விடாம பண்ணதாகவும் குற்றச்சாட்டு எழுந்திருக்கு.

இதையும் படிங்க: வாக்காளர் உரிமை யாத்திரை!! ராகுல் காந்தியுடன் கைகோர்க்கும் மு.க.ஸ்டாலின்!!

ராகுல் காந்தி, ஆகஸ்ட் 25-ல் X-ல ஒரு பதிவு போட்டு, மோடி அரசை கடுமையா விமர்சிச்சார். “ராம்லீலா மைதானத்தில் அமைதியா போராடின மாணவர்கள் மேல மிருகத்தனமா தடியடி நடத்தினது வெட்கக்கேடு மட்டுமல்ல, கோழை அரசின் அடையாளம். இளைஞர்கள் வேலை, நீதினு கேட்டாங்க, ஆனா கிடைச்சது லத்தி! மோடி அரசுக்கு இளைஞர்களோட எதிர்காலம் பற்றி கவலை இல்லை. 

ஏன்னா, இந்த அரசு மக்களோட வாக்குகளைப் பெறலை, வாக்குகளை திருடித்தான் ஆட்சிக்கு வந்தது. முதல்ல வாக்கு திருடுவாங்க, அப்புறம் தேர்வு, வேலை திருடுவாங்க, பிறகு உங்க உரிமைகளையும் குரலையும் நசுக்குவாங்க. இளைஞர்கள், விவசாயிகள், ஏழைகள், தலித், சிறுபான்மையினர் வாக்கு இவங்களுக்கு தேவை இல்லை, அதனால உங்க கோரிக்கைகளுக்கு முக்கியத்துவம் கொடுக்க மாட்டாங்க. இப்போ பயப்படாம, உறுதியா போராடணும்”னு பதிவு போட்டு தாக்கியிருக்கார்.

காங்கிரஸ் தலைவர் மல்லிகார்ஜுன் கார்கே, “மோடி அரசு இளைஞர்களோட எதிர்காலத்தை திருடுது. BJP-RSS கல்வி முறையை அழிச்சிருக்கு”னு குற்றம்சாட்டியிருக்கார். பிரியங்கா காந்தி வத்ரா, “தேர்வு மோசடி, பேப்பர் லீக், ஆட்சேர்ப்பு ஊழல்னு இளைஞர்கள் தவிக்குறாங்க. இதை சரி செய்யாம, மாணவர்கள் மேல லத்தி வீசுறது அநியாயம்”னு X-ல பதிவு போட்டு கண்டிச்சிருக்கார். 

ஆம் ஆத்மி தலைவர் அரவிந்த் கெஜ்ரிவால், “BJP-யோட இந்த லத்தி-லீலா, மாணவர்களோட குரலை அடக்குற முயற்சி. வேலை கொடுக்க முடியாத இவங்க, இளைஞர்களை அடிக்குறதுல முதலிடம்”னு குற்றம்சாட்டியிருக்கார். மனிஷ் சிசோடியா, “வேலை கொடுக்க முடியாத மோடி அரசு, இளைஞர்களை அடிக்குறதுல முதலிடம்”னு வீடியோவோடு பதிவு போட்டிருக்கார்.

டெல்லி போலீஸ், “லத்தி அடி இல்லை, 1,500 பேர் போராட்டத்துக்கு வந்தாங்க, 100 பேர் கலைஞ்சு போக மறுத்ததால, 44 பேரை கைது செஞ்சோம்”னு மறுத்திருக்கு. ஆனா, மாணவர்கள், “விளக்குகளை அணைச்சு, மிரட்டி, லத்தி அடி நடத்தினாங்க”னு குற்றம்சாட்டுறாங்க. இந்த சம்பவம், இளைஞர்களோட எதிர்காலத்தை பறிக்கிற முயற்சியா, அரசியல் பழிவாங்குதலா, இல்லை உண்மையிலேயே ஒரு மோதலா இருக்குனு விசாரணை முடிஞ்ச பிறகு தான் தெரியும். 

இதையும் படிங்க: ராகுல்காந்திக்கு இதான் பெரிய பயமே!! மோடி சொன்ன காரணம்!! கட்சி மாறும் தலைவர்கள்?