தமிழக சட்டசபைத் தேர்தல் வரும் ஏப்ரல் மாதம் நடைபெறவுள்ள நிலையில், இந்தாண்டுக்கான இடைக்கால பட்ஜெட் இன்று (பிப்ரவரி 17, 2026) சட்டசபையில் தாக்கல் செய்யப்பட்டது. நிதியமைச்சர் தங்கம் தென்னரசு இந்த பட்ஜெட் உரையை சுமார் 2 மணி நேரம் 22 நிமிடங்கள் வாசித்தார்.

உரையைத் தொடங்கிய அவர், திருவள்ளுவரின் பகுத்துண்டு பல்லுயிர் ஓம்புதல் என்ற பொன்மொழியை மேற்கோள் காட்டினார். “கிடைத்ததைப் பகிர்ந்து எல்லா உயிர்களும் வாழ வேண்டும் என்ற சமநிலைக் கொள்கைக்கு ஈடானது வேறில்லை. வள்ளுவரின் வாக்கினைப் பின்பற்றி, முதல்வர் மு.க. ஸ்டாலின் தலைமையில் தமிழகத்தின் வளர்ச்சி வழிநடத்தப்படுகிறது” என்று குறிப்பிட்டார்.

இடைக்கால பட்ஜெட் என்பதால் புதிய திட்ட அறிவிப்புகள் இல்லை. ஆனால் துறை வாரியாக நிதி ஒதுக்கீடு மற்றும் அரசின் சாதனைகள் விரிவாக விளக்கப்பட்டுள்ளன. மாற்றுத்திறனாளிகள் நலத்துறைக்கு ரூ.1,471 கோடி, பள்ளிக் கல்வித்துறைக்கு ரூ.48,534 கோடி, உயர்கல்வி துறைக்கு ரூ.8,505 கோடி, ஊரக வளர்ச்சித் துறைக்கு ரூ.28,687 கோடி, நகராட்சி நிர்வாகத்துக்கு ரூ.28,827 கோடி ஒதுக்கீடு செய்யப்பட்டுள்ளது.

இதையும் படிங்க: பிப்.,2ல் தாக்கலாகும் இடைக்கால பட்ஜெட்!! மக்களை கவரும் அசத்தல் அறிவிப்புகள்! திமுக பக்கா ப்ளான்!!

மக்கள் நல்வாழ்வு துறைக்கு ரூ.22,090 கோடி, நெடுஞ்சாலைத் துறைக்கு ரூ.21,132 கோடி, எரிசக்தி துறைக்கு ரூ.18,091 கோடி, சிறப்பு திட்ட செயலாக்கத்துறைக்கு ரூ.17,088 கோடி, கூட்டுறவு மற்றும் உணவு துறைக்கு ரூ.17,086 கோடி ஒதுக்கீடு குறிப்பிடத்தக்கது.

உணவு மானியத்துக்கு ரூ.14,000 கோடி, நீர்வளத்துறைக்கு ரூ.10,076 கோடி, வீட்டு வசதி மற்றும் நகர்புற வளர்ச்சிக்கு ரூ.7,547 கோடி, ஆதிதிராவிடர் மற்றும் பழங்குடியினர் நலத்துறைக்கு ரூ.3,934 கோடி ஒதுக்கப்பட்டுள்ளது.

சமூக நலத்திட்டங்களுக்கு ரூ.5,463 கோடி, கால்நடை மற்றும் மீன்வளத் துறைக்கு ரூ.4,435 கோடி, பிற்படுத்தப்பட்டோர் நலத்துறைக்கு ரூ.1,634 கோடி, சுற்றுலாத்துறைக்கு ரூ.1,394 கோடி, தொழிலாளர் நலத்துறைக்கு ரூ.1,996 கோடி, சிறு குறு நடுத்தர தொழில்துறைக்கு ரூ.1,943 கோடி, கைத்தறி கதர் துறைக்கு ரூ.1,943 கோடி, இளைஞர் நலன் மற்றும் விளையாட்டுத்துறைக்கு ரூ.718 கோடி, நதிகள் மேம்பாட்டுத் திட்டங்களுக்கு ரூ.374 கோடி, தகவல் தொழில்நுட்பத் துறைக்கு ரூ.219 கோடி ஒதுக்கீடு செய்யப்பட்டுள்ளது.

உறுதியளிக்கப்பட்ட ஓய்வூதியத் திட்டத்துக்கு ரூ.11,000 கோடி ஒதுக்கீடு செய்யப்பட்டுள்ளது. இடைக்கால பட்ஜெட் என்பதால் அரசின் நடப்பு திட்டங்களின் முன்னேற்றம் மற்றும் வரும் நிதியாண்டுக்கான மதிப்பீடுகளை வலியுறுத்தும் வகையில் அமைந்துள்ளது. தேர்தலுக்கு முன் அரசின் சாதனைகளை மக்களுக்கு நினைவூட்டும் நோக்கில் இந்த உரை தயாரிக்கப்பட்டுள்ளது. தமிழக மக்கள் இப்போது இந்த ஒதுக்கீடுகள் எவ்வாறு செயல்படுத்தப்படும் என்பதை ஆவலுடன் எதிர்பார்த்து வருகின்றனர்.

இதையும் படிங்க: தேர்தல் அறிவிப்பதற்குள் முந்திக்கணும்!! அதிமுக பண்ணுன தப்பை பண்ணவே கூடாது!! திமுக பட்ஜெட் ப்ளான்!!