காவிரி நதி நீர் பங்கீடு பிரச்சினை தமிழ்நாடு-கர்நாடகா இடையே நீண்டகாலமாக தொடரும் ஒரு முக்கிய பிரச்சினை. இதில் சமீபத்தில் மீண்டும் பெரும் பரபரப்பை ஏற்படுத்தியுள்ளது கர்நாடகாவின் மேகதாது அணைத் திட்டம். கர்நாடகாவில் ஆளும் காங்கிரஸ் கட்சி இந்தத் திட்டத்தை தீவிரமாக முன்னெடுக்க முயலும் நிலையில், தமிழ்நாடு காங்கிரஸ் கட்சி தமிழக நலனை முன்னிறுத்தி வலுவான எதிர்ப்பைப் பதிவு செய்து வருகிறது. இந்த இரு தரப்பு நிலைப்பாடுகளும் காங்கிரஸ் கட்சிக்குள் பதற்றத்தை உருவாக்கியுள்ளன. 

மேகதாது திட்டம் என்பது காவிரி ஆற்றின் மேல் பகுதியில் கர்நாடகா முன்மொழியும் ஒரு சமநிலை நீர்த்தேக்க அணைத் திட்டம். இது குடிநீர் மற்றும் பாசனத்துக்காக 67 டி.எம்.சி. அளவு தண்ணீரைத் தேக்கி வைக்கும் வகையில் திட்டமிடப்பட்டுள்ளது. தமிழ்நாட்டின் காவிரி டெல்டா மாவட்ட விவசாயிகளுக்கு ஏற்கெனவே தண்ணீர் பற்றாக்குறை நிலவும் சூழலில் இந்த அணை கட்டப்பட்டால் மேலும் பாதிப்பு ஏற்படும் என்று தமிழ்நாடு அரசும் அரசியல் கட்சிகளும் வாதிடுகின்றன.

தமிழ்நாடு சட்டமன்றத்தில் முதலமைச்சர் விஜய் முன்மொழிந்த சிறப்புத் தீர்மானத்துக்கு காங்கிரஸ் உள்ளிட்ட அனைத்துக் கட்சிகளும் முழு ஆதரவு அளித்தன. கர்நாடக அரசின் ஒருதலைப்பட்ச முயற்சிகளைக் கண்டித்தும், மத்திய அரசு அனுமதி வழங்கக்கூடாது என்றும் இந்தத் தீர்மானம் வலியுறுத்தியது. தமிழ்நாடு காங்கிரஸ் சட்டமன்றக் கட்சித் தலைவரும் சுற்றுலாத் துறை அமைச்சருமான ராஜேஷ் குமார் இதற்கு வலுவான ஆதரவு தெரிவித்தார். டெல்டா விவசாயிகளின் வாழ்வாதாரம் பாதிக்கப்படும் என்று அவர் சுட்டிக்காட்டினார். 

இதையும் படிங்க: கல்வி கடையாச்சு..! சீரழிஞ்சு போச்சு... மத்திய அரசை சாடிய மாணிக்கம் தாகூர்..!!

இந்தப் பின்னணியில் தமிழ்நாடு காங்கிரஸ் கமிட்டியின் செயற்குழு போன்ற அமைப்பு முக்கிய முடிவெடுத்தது. தமிழ்நாடு காங்கிரஸ் கமிட்டி தலைவர் மாணிக்கம் தாகூர் எம்.பி. தலைமையில், சட்டமன்ற காங்கிரஸ் கட்சித் தலைவர் ராஜேஷ் குமார் முன்னிலையில் சென்னை சத்தியமூர்த்தி பவனில் நடைபெற்ற இந்தக் கூட்டத்தில் மேகதாது அணை கட்டும் முயற்சிகளை கடுமையாக எதிர்த்து தீர்மானம் நிறைவேற்றப்பட்டது. கர்நாடக அரசு எந்த அரசாக இருந்தாலும் தமிழ்நாட்டின் நலனுக்கு எதிரான செயலுக்கு எதிர்ப்பு தெரிவிப்பதாகவும், தேவைப்பட்டால் போராட்டங்கள் நடத்தப்படும் என்றும் இதில் வலியுறுத்தப்பட்டது. 

இதையும் படிங்க: முன்னாள் தலைவருன்னு மரியாதை வேண்டாமா?... செல்வப்பெருந்தகையை அவமானப்படுத்திய காஞ்சிபுரம் கதர் படை...!