தேமுதிக பொதுச்செயலாளர் பிரேமலதா விஜயகாந்த் அவர்கள் இன்று தனது குடும்பத்தினருடன் கன்னியாகுமரிக்கு வருகை தந்தார். முக்கடல் சங்கமிக்கும் குமரி முனையில் அமைந்துள்ள விவேகானந்தர் பாறை நினைவு மண்டபம் மற்றும் திருவள்ளுவர் சிலை ஆகியவற்றை அவர் நேரில் பார்வையிட்டார்.

விவேகானந்தர் மண்டபத்தில் தியானம்: விவேகானந்தர் பாறைக்குச் சென்ற அவர், அங்குள்ள தியான மண்டபத்தில் சில நிமிடம் அமைதியாக அமர்ந்து தியானம் செய்தார். ஆன்மீக ரீதியிலான இந்தத் தியானம் மன அமைதி மற்றும் புதியத் தொடக்கத்திற்கான பிரார்த்தனை எனத் தொண்டர்கள் கருதுகின்றனர்.

பின்னர் 133 அடி உயரத் திருவள்ளுவர் சிலையைப் பார்வையிட்ட அவர், தமிழின் பெருமையை உலகிற்குப் பறைசாற்றும் அந்தச் சிலைக்குத் தனது மரியாதையைச் செலுத்தினார். இந்தப் பயணத்தின் போது பிரேமலதா விஜயகாந்துடன் அவரது மகன்கள் மற்றும் குடும்ப உறுப்பினர்கள் உடனிருந்தனர். பூம்புகார் கப்பல் போக்குவரத்து கழகப் படகு மூலம் அவர்கள் கடலின் நடுவே உள்ள நினைவிடங்களுக்குப் பயணம் செய்தனர்.

இதையும் படிங்க: பீகார் இளைஞர் குடும்பமே கொலை..! தூக்குல போடுங்க..! பிரேமலதா விஜயகாந்த் கொந்தளிப்பு..!

கன்னியாகுமரி மாவட்டத் தேமுதிக சார்பில் பிரேமலதா விஜயகாந்துக்கு உற்சாக வரவேற்பு அளிக்கப்பட்டது. 2026 சட்டமன்றத் தேர்தல் நெருங்கும் வேளையில், தமிழகத்தின் தென்கோடியிலிருந்து பிரேமலதா தனது அரசியல் பயணத்தின் அடுத்தக் கட்டத்தைத் தொடங்கியுள்ளதாகப் பார்க்கப்படுகிறது. அண்மையில் கட்சி நிர்வாகிகளுடன் அவர் நடத்திய ஆலோசனைகளில், கூட்டணி குறித்த முடிவுகள் மற்றும் தேர்தல் வியூகங்கள் விவாதிக்கப்பட்ட நிலையில், இந்த ஆன்மீகப் பயணம் தொண்டர்களிடையே புத்துணர்வை ஏற்படுத்தியுள்ளது.

இதையும் படிங்க: பீகார் இளைஞர் குடும்பமே கொலை..! தூக்குல போடுங்க..! பிரேமலதா விஜயகாந்த் கொந்தளிப்பு..!