பான் இந்திய கதாநாயகியாக உருமாறியுள்ள ராஷ்மிகா மந்தனா, தற்போது சினிமா, சமூக உரையாடல் என பல தளங்களிலும் தன்னை வெளிப்படுத்தி வருகிறார். தமிழ், தெலுங்கு, இந்தி என மூன்று முக்கியமான மொழிகளில் தொடர்ந்து நடிப்பதோடு, சமீபத்தில் அவரது கருத்துகள் காதல், பெண்களின் மன உணர்வுகள், வாழ்க்கை அனுபவங்களை வெளிப்படுத்தியதாக சமூக வலைதளங்களில் பெரும் பரவலுக்கு உள்ளாகியுள்ளது.

இப்படி இருக்க ராஷ்மிகா மந்தனா, ஒரே நேரத்தில் தமிழ், தெலுங்கு, இந்தி என மூன்று மொழிகளிலும் முன்னணி நடிகையாக வளர்ந்திருப்பது சாதாரண நிகழ்வல்ல. சினிமா உலகில் பலரை தாண்டி, பான் இந்தியா நடிகை என்ற பட்டத்தை வலிமையாக பெற்றிருக்கும் நடிகை இவர். குறிப்பாக தெலுங்கில் வெளியான புஷ்பா 2, ஹிந்தியில் வெளியாகிய சாவா, இரண்டும் பிளாக்பஸ்டர் வெற்றி பெற்று, அவரை அதிக ரசிகர்களிடையே கொண்டு சென்றது. இதனுடன், தற்போது இவர் நடித்து வரும் தமிழ், இந்தி படங்கள் மீதும் ரசிகர்களிடையே மிகுந்த எதிர்பார்ப்பு உள்ளது. அவரது ஃபேன்கள் கிளப் இந்தியாவின் மூலைமுடுக்கில் பரவியுள்ளது. அண்மையில் ரிலீஸான ஹிந்தி திரைப்படம் "தம்மா" – இது ஒரு ஹாரர் மற்றும் காமெடியுடன் கூடிய திரில்லர் படம்.

இத்திரைப்படத்தை ஆதித்யா சர்போத்தர் இயக்கியுள்ளார். இதில், ராஷ்மிகா மந்தனா முக்கிய கதாபாத்திரத்தில் நடித்துள்ளார். இந்த திரைப்பட விமர்சனங்கள், ரசிகர்களின் வரவேற்பு ஆகியவற்றில் "தம்மா" படம் கலக்கிக் கொண்டிருக்கிறது. இதில் ராஷ்மிகா அளித்த நடிப்பு மிகவும் நியமானதாகவும், நுணுக்கமான உணர்வுகளை வெளிப்படுத்தியதாகவும் பாராட்டப்படுகிறது. இதனை தொடர்ந்து இரண்டாவது முக்கியமான படம் – 'தி கேர்ள்பிரெண்ட்'. இந்தப் படத்தின் புரமோஷனுக்காக சமீபத்தில் நடைபெற்ற ஒரு நிகழ்ச்சியில், ராஷ்மிகா மிகவும் திறந்த மனதுடன் காதல் முறிவு குறித்து பேசினார். அவரது உரை தற்போது சமூக வலைதளங்களில் பெரும் வைரலாகி வருகிறது.

இதையும் படிங்க: புளு சட்டை மாறனை விட இவங்க தான் பயமே.. அவங்களே..! 'கருப்பு' படம் குறித்த சீக்ரட்டை உடைத்த ஆர்.ஜே.பாலாஜி..!

இதனை குறித்து நேர்காணல் ஒன்றில், காதல் முறிவு பற்றி கேள்வி எழுந்த போது, ராஷ்மிகா கூறிய சில வரிகள் ஒவ்வொருவரையும் சிந்திக்க வைக்கும் வகையில் இருந்தது. அதில் “காதல் முறிவால் ஆண்கள் அதிகம் பாதிக்கப்படுகிறார்கள் என்பது உண்மை அல்ல. பெண்கள் தான் அதிகம் பாதிக்கப்படுகிறார்கள். ஆனால், எங்கள் வலியை வெளிப்படுத்த தாடி வளர்க்க முடியாது. மது குடிக்க முடியாது. வலியை வெளிக்காட்ட முடியாது. உள்ளுக்குள்ளே தாங்கிக்கொண்டு இருக்க வேண்டியது தான் பெண்களின் நிலை” என்றார். இவ்வாறு உணர்ச்சி வலிமையுடன் அவர் கூறிய கருத்துக்கள், பல பெண்களின் உணர்வுகளை பிரதிபலிக்கின்றன எனவும் சமூக வலைதளங்களில் பலர் கருத்து தெரிவித்து வருகின்றனர். இக்கருத்துகள் சமூக வலைதளங்களில் மிகவும் வைரலாக பரவி வருகின்றன.

 சாதாரணமாக, சினிமா நடிகைகள் பத்திரமாக பதில்கள் அளிப்பதற்கே முன்னுரிமை அளிப்பார்கள். ஆனால், ராஷ்மிகா தனது வாழ்க்கை அனுபவங்களை நேரடியாக, உணர்வோடு பேசும் திறமை கொண்டவர் என்பதை இந்நிகழ்வு மீண்டும் நிரூபித்தது. அவர் ஒரு நடிகையை தாண்டி, ஒரு மனிதரான உண்மையான முகம் இந்த பேச்சில் வெளிப்பட்டுள்ளது. இந்த நேர்காணல், ரசிகர்களின் மனதில் அவளின் மதிப்பையும், அனுபவத்தையும் மேலும் உயர்த்தியுள்ளது. குறிப்பாக ராஷ்மிகா மந்தனாவின் இன்றைய வெற்றிக்கு பின்னால், அவரது கடின உழைப்பு, கதாபாத்திரங்களை தேர்ந்தெடுக்கும் கூர்மையான பார்வை, ரசிகர்களுடன் ஒரு உணர்வுப் பிணைப்பு ஆகியவை காரணமாக இருக்கின்றன. அவர் நடிக்கும் ஒவ்வொரு கதாபாத்திரமும் - நேர்த்தியான நடிகை, உணர்வுப்பூர்வமான பெண், திறமையான பேச்சாளர், என பல முகங்களைக் கொண்டிருப்பதை காட்டுகிறது.

"பெண்கள் தங்களது வலியை வெளிக்காட்ட முடியாமல் உள்ளே அடக்கிக்கொள்கிறார்கள்" என்ற அவர் வார்த்தைகள், ஒரு சமூக மாற்றத்திற்கான எழுச்சியாக பார்க்கப்படலாம். இது, காதல் முறிவு என்பது சின்ன விஷயம் அல்ல.. இது மன உளைச்சலை உருவாக்கக்கூடிய ஒன்று என்பதை வெளிப்படுத்துகிறது. ஆகவே ராஷ்மிகா மந்தனாவின் தற்போதைய வளர்ச்சி, வெற்றி மற்றும் கருத்துக்கள், சினிமாவை தாண்டிய ஒரு சமூக விழிப்புணர்வையும் உருவாக்குகின்றன. காதல் முறிவு பற்றிய அவரது அனுபவத்தை பகிர்ந்தது, பல பெண்களுக்கு உரிமையை உணர்த்தும் ஒரு வழிகாட்டியாக இருக்கிறது.

இவரது செயல், பிரபலங்கள் தங்களது அனுபவங்களை வெளிப்படுத்தும்போது, அது வெறும் தகவலாக இல்லாமல், ஒரு சமூகத்தின் உணர்வுக்கு அர்த்தம் தரும் விதமாக மாறும் என்பதை எடுத்துக்காட்டுகிறது. எனவே ராஷ்மிகா இன்று ஒரு நடிகை மட்டுமல்ல – அவர் ஒரு மனதைக் கவரும் குரல். காதல், சினிமா, உணர்வு, விழிப்புணர்வு – அனைத்தையும் ஒன்று சேர்த்து கொண்ட நடிப்பின் ராணி.

இதையும் படிங்க: ஹீரோயின் கேரக்டரில் ஊனமுற்றவரை நடிக்க வைக்கமுடியுமா.. சொல்லுங்க..! மாரி செல்வராஜ் பேச்சால் சர்ச்சை..!