பீகார் மாநிலத்தில் சட்டமன்ற தேர்தல் வரும் நவம்பர் 6 மற்றும் 11 ஆகிய தேதிகளில் இரண்டு கட்டமாக நடைபெற இருப்பதாக அறிவிக்கப்பட்டது. 243 சட்டமன்ற தொகுதிகளை கொண்ட பீகாரில் தேர்தல் முடிவுகள் நவம்பர் 14 தேதி அன்று வெளியிடப்படும் என்றும் கூறப்பட்டது. 

பல்வேறு சர்ச்சைகளுக்கு மத்தியில் பீகார் தேர்தல் அறிவிக்கப்பட்டது. வாக்காளர் திருத்தப்பட்டியல் விவகாரம் பூதாகரமாக வெடித்த நிலையில், பீகார் தேர்தல் களம் சூடு பிடித்தது. தேசிய ஜனநாயக கூட்டணியை சேர்ந்த ஐக்கிய ஜனதா தளம் கட்சியின் தலைவர் நிதீஷ் குமார் பீஹார் முதலமைச்சராக இருந்தார். இவர் மீண்டும் முதலமைச்சராக வேண்டும் என்ற முனைப்பில் செயல்பட்டு வந்தார். இதனிடையே, பீகார் மாநில சட்டசபை தேர்தலில் இந்தியா கூட்டணியின் முதலமைச்சர் வேட்பாளராக தேஜஸ்வி யாதவ் தேர்வு செய்யப்பட்டார்.

இந்த நிலையில் இன்று பீகார் தேர்தல் முடிவு வெளியாக உள்ளது. 243 தொகுதிகளைக் கொண்ட பீகார் சட்டமன்றத் தேர்தலில் 2 கட்டங்களாகப் பதிவான வாக்குகள் இன்று எண்ணப்படுகின்றன. பீகார் சட்டமன்றத் தேர்தலில் இந்தியா கூட்டணியின் சார்பில் போட்டியிடும் முதல்வர் வேட்பாளராக அறிவிக்கப்பட்டுள்ள RJD தலைவர் தேஜஸ்வி யாதவ் முன்னிலை வகித்து வந்தார். 

இதையும் படிங்க: நியாயமா நடந்தா காங்கிரஸ் கூட்டணி தான் வெற்றி பெறும்... பீகார் காங். தலைவர் ஓபன் டாக்...!

ராகோபூர் தொகுதியில் போட்டியிட்ட தேஜஸ்வி யாதவ் முன்னிலையில் இருந்து வந்தார். தற்போது அவர் பின்னடைவை சந்தித்துள்ளார். முன்னிலையில் இருந்த தேஜஸ்வி யாதவ், 4 வது சுற்றில் தொடர்ந்து பின்னடைவை சந்தித்து வருகிறார். பாஜக வேட்பாளர் சதீஷ்குமார் யாதவ் 17, 599 வாக்குகள் பெற்றுள்ள நிலையில், தேஜஸ்வி யாதவ் 14, 583 வாக்குகள் பெற்றுள்ளார். சுமார் 1500 வாக்குகள் பின்னடைவில் இருக்கிறார் தேஜஸ்வி. இது இந்தியா கூட்டணியினர் மத்தியில் ஏமாற்றத்தை ஏற்படுத்தியுள்ளது. பாஜக 191 தொகுதிகளிலும் காங்கிரஸ் கட்சி 48 தொகுதிகளிலும் ஜன் சுராஜ் கட்சி மூன்று தொகுதிகளிலும் முன்னிலை பெற்று வருகிறது. பெரும்பான்மைக்கு 122 இடங்கள் தேவை என்ற நிலையில் 191 இடங்களில் பாஜக கூட்டணி முன்னிலை வகித்து வருகிறது.

இதையும் படிங்க: விறுவிறு வாக்கு எண்ணிக்கை... பெருத்த ஏமாற்றம்... இந்தியா கூட்டணி பின்னடைவு...!