நடிகர் அஜித்துக்கு ஐடன்டிட்டியாக இருக்கும் பல படங்களில் முக்கியமான படம் என்றால் அவரது நடிப்பில் இயக்குனர் வெங்கட் பிரபு இயக்கத்தில் ஆக்ஷன் கிங் அர்ஜுன் துணை கதாப்பாத்திர நடிப்பில்  மிகவும் ஜாலியாக உருவான "மங்காத்தா" திரைப்படம் தான். அதில் "money money money" என பணத்தை குறித்து அவர் கூறும் வார்த்தை, தனி பாஷையாகவே மாறியுள்ளது. இப்படி இருக்க மங்காத்தாவின் தொடர்கதையாக உருவாகி உள்ளது நடிகர் அஜித்தின் புதிய திரைப்படம். 

சமீபத்தில் வெளியான நடிகர் அஜித்தின் "விடாமுயற்சி" திரைப்படம் ரசிகர்கள் எதிர்பார்த்த அளவிற்கு திரையரங்குகளில் ஓடவில்லை என்றும் ஓடிடியிலும் பெரிதாக வரவேற்பு இல்லை எனவும் இப்படத்தால் தங்களுக்கு ரூபாய் 128 கோடி நஷ்டம் ஏற்பட்டுள்ளதாகவும் லைக்கா நிறுவனம் தரப்பில் இருந்து கூறப்பட்டுள்ளது. இதனை தொடர்ந்து, விட்ட வசூலை மீண்டும் பிடிக்கவும் ரசிகர்களுக்கு பிடித்த படத்தை கொடுக்கவும் மீண்டும் வந்தது  மைத்திரி மூவி மேக்கர்ஸ் தயாரிப்பில் இயக்குநர் ஆதிக் ரவிச்சந்திரன் இயக்கத்தில் நடிகர் அஜித் மற்றும் த்ரிஷா, பிரசன்னா, சுனில், அர்ஜுன் தாஸ், பிரபு முதலானோர் நடித்துள்ள படம் தான் "குட் பேட் அக்லி". விடாமுயற்சியை விட இப்படம் மிகவும் அருமையாகவும் மாசாகவும் இருக்கிறது என இன்றும் ரசிகர்கள் கூறிவருகின்றனர்.

இதையும் படிங்க: இரண்டு நடிகைகள் உடன் நடிக்க தயாராகியுள்ள அஜித்...! என்ன AK ரசிகர்களே ரெடியா..!

மேலும், இந்த படத்தில் பழைய பாடல்களை வைத்து நடனம் ஆடுவது சண்டைபோடுவது போன்ற காட்சிகள் அனைத்தும் மிகவும் சிறப்பாக உள்ளது. முக்கியமாக "தொட்டு தொட்டு பேசும் சுல்தானா" பாடலுக்கு சிறப்பாக நடனம் ஆடியிருப்பார் அர்ஜுன் தாஸ். அதுமட்டுமல்லாமல் த்ரிஷா குரலில் "உங்களுடன் நூறு வருடம் வாழனும்" என போனில் ஒருவர் பேச, அது ஏஐ தொழில்நுட்பத்தின் உதவியால் வந்த தனது மனைவியின் குரல் என்பதை உணர்ந்த அஜித், "எந்த மனைவி டா கட்டின புருஷனுடன் நூறு வருடம் வாழனும் என சொல்லுவார்" என சொல்ல, தியேட்டரில் விசில் பறந்தது. இறுதியில் படத்தில் சண்டை காட்சிகளில் "ஆளுமா டோலுமா" பாடலை வைத்து சண்டையிடுவது அமோகமாக இருந்தது.

இதனை அடுத்து பிரபல ஓடிடி தளமான நெட்பிளிக்ஸ் தளத்தில் இப்படம் வெளியாக, பலரும் வீடுகளில் இப்படத்தை பார்த்து கொண்டாடி வருகின்றனர். இந்த நிலையில், ஃபேன் பாய் படமாக அஜித்தின் குட் பேட் அக்லி படத்தை எடுத்த இயக்குனருக்கு ரசிகர்கள் ஒருபுறம் நன்றி தெரிவித்து வர, இப்படத்தை மீண்டும் திரையில் காண ரசிகர்கள் ஆவலுடன் இருப்பதாக தெரிவித்து உள்ளனர். அதன்படி, அடுத்த வருடம் 2026-ம் ஆண்டு மே 1-ந்தேதி அஜித்தின் 55வது பிறந்தநாள் அன்று 'குட் பேட் அக்லி' படத்தை ரீரிலீஸ் செய்ய வேண்டும் என்ற கோரிக்கையை ரசிகர்கள் தரப்பில் இருந்து முன்வைக்கப்பட்டு வருகிறது. ஆதலால் இதனை தயாரிப்பாளர் பரிசீலிக்க வேண்டும் என தெரிவித்துள்ளனர். 

மேலும், தற்பொழுது அஜித்தின் ஏகே 64 யை ஆதிக் ரவிச்சந்திரன் அல்லது கார்த்திக் சுப்பாராஜ் ஆகிய இருவரில் ஒருவர் எடுக்க உள்ள நிலையில் அடுத்த படத்திற்காகவும் ரசிகர்கள் ஆவலுடன் காத்து வருகின்றனர்.

இதையும் படிங்க: இனி லைவ் கார் ரேஸ்; யூடியூப் சேனல் தொடங்கிய அஜீத்குமார்... உற்சாகத்தில் ரசிகர்கள்!!