சமீப காலங்களில் வெடிகுண்டு மிரட்டல் விடுக்கப்படும் சம்பவங்கள் அதிகரித்துள்ளன. மக்களிடையே பெரும் பதற்றத்தை ஏற்படுத்தும் விதமாக இமெயில் மூலமும் செல்போன் அழைப்புகள் மூலமும் வெடிகுண்டு மிரட்டல்கள் விடுக்கப்பட்ட வருகின்றன. பள்ளிகள், கல்லூரிகள், முக்கிய வணிக வளாகங்கள், அரசியல் கட்சி தலைவர்கள் என பலரது வீடுகளுக்கும் அலுவலகங்களுக்கும் வெடிகுண்டு மிரட்டல் விடுக்கும் சம்பவங்கள் அரங்கேறுகின்றன. முதலமைச்சர் ஸ்டாலின், துணை முதலமைச்சர் எடப்பாடி பழனிச்சாமி, தமிழக வெற்றி கழக தலைவர் விஜய், என பலரது வீடுகளுக்கு வெடிகுண்டு மிரட்டல் விடுக்கப்பட்டது.
சமீபத்தில் விஜய் வீட்டுக்கு வெடிகுண்டு மிரட்டல் விடுத்த நபரை செல்போன் எண்ணை கொண்டு போலீசார் கைது செய்தனர். டிபிஐ அலுவலகம், சென்னை உயர்நீதிமன்றம், வானிலை ஆய்வு மையம் என பல இடங்களுக்கும் வெடிகுண்டு மிரட்டல் விடுக்கப்படுகின்றன. இந்த சம்பவங்களுக்கு எப்போது தான் முற்றுப்புள்ளி வைக்கப்படும் என்ற கேள்வி எழுந்துள்ளது.
தமிழ் சினிமாவின் பிரபல நடிகைகளில் ஒருவரான ரம்யா கிருஷ்ணன் வீட்டுக்கு வெடிகுண்டு மிரட்டல் விடுக்கப்பட்டது. சென்னை அபிராமிபுரத்தில் உள்ள அவர் அது வீட்டுக்கு வெடிகுண்டு மிரட்டல் விடுக்கப்பட்ட சம்பவம் பரபரப்பை ஏற்படுத்தியது. இமை மூலம் வெடிகுண்டு மிரட்டல் வந்த நிலையில் தீவிர சோதனை நடத்தப்பட்டது. இதனை அடுத்து வெடிகுண்டு மிரட்டல் புரளி என்பது தெரிய வந்தது. இது போன்ற சம்பவங்களில் ஈடுபடும் நபர்களை கண்டறிந்து தக்க நடவடிக்கை எடுக்க வேண்டும் என்ற கோரிக்கை வலுத்து வருகிறது.
இதையும் படிங்க: கார் குண்டுவெடிப்பு பயங்கரம்... அதிர வைக்கும் நிகழ்வு... கதி கலங்க வைக்கும் சிசிடிவி காட்சிகள்...!
இந்த நிலையில், நடிகர் ரஜினிகாந்த் வீட்டிற்கும் இயக்குநர் கே.எஸ் ரவிகுமார் வீட்டிற்கும் வெடிகுண்டு மிரட்டல் விடுக்கப்பட்டுள்ளது. வெடிகுண்டு வைத்திருப்பதாக காவல் கட்டுபாட்டு அறைக்கு பெண் ஒருவர் அழைப்பு விடுத்ததாக தெரிகிறது. மிரட்டல் குறித்து தேனாம்பேட்டை போலீசார் விசாரணை மேற்கொண்டனர். இதனிடையே வெடிகுண்டு மிரட்டல் தொடர்பாக நடிகர் ரஜினிகாந்த் தரப்பில் சோதனை வேண்டாம் என மறுப்பு கூறியதாக தெரிவிக்கப்பட்டுள்ளது.
இதையும் படிங்க: அடப்பாவி! இரட்டை கொலை செய்துவிட்டு ஒன்றுமே தெரியாதது போல் நின்ற குற்றவாளி... பகிர் வீடியோ...!