இந்திய ஸ்மார்ட்போன் சந்தையில் பிரபலமாகி வரும் இன்பினிக்ஸ் நிறுவனம் தனது நோட் 60 ப்ரோ மாடலின் சிறப்பு பதிப்பை அறிமுகப்படுத்தியுள்ளது. கடந்த ஏப்ரல் மாதம் அறிமுகமான இந்த ஸ்மார்ட்போன் முன்பு மூன்று வண்ணங்களில் விற்பனைக்கு வந்த நிலையில், இப்போது உலகப் புகழ்பெற்ற இத்தாலிய டிசைன் ஹவுஸ் பினின்ஃபரினாவுடன் (Pininfarina) இணைந்து உருவாக்கப்பட்ட லிமிட்டெட் எடிஷன் மாடல் இந்தியாவில் அறிமுகம் செய்யப்பட்டுள்ளது.
இந்த புதிய மாடல் சூப்பர்கார் டிசைனை அடிப்படையாகக் கொண்டு தயாரிக்கப்பட்டிருப்பது தொழில்நுட்ப ஆர்வலர்களிடையே பெரும் எதிர்பார்ப்பை ஏற்படுத்தியுள்ளது. இந்த லிமிட்டெட் எடிஷன் ஸ்மார்ட்போனின் மிக முக்கிய அம்சம் அதன் தனித்துவமான வடிவமைப்பு. கார்பன் ஃபைபர் ஃபினிஷ் கொண்ட பின்புற பேனல் மெல்லிய தோற்றத்துடன் அதிக உறுதியையும், பிரீமியம் உணர்வையும் அளிக்கிறது. 360 டிகிரி ஏரோஸ்பேஸ்-கிரேடு அலுமினிய ஃபிரேம் பயன்படுத்தப்பட்டிருப்பதால், மொபைல் அதிக தாக்குதல்களைத் தாங்கும் திறன் கொண்டதாக உள்ளது.
பினின்ஃபரினா நிறுவனத்தின் சூப்பர்கார் டிசைன் தத்துவத்தை பிரதிபலிக்கும் வகையில் ஒவ்வொரு விவரமும் கவனமாக வடிவமைக்கப்பட்டுள்ளது. இது வழக்கமான ஸ்மார்ட்போன்களுக்கு அப்பாற்பட்ட ஒரு பிரீமியம் ஸ்டைலை வழங்குகிறது. தொழில்நுட்ப அம்சங்களைப் பொறுத்தவரை, 6.78 இன்ச் அளவிலான 1.5K AMOLED டிஸ்ப்ளே அற்புதமான படத் தெளிவு மற்றும் வண்ணத் துல்லியத்தை வழங்குகிறது. குவால்காம் ஸ்னாப்டிராகன் 7s ஜென் 4 பிராசஸர் மல்டி-டாஸ்கிங், கேமிங் மற்றும் தினசரி பயன்பாடுகளில் சிறப்பான செயல்திறனை உறுதி செய்கிறது.
இதையும் படிங்க: இந்தியாவில் விரைவில் அறிமுகமாகிறது சாம்சங்-ன் புது மாடல்..!! பட்ஜெட் பிரிவில் புதிய போட்டி..!!
6500mAh பெரிய பேட்டரி நீண்ட நேர பயன்பாட்டுக்கு உதவுகிறது. மேலும், 90 வாட் ஃபாஸ்ட் சார்ஜிங் மற்றும் 30 வாட் வயர்லெஸ் சார்ஜிங் வசதிகள் மூலம் பயனர்கள் விரைவாக மொபைலை சார்ஜ் செய்து கொள்ளலாம்.புகைப்பட ஆர்வலர்களுக்கு 50 மெகாபிக்சல் பிரைமரி கேமரா OIS (ஆப்டிகல் இமேஜ் ஸ்டெபிலைசேஷன்) தொழில்நுட்பத்துடன் வழங்கப்பட்டுள்ளது. இது குறைந்த ஒளியிலும் தெளிவான, நிலையான படங்களைப் பிடிக்க உதவுகிறது. மற்ற கேமராக்களுடன் இணைந்து பல்வேறு புகைப்பட பயன்முறைகளை ஆதரிக்கிறது.
விலை மற்றும் விற்பனை விவரங்கள்: இந்தியாவில் 8 ஜிபி ரேம் + 256 ஜிபி சேமிப்பகம் கொண்ட மாடலின் விலை ரூ.37,999 ஆக நிர்ணயம் செய்யப்பட்டுள்ளது. ஜூன் 29-ஆம் தேதி மதியம் 12 மணிக்கு ஃபிளிப்கார்ட் மற்றும் இன்பினிக்ஸ் இந்தியா அதிகாரப்பூர்வ ஆன்லைன் ஸ்டோரில் விற்பனை தொடங்குகிறது.
அறிமுக சலுகையாக HDFC, Axis, ICICI மற்றும் SBI கிரெடிட் கார்டுகளைப் பயன்படுத்தி வாங்குபவர்களுக்கு ரூ.2,000 தள்ளுபடி கிடைக்கிறது. மேலும் எக்ஸ்சேஞ்ச் சலுகையின் மூலம் அதிகபட்சம் ரூ.2,000 வரை கூடுதல் தள்ளுபடியும் பெறலாம். இந்த லிமிட்டெட் எடிஷன் மாடல் ஸ்டைல், செயல்திறன் மற்றும் மதிப்பை ஒருங்கிணைத்து, இந்திய சந்தையில் புதிய போட்டியை உருவாக்கும் என எதிர்பார்க்கப்படுகிறது.
இதையும் படிங்க: இந்தியாவில் விரைவில் அறிமுகமாகிறது சாம்சங்-ன் புது மாடல்..!! பட்ஜெட் பிரிவில் புதிய போட்டி..!!