மறைந்த விஜயகாந்தின் நெருங்கிய உதவியாளராகப் பல ஆண்டுகள் பணியாற்றிய கணேசன் அவர்களின் மறைவு தேமுதிக கட்சி தொண்டர்கள் மத்தியில் பெரும் சோகத்தை ஏற்படுத்தி உள்ளது. கணேசன், விஜயகாந்தின் தனிப்பட்ட உதவியாளராகவும், நிர்வாக விவகாரங்களில் நம்பகமான ஆலோசகராகவும் நீண்ட காலம் இருந்தவர். அவரது பணி விஜயகாந்தின் திரைப்பட வாழ்க்கை முதல் அரசியல் பயணம் வரை பல்வேறு கட்டங்களில் தொடர்ந்தது.

விஜயகாந்த் சினிமாவில் உச்ச நட்சத்திரமாக விளங்கிய காலகட்டத்தில், கணேசன் அவரது அன்றாட அலுவல்கள், படப்பிடிப்பு ஏற்பாடுகள், ரசிகர் சந்திப்புகள், அரசியல் கூட்டங்கள் என அனைத்திலும் முக்கிய பங்காற்றினார். குறிப்பாக 2005-ஆம் ஆண்டு தேசிய முற்போக்கு திராவிடக் கழகம் தொடங்கப்பட்ட பின்னர், கட்சியின் அமைப்பு வளர்ச்சியிலும், தேர்தல் பணிகளிலும் கணேசனின் பங்களிப்பு குறிப்பிடத்தக்கதாக இருந்தது.

விஜயகாந்தின் மக்கள் நாயகன் பிம்பத்தைப் பேணுவதற்கும், அவரது உதவி தேடி வரும் பொதுமக்களின் கோரிக்கைகளை அணுகுவதற்கும் கணேசன் ஒரு பாலமாகத் திகழ்ந்தார். இதனிடையே கணேசன் இன்று உயிரிழந்தார். கணேசன் மறைவு அறிந்ததும் தேமுதிக பொதுச் செயலாளர் பிரேமலதா விஜயகாந்த் அவரது குடும்பத்தினர் நேரடியாகச் சென்று அஞ்சலி செலுத்தினர். பின்னர் அவரது குடும்பத்தினருக்கு ஆறுதல் கூறினர். 

இதையும் படிங்க: மக்கள் மனத்தில் நீங்கா இடம் பிடித்தவர்..!! புரட்சிக் கலைஞருக்கு விஜய் புகழஞ்சலி..!!

தொடர்ந்து செய்தியாளர்களை சந்தித்த பிரேமலதா விஜயகாந்த், கணேசனின் மறைவு தேமுதிகவிற்கு பேரிழப்பு என்று தெரிவித்தார். விஜயகாந்த் கணேசனுக்கு விசிறி விடுவது போன்ற வீடியோ காட்சிகளை நாம் பார்த்திருப்போம் என்றும் அந்த அளவுக்கு சிறந்த தொண்டாற்றக் கூடியவர் என்றும் கூறினார். அவரது மறைவுக்கு இரங்கல் தெரிவித்து துயரத்தில் பங்கெடுப்பதாகவும் கூறியுள்ளார். இளைஞர் அணியில் மிகவும் சிறப்பாக பணியாற்றியவர் கணேசன் என்றும் புகழாரம் சூட்டினார். 

இதையும் படிங்க: தேமுதிகவுக்கு 6 சீட்டா? இத சொன்ன கட்சிக்கு அழிவுகாலம்... சாபமிட்ட பிரேமலதா...!