விஜய் மக்கள் இயக்கத்தை அரசியல் கட்சியாக மாற்றி, தமிழக வெற்றிக் கழகம் என்ற பெயரில் தொடங்கபட்டது. பிறகு தேர்தல் ஆணையத்தில் பதிவு செய்யப்பட்டு, கட்சியானது 2026 சட்டமன்றத் தேர்தலை குறிவைத்து செயல்படும் என அறிவிக்கப்பட்டது. இரு மொழிக் கொள்கை, சமூக நீதி, சமத்துவம், மதச்சார்பின்மை, சமூகவுடைமை ஆகியவற்றை அடிப்படைக் கொள்கைகளாக விஜய் அறிவித்தார். 

மக்களிடையே விஜய்க்கு பேராதரவு பெருகத் தொடங்கியது. தொடர்ந்து, விழுப்புரம் மாவட்டம், விக்கிரவாண்டி அருகே வி.சாலையில், முதல் மாநில மாநாடு நடைபெற்றது. அப்போது, 100 அடி கொடிக்கம்பத்தில் விஜய் கட்சிக் கொடியை ஏற்றி, கொள்கைகள் மற்றும் செயல்திட்டங்களை அறிவித்தார்.

இதையும் படிங்க: பெரியாரை அவதூறு செய்ததற்கு கண்டனம் தெரிவிக்காதது ஏன்? விஜய்க்கு திருமாவளவன் கேள்வி!!

தமிழக வெற்றிக் கழகம் ஒரு வருடத்தில் குறிப்பிடத்தக்க வளர்ச்சியைப் பெற்று, 2026 சட்டமன்றத் தேர்தலை நோக்கி மக்கள் ஆதரவுடன் முன்னேறி வருகிறது. விஜயின் ரசிகர் பட்டாளம், குறிப்பாக இளைஞர்கள் மத்தியில் பெரும் ஆதரவு உள்ளது. 

2026 தேர்தலை மட்டுமே குறியாக வைத்து தமிழக வெற்றிக் கழகம் செயல்பட்டு வருகிறது. இந்த நிலையில், சென்னை பனையூரில் தமிழக வெற்றி கழகத்தின் செயற்குழு கூட்டம் நடைபெற உள்ளது. விஜய் தலைமையில் நடைபெற உள்ள இந்த கூட்டத்தில் கட்சியில் மேற்கொள்ள வேண்டிய ஆக்கப்பூர்வ நடவடிக்கைகள் குறித்து ஆலோசிக்க உள்ளார்.

மக்களுடன் விஜயின் தொடர் சந்திப்புகள் குறித்து திட்டமிடங்கள் மற்றும் ஆலோசனைகள் குறித்து கலந்துரையாடப்பட உள்ளது என அறிவிக்கப்பட்டு உள்ளது. ஜூலை 4ஆம் தேதி செயற்குழு கூட்டம் நடைபெற உள்ளதாக கட்சியின் பொதுச்செயலாளர் என்.ஆனந்த் அறிக்கை வாயிலாக அறிவித்தார். 

இதையும் படிங்க: தவெக தலைவர் விஜய்யின் இலக்கு என்ன? வெளியானது முக்கிய தகவல்!!