அமெரிக்காவில் ஆங்கிலம் அலுவல் மொழியாக கட்டாயம் இருக்க வேண்டும் என்று அதிபர் டொனால்ட் ட்ரம்ப் நேற்று உத்தரவிட்டுள்ளார். இதற்கான உத்தரவிலும் அவர் நேற்று கையொப்பமிட்டார். இதன்படி அமெரிக்காவின் 250 ஆண்டுகால வரலாற்றில் ஆங்கிலம் என்பது அலுவல் மொழியாக அதிகாரபூர்வமாக அறிவிக்கப்பட்டுள்ளது. அதிபர் ட்ரம்ப்பின் இந்த உத்தரவு என்பது, அமெரிக்க அரசின மொழிக்கொள்கையில் இதுவரை கடைபிடித்து வந்த பன்முக மொழிக்கொள்கையில் இருந்து மாறியுள்ளது. இனிமேல் அமெரிக்க அரசிடம் இருந்து ஊதியம் பெறும் நிறுவனங்கள், அமைப்புகள், ஏஜென்சிகள் இனிமேல் ஆவணங்கள் தயாரிப்பு, வழங்குதல், சேவை உள்ளிட்டவற்றை எந்த மொழியில் இருக்கவேண்டும் என்பதை முடிவு செய்ய வேண்டும். அமெரிக்க அதிபராக பில் கிளிண்டன் இருந்தபோது, ஆங்கிலம் தெரியாதவர்களுக்கு உதவ தனியாக உதவியாட்கள் நியமிக்கலாம் எனத் தெரிவிக்கப்பட்டது. ஆனால் இந்த உத்தரவு அதிபர் ட்ரம்ப் உத்தரவால் திரும்பப் பெறப்பட்டது.

அதிபர் ட்ரம்பின் ஆதரவாளர்கள், குடியரசுக் கட்சியினர் இதை வரவேற்கிறார்கள், தேசிய அடையாளத்தை அறிமுகப்படுத்துதல், அரசின் செயல்பாடுகளை சீரமைத்தல் குறித்து பெருமைப்படுகிறார்கள். அதேசமயம், ஒற்றை மொழிக் கொள்கை அவசியமா என்ற விவாதமும் எழுந்துள்ளது. அமெரிக்காவில் ஆங்கிலத்தை அலுவல் மொழியாக மாற்றும் விதத்தில் 30 மாகாணங்கள் தீர்மானம் நிறைவேற்றியுள்ளன. பலதசமங்களாக ஆங்கிலத்தை அலுவல் மொழியாக மாற்ற வேண்டும் என்று எம்.பி.க்கள் கோரிக்கை விடுத்திருந்தனர். கடந்த மாதம் அதிபராக டொனால்ட் ட்ரம்ப் பதவி ஏற்றபோது, வெள்ளை மாளிகையின் இணையதளத்தில் ஸ்பெயின் மொழி கொண்டுவரப்படும் என்பது உறுதிசெய்யப்பட்டது.

இதையும் படிங்க: மூன்றாம் உலக போரோடு விளையாடுறீங்க... ஜெலன்ஸ்கியை வெளிற வைத்த டிரம்ப்..!

ஏன் ஆங்கிலம் அலுவல் மொழியில்லை: கடந்த 250 ஆண்டுகளாக அமெரிக்க அரசில் அலுவல் மொழியாக ஏதும் இருந்தது இல்லை. அமெரிக்கா உருவானபோது, ஆங்கிலம்பரவலாகப் பேசப்பட்டது, இந்த அரசியலமைப்பை உருவாக்கியவர்கள் மொழியை முறைப்படுத்தத் தேவையில்லை என்றனர். பிறமொழி பேசும் மக்களை நாம் அந்நியப்படுத்தக்கூடாது என்றும் விரும்பினர். அமெரிக்க மக்கள்தொகை கணக்கெடுப்பின்படி 6.80 கோடி மக்களில், ஐந்தில் ஒருபகுதி ஆங்கிலம் தவிர்த்து பிற மொழி பேசக்கூடியவர்கள். அமெரிக்காவில் மொத்தம் 350 மொழிகள் வழக்கத்தில் உள்ளன. இதில் 160மொழிகள் அமெரிக்காவை பூர்வீகமாகக் கொண்டவை. ஆங்கிலம் தொடர்ந்து ஆதிக்கம் செலுத்தும் நிலையில், ஸ்பானிஷ், சைனீஷ், தகாலாக், வியட்நாமிஸ், அரபி ஆகிய பரவலாகப் பேசப்படுகின்றன.

இதையும் படிங்க: 150% வரி விதித்து ‘பிரிக்ஸ்’ நாடுகளை ஓடவிட்ருவேன்! அதிபர் ட்ரம்ப் கொக்கரிப்பு