"அந்த கண்ணை பார்த்தாக்க காதல் தானாக தோன்றாத" என்ற பாடல்  நடிகைக்கு பொருந்தும் என்றால் அவர் தான் மாளவிகா மோகனன். அந்த அளவிற்கு உயரமும் அழகும் உடையவர். இவர் நடித்த தமிழ் படங்களின் மூலமாக மக்களின் மனதில் நீங்கா இடம் பிடித்தவர். லோகேஷ் கனகராஜ் இயக்கத்தில் உருவான மாஸ்டர் திரைப்படத்தில் இளையதளபதி "விஜய்" உடன் நன்றாக நடித்து இருப்பார்.

அதிலும் அப்படத்தில், "நீங்கள் என்னை அழைத்த பொழுது, ஏதோ கேண்டில் லைட் டின்னருக்கு தான் அழைத்தீர்கள் என்று நினைத்தேன்" என சுட்டித்தனமாக டைலாக் பேசி இருப்பார் அதற்கு நடிகர் விஜயும் கலாய்த்து இருப்பார். அதுமட்டுமல்லாமல் மாஸ்டர் படத்தில் சில காட்சிகளில் மட்டும் வந்திருக்கும் இவரை எதற்காக லோகேஷ் கனகராஜ் வைத்தார் என்ற சந்தேகமும் பலருக்கு வரும், அந்த அளவிற்கு படத்தில் ஒரு சில காட்சிகளில் மட்டுமே வருவார். 

இதையும் படிங்க: என்னா மனுஷன் சார்... கார் ரேஸுக்கு முன்பு அஜித் செய்த செயல்... நெகிழ்ந்து போன ரசிகர்கள்...! 

இந்தி, கன்னடம், மலையாளம் போன்ற படங்களில் தொடர்ந்து நடித்து வந்த இவர், ரஜினிகாந்த் நடித்த பேட்ட திரைப்படத்தின் மூலம் தமிழில் அறிமுகமானார், அதன் பின் தான் மாஸ்டர், மாறன், தங்கலான் போன்ற திரைபடங்களில் நடித்தார். இது மட்டுமல்லாது சமூக வலைத்தளங்களில் அடிக்கடி கவர்ச்சி புகைப்படங்களை பதிவிட்டு பலரது மனதையும் கொள்ளை கொண்டிருப்பார். 

இதனை தொடர்ந்து தற்போது கார்த்தி நடிக்கும் "சர்தார் 2"  திரைப்படத்தில் கதாநாயகியாகவும், தெலுங்கில் மாருதி இயக்கத்தில் முதன்முறையாக  பிரபாஸ், நிதி அகர்வால், சஞ்சய் தத்  ஆகியோருடன் இணைந்து ‛தி ராஜா சாப்' என்ற படத்திலும் கதாநாயகியாக நடித்து வருகிறார்.  

இந்த நிலையில், தனியார் நிகழ்ச்சி ஒன்றிற்கு பேட்டி அளித்த மாளவிகா மோகனன், உங்களுக்கு தெரியாதது ஒன்றுமில்லை, பொதுவாக,படங்களில் கதாநாயகிக்கு குறைவான காட்சிகளே இருக்கும். உதாரணத்திற்கு மாஸ்டர் படத்திலே பார்த்து இருக்கலாம். ஆனால் இப்பொழுது அந்த கவலை இல்லை, ஏனெனில், தற்பொழுது தான் நடித்து வரும் ஹாரர் வகை காமெடி படமான 'தி ராஜா சாப்' படத்தின் ஆரம்பம் முதல் முடிவு வரை எல்லா காட்சிகளிலும் நான் வருகிறேன். அதுவும் படங்களில் இது போன்ற கேரக்டர் எல்லாம் எப்போதாவது ஒருமுறை தான் அமையும்'' அது இப்பொழுது எனக்கு அமைந்துள்ளது என்றார்.

இதனை அடுத்து அவர் அடுத்த படத்திற்கான டீசர் எப்பொழுது வெளியே வரும் என எதிர்பார்த்து வருகின்றனர். 

இதையும் படிங்க: மாஸ்க் போட்டுக் கொண்ட கவின்.. வில்லியாக மிரட்டும் ஆண்ட்ரியா...