தமிழ்நாட்டின் அரசியல் வரலாற்றில் ஒரு முக்கிய திருப்புமுனையாக 2026 சட்டமன்றத் தேர்தலுக்குப் பிறகு தமிழக வெற்றிக் கழகம் தலைவர் சி. ஜோசப் விஜய் முதலமைச்சராகப் பதவியேற்றார். மே 10, 2026 அன்று சென்னை ஜவகர்லால் நேரு உள் விளையாட்டு அரங்கில் நடைபெற்ற பிரம்மாண்டமான பதவியேற்பு விழாவில் அவருடன் ஒன்பது அமைச்சர்களும் பதவியேற்றனர். இது தமிழ்நாட்டில் தி.மு.க. - அ.தி.மு.க. இரு கட்சி ஆதிக்கத்துக்கு வெளியே உருவான முதல் அரசு என்ற சிறப்பைப் பெறுகிறது. 

பதவியேற்பு நிகழ்ச்சிக்குப் பிறகு அமைச்சர்களுக்கு இலாகாக்கள் ஒதுக்கீடு செய்யப்படவில்லை என்பது சர்ச்சையை ஏற்படுத்தியது. இந்த நிலையில், தமிழக வெற்றிக்கழக அரசில் அமைச்சர்களுக்கு இலாக்காக்கள் ஒதுக்கீடு செய்து ஆளுநர் மாளிகை தரப்பில் அறிவிப்பு வெளியிடப்பட்டுள்ளது. முதலமைச்சர் விஜய் வசம் காவல்துறை, பொது நிர்வாகம், உள்துறை, மகளிர் இளைஞர் நலன் துறை ஒதுக்கீடு செய்யப்பட்டுள்ளது.

தமிழ்நாட்டின் சுகாதாரம் மற்றும் மக்கள் நல்வாழ்வுத்துறை அமைச்சராக அருண்ராஜ் நியமனம் செய்யப்பட்டுள்ளார். ஊரக வளர்ச்சி துறை, நீர்வளத்துறை அமைச்சராக ஆனந்த் நியமிக்கப்பட்டுள்ளார். பொதுப்பணி மற்றும் விளையாட்டு துறை அமைச்சராக ஆதவ் அர்ஜுனா நியமிக்கப்பட்டு உள்ளார். மின்சாரத்துறை மற்றும் சட்டத்துறை அமைச்சராக நிர்மல் குமார் நியமனம் செய்யப்பட்டுள்ளார்.

இதையும் படிங்க: இன்னொரு எம்.ஜி.ஆராக உருவெடுத்த விஜய்... இரட்டை இலையை விழுங்கும் விசில்... மீண்டும் மீளுமா அதிமுக?

தமிழ்நாட்டின் நிதித்துறை அமைச்சராக செங்கோட்டையன் நியமனம் செய்யப்பட்டு உள்ளார். தொழில்துறை அமைச்சராக கீர்த்தனா நியமிக்கப்பட்டுள்ளார். கனிமவளத்துறை அமைச்சராக டி.கே பிரபு நியமிக்கப்பட்டுள்ளார். பள்ளிக்கல்வித்துறை அமைச்சராக ராஜ்மோகன் நியமிக்கப்பட்டார். உணவு பாதுகாப்பு துறை அமைச்சராக வெங்கட்ரமணன் நியமிக்கப்பட்டுள்ளார்.

இதையும் படிங்க: இனி Towel Culture-க்கு நோ! அதிகாரத்தின் அடையாளத்தை உடைத்தெறிந்த முதல்வர் விஜய்!