தமிழக வெற்றிக் கழகத்தின் தலைவர் விஜய், தமிழ்நாடு சட்டமன்றத் தேர்தலில் திருச்சி கிழக்கு தொகுதியிலிருந்து போட்டியிடும் வேட்பாளராக அறிவிக்கப்பட்டுள்ள நிலையில், அவரது தீவிர பிரசாரத் திட்டங்கள் வேகம் பிடித்து வருகின்றன. இந்தச் சூழலில், தவெகவின் டெல்டா மண்டல கண்காணிப்பாளரும், முன்னாள் அமைச்சருமான கு.ப.கிருஷ்ணன் ஒரு முக்கியமான அறிவிப்பை வெளியிட்டுள்ளார்.
நாளை மறுநாள் அதாவது ஏப்ரல் 19 அன்று திருச்சி கிழக்கு தொகுதியில் தவெக தலைவர் விஜய் பிரசாரம் மேற்கொள்ள திட்டமிடப்பட்டுள்ளதாக கு.ப.கிருஷ்ணன் தெரிவித்துள்ளார். இதற்கான அனுமதியை காவல்துறையிடம் கோரி விண்ணப்பம் செய்யப்பட்டுள்ளது என்றும், பிரசாரத்துக்கு விரைவில் அனுமதி கிடைக்கும் என்றும் அவர் நம்பிக்கை தெரிவித்தார்.
இந்த அறிவிப்பு திருச்சி பகுதியில் தவெகவின் தேர்தல் பணிகளை மேலும் துரிதப்படுத்தும் என எதிர்பார்க்கப்படுகிறது.கு.ப.கிருஷ்ணன், முன்பு அதிமுகவில் முன்னாள் அமைச்சராகப் பதவி வகித்தவர். ஜனவரி 2026-ல் விஜய் முன்னிலையில் தவெகவில் இணைந்தார். தற்போது டெல்டா மண்டலத்தின் கண்காணிப்பாளராகப் பொறுப்பேற்று, திருச்சி உள்ளிட்ட பகுதிகளில் கட்சியின் தேர்தல் நடவடிக்கைகளை ஒருங்கிணைத்து வருகிறார்.
இதையும் படிங்க: உயிரைப் பணயம் வைப்பவர்களுக்கு உதவ தயார்..! ஸ்டண்ட் யூனியன் ஆதரவை கோரிய TVK ஆனந்த்..!
அவரது இந்த அறிவிப்பு, திருச்சி கிழக்கு தொகுதியில் விஜய்க்கு ஆதரவை திரட்டும் முயற்சியின் ஒரு பகுதியாகக் கருதப்படுகிறது. இந்த நிலையில், சென்னை பெரம்பூர் சட்டமன்ற தொகுதியில் போட்டியிடும் தவெக தலைவர் விஜய், நாளை வீடு வீடாக சென்று வாக்கு சேகரிக்க திட்டமிட்டுள்ளார். அண்ணா சாலை, டி.எச்.சாலை, நேரு நகர் உள்ளிட்ட இடங்களில் விஜய் நாளை பிரச்சாரம் மேற்கொள்ள இருப்பதாக தகவல் வெளியாகி உள்ளது.
இதையும் படிங்க: மாவீரன் தீரன் சின்னமலை பிறந்தநாள்..! தியாகத்தை போற்றுவோம்..! விஜய் புகழாரம்..!