தமிழ்நாட்டில் திரைப்படங்களுக்கு உள்ளாட்சி அமைப்புகளால் வசூலிக்கப்படும் கேளிக்கை வரி 8%ல் இருந்து  4% ஆக குறைக்கப்படுவதாக அரசாணை வெளியிட்டது தமிழ்நாடு அரசு.

தமிழகத்தில் ஆண்டுதோறும் ஏகப்பட்ட படங்கள் திரைக்கு வருகின்றன. இந்த படங்களுக்கான டிக்கெட் கட்டணத்தில் தமிழ்நாடு அரசு சார்பில் உள்ளாட்சி அமைப்பு கேளிக்கை வரி 8 சதவீதம் வரை வசூலிக்கப்படுகிறது. மத்திய அரசின் ஜிஎஸ்டி போன்ற வரிகளால் திரைத்துறை நெருக்கடிகளைச் சந்தித்து வரும் நிலையில், இந்த கேளிக்கை வரை மிகவும் அதிகமாக உள்ளதாகவும் எனவே கேளிக்கை வரியை குறைக்க வேண்டும், அவ்வாறு மாநில அரசின் கேளிக்கை வரி ரத்து செய்யப்பட்டால், தமிழ் திரையுலகிற்கு நிவாரணமாக அமையும் என்று திரைப்பட துறையினர் தொடர்ந்து கோரிக்கை வைத்து வருகின்றனர். குறிப்பாக சிறிய பட்ஜெட் திரைப்படங்கள் இந்த கேளிக்கை வரியால் மிகவும் பாதிக்கப்படுவதாகவும் திரைப்படத் துறையினர் தெரிவித்து வருகின்றனர்.  

இதையும் படிங்க: சந்தானம் பட பாடலுக்கு வலுக்கும் எதிர்ப்பு... எடப்பாடி பழனிசாமி வரை சென்ற புகார்... படத்திற்கு சிக்கல்!!

இந்த கோரிக்கையை பரிசீலனை செய்த தமிழக அரசு திரைப்படங்களுக்கான உள்ளாட்சி அமைப்பு கேளிக்கை வரியை குறைத்து அரசாணை வெளியிட்டுள்ளது. அதன்படி, தமிழகத்தில் திரைப்படங்களுக்கு வசூலிக்கப்படும் உள்ளாட்சி அமைப்பு கேளிக்கை வரியை Local Body Entertainment Tax (LBET) 8 சதவீதத்தில் இருந்து 4 சதவீதம் ஆக குறைத்து தமிழ்நாடு அரசு உத்தரவிட்டுள்ளது. இதற்கு திரைப்படத்துறையினர் வரவேற்பு தெரிவித்துள்ளனர்.

இதையும் படிங்க: மறுபடியும் ஆரம்பிச்சுட்டாரு அதிபர் ட்ரம்ப்.. அமெரிக்காவுக்கு வெளியே தயாராகும் திரைப்படங்களுக்கு 100% வரி..!