திருஉத்திரகோசமங்கை ஸ்ரீ மங்களநாதசுவாமி கோயில், தமிழ்நாட்டின் இராமநாதபுரம் மாவட்டத்தில் அமைந்துள்ள ஒரு பழமையான சிவாலயம். இது உலகிலேயே முதலில் தோன்றிய சிவன் கோயில் என்று போற்றப்படுகிறது. இத்தலத்தின் மூலவர் மங்களநாதர் என்றும், அம்பாள் மங்களேஸ்வரி அல்லது மங்களாம்பிகை என்றும் அழைக்கப்படுகிறார். கோயிலின் தனிச்சிறப்பு, ஒற்றை மரகதக் கல்லால் ஆன ஐந்தரை அடி உயரமுள்ள நடராஜர் சிலைதான்.

இந்த அபூர்வமான பச்சை மரகத நடராஜர், ஆண்டு முழுவதும் சந்தனக் காப்புடன் காட்சி அளிப்பார். ஆனால், மார்கழி மாதத்தில் திருவாதிரை நட்சத்திரத்தில் வரும் ஆருத்ரா தரிசனம் என்ற சிறப்பு விழாவின்போது மட்டுமே சந்தனக் காப்பு களையப்பட்டு, அவரது உண்மையான பச்சைத் திருமேனி பக்தர்களுக்கு தரிசனம் அளிக்கும். இதுவே இக்கோயிலின் ஆருத்ரா தரிசனத்தின் மிகுந்த பிரசித்தியான அம்சமாகும்.ஆருத்ரா தரிசனம் என்பது சிவபெருமானின் ஆனந்தத் தாண்டவத்தை கொண்டாடும் திருவிழாவாகும்.

சிவன் நடராஜராக உலகின் சிருஷ்டி, ஸ்திதி, சம்ஹாரம், திரோபவம், அனுக்ரஹம் ஆகிய ஐந்து திருக்கரங்களையும் காட்டி ஆடும் திருக்கோலத்தை இந்நாளில் தரிசிப்பது மிகுந்த புண்ணியமாகக் கருதப்படுகிறது. திருஉத்திரகோசமங்கை கோயிலில் இந்த விழா மிகவும் விமரிசையாகக் கொண்டாடப்படுகிறது. ஏனெனில், இங்குதான் உலகில் முதன்முதலில் ஆருத்ரா தரிசனம் கொண்டாடப்பட்டது என்று ஐதீகம் உண்டு. 

இதையும் படிங்க: #BREAKING ராமநாதபுரத்தில் பள்ளிகளுக்கு விடுமுறை? - தலைமையாசிரியர்களுக்கு பறந்த உத்தரவு...! 

2026 ஜனவரி மாதம் 2 ஆம் தேதி ஆருத்ரா தரிசனம் வருவதை ஒட்டி திருஉத்திரகோசமங்கை ஸ்ரீ மங்களநாதசுவாமி கோவிலில் சிறப்பு வழிபாடு மேற்கொள்ளப்படும். எனவே ஜனவரி 2ஆம் தேதி ராமநாதபுரம் மாவட்டத்திற்கு உள்ளூர் விடுமுறை அளிக்கப்படுவதாக மாவட்ட ஆட்சியர் சிம்ரன்ஜீத் சிங் காலோன் அறிவித்துள்ளார்.

இதையும் படிங்க: #BREAKING: ரெட் அலர்ட் எச்சரிக்கை... புதுச்சேரயில் பள்ளி, கல்லூரிகளுக்கு விடுமுறை...!