தமிழக அரசியல் களத்தில் புதிய அலை என்னும் நிலையில் நடிகர் தளபதி விஜய் தொடங்கிய தமிழக வெற்றிக் கழகம் கடந்த ஆண்டு பிப்ரவரி மாதம் அதிகாரப்பூர்வமாக தொடங்கப்பட்டதிலிருந்து திமுக ஆட்சியையும், அதன் தலைவர் மற்றும் முதலமைச்சர் மு.க. ஸ்டாலினையும் கடுமையாக விமர்சித்து வருகிறது. விஜய், தனது திரைப்பட வாழ்க்கையிலிருந்து அரசியலுக்கு வந்த நிலையில், அவரது பேச்சுகள், பொதுக்கூட்டங்கள் மற்றும் சமூக ஊடகங்கள் மூலம் ஸ்டாலின் ஆட்சியின் பல துறைகளை இலக்காகக் கொண்டு தாக்கி வருகிறார்.

இந்த விமர்சனங்கள், 2026 சட்டமன்றத் தேர்தலுக்கான தருவீரத்தில் TVK-ஐ முதன்மை எதிர்க்கட்சியாக உயர்த்தும் நோக்கத்துடன் நடைபெறுகின்றன. ஸ்டாலினின் 'அப்பா' பிம்பத்தை சீண்டும் வகையில் ஸ்டாலின் அங்கிள் என்று அழைத்து விமர்சிக்கும் விஜய், ஊழல், சட்டம்-ஒழுங்கு மற்றும் பெண்கள் பாதுகாப்பு போன்ற விஷயங்களை மையமாகக் கொண்டு தனது தாக்குதலைத் தொடர்ந்து வருகிறார்.

விஜயின் அரசியல் பிரவேசம், தமிழகத்தில் ஏற்கனவே நிலவும் பன்முக அரசியல் போட்டியை மேலும் சூடாக்கியுள்ளது. திமுக, அதிமுக, பாஜக போன்ற பழைய கட்சிகளுக்கு இடையில் TVK, இளைஞர்கள் மற்றும் பெண்களின் ஆதரவைப் பெற முயல்கிறது. விஜய், தனது பேச்சுகளில் திமுக-பாஜக இடையே ரகசிய கூட்டணி இருப்பதாகக் கூறி விமர்சிக்கிறார். பாஜகவை தனது கொள்கை எதிரி என்று விஜய் கூறி வருகிறார். 

இதையும் படிங்க: சீமான்... அந்த அணிலு? செல்வப் பெருந்தகை கேள்வியால் சிரிப்பலை...!

இதற்கிடையில் விஜய் கட்சி ஆரம்பித்தபோது ஆதரவு கொடுத்து வந்த சீமான் தற்போது கடுமையாக விமர்சித்து வருகிறார். பாஜக விற்கும் காங்கிரஸிற்கும் என்ன கொள்கை வித்தியாசம் உள்ளது என கேட்டுள்ள சீமான் அரசியல் வேறு கொள்கை வேறு கிடையாது என்றும் கொள்கைதான் அரசியல் எனவும் தெரிவித்தார். தமிழக வெற்றிக் கழகத்தினர் விமர்சிப்பதை பார்த்து ரசித்து விட்டு செல்ல வேண்டியது தான் என்றும் அந்த கட்சியில் உள்ள தொண்டர்கள் தனது தம்பி தங்கைகள் என்றும் தெரிவித்தார். பாஜக உங்கள் கொள்கை எதிரி என்றால் காங்கிரஸ் என்ன உங்கள் கொள்கையின் நண்பனா என கேள்வி எழுப்பினார்.

இதையும் படிங்க: திமுக கண்டுக்காம வேடிக்கை பாக்குது! MRF பணியாளர்களுக்கு குரல் கொடுத்த சீமான்...!