சென்னை: கரூர் இடைத்தேர்தலை மனதில் வைத்து முதல்வர் விஜய் விரைவில் அங்கு செல்ல உள்ளதாக தகவல்கள் வெளியாகியுள்ளன. அதற்கு முன்பாக முன்னாள் அமைச்சர் வி. செந்தில் பாலாஜியை கைது செய்ய அதிரடித் திட்டம் தீட்டப்பட்டுள்ளதாக கோட்டை வட்டாரங்கள் பரபரப்பாகப் பேசுகின்றன.

சட்டசபைத் தேர்தலில் அதிமுக சார்பில் கரூரில் வெற்றி பெற்ற முன்னாள் அமைச்சர் எம்.ஆர்.விஜயபாஸ்கர் திடீரென தனது எம்.எல்.ஏ. பதவியை ராஜினாமா செய்தார். அவர் விரைவில் தவெகவில் இணைந்து இடைத்தேர்தலில் தவெக சார்பில் போட்டியிடலாம் என எதிர்பார்க்கப்படுகிறது. இதனால் கரூர் தொகுதியில் இடைத்தேர்தல் உறுதியாகியுள்ளது.

இந்த இடைத்தேர்தலில் தவெகவுக்கு வலுவான வெற்றி கிடைக்க வேண்டும் என்பதற்காக முதல்வர் விஜய் தீவிர திட்டமிடலில் ஈடுபட்டுள்ளதாகக் கூறப்படுகிறது. கரூரில் திமுகவின் முக்கிய முகமான செந்தில் பாலாஜியின் செல்வாக்கை குறைக்கும் வகையில் அவருக்கு எதிரான வழக்குகளை விரைவுபடுத்த அதிரடி நடவடிக்கை எடுக்க தவெக தலைமை திட்டமிட்டுள்ளதாக தெரிகிறது.

இதையும் படிங்க: வெளியே வந்த விஜய்யின் நிழல்! அதிர்ச்சியில் நிர்வாகிகள்! கட்சி நிகழ்ச்சிகளில் தலைகாட்டிய ஜான் ஆரோக்கியசாமி!

போக்குவரத்துத் துறை வேலைவாய்ப்பு மோசடி தொடர்பான PMLA வழக்கில் செந்தில் பாலாஜியை விசாரணை செய்ய ஆளுநர் அனுமதி கோரிய கோப்புக்கு விரைவில் ஒப்புதல் பெற விஜய் தரப்பு முயற்சி எடுத்து வருவதாகக் கூறப்படுகிறது. ஆளுநர் அனுமதி கிடைத்தவுடன் அவரை கைது செய்யும் திட்டமும் உள்ளதாக தகவல்கள் வெளியாகியுள்ளன.

கரூர் மாவட்டத்தில் செந்தில் பாலாஜியின் செல்வாக்கு கணிசமானது. அவரை களத்தில் இருந்து முடக்கினால் திமுகவுக்கு பெரும் பின்னடைவு ஏற்படும் என தவெக தலைமை நம்புகிறது. எனவே இடைத்தேர்தல் அறிவிக்கப்படுவதற்கு முன்பாகவே இந்த அதிரடி நடவடிக்கையை மேற்கொள்ள திட்டமிடப்பட்டுள்ளதாக அரசியல் வட்டாரங்கள் தெரிவிக்கின்றன.

முதல்வர் விஜய் விரைவில் கரூருக்கு சென்று பிரச்சாரம் செய்ய உள்ள நிலையில், அரசியல் களம் இப்போது கரூர் மாவட்டத்தை நோக்கி திரும்பியுள்ளது. இந்த இடைத்தேர்தல் தமிழக அரசியல் சமன்பாட்டில் பெரும் மாற்றத்தை ஏற்படுத்துமா என்பதை பொறுத்திருந்து பார்க்க வேண்டும்.

இதையும் படிங்க: எல்லாத்துக்கும் ஒரு லிமிட் இருக்கு!! கரெக்டா இருந்துக்கோங்க! கூட்டணி கட்சிகளிடம் பாய்ந்த CM விஜய்!!