சின்னத்திரை ரசிகர்களிடம் தொடர்ந்து வரவேற்பைப் பெற்று வரும் தொடர்களில் ஒன்றாக ‘அய்யனார் துணை’ சீரியல் இருந்து வருகிறது.

குடும்ப உறவுகள், காதல், உணர்ச்சிகள், எதிர்பாராத திருப்பங்கள் என பல்வேறு அம்சங்களை கலந்து ஒளிபரப்பாகி வரும் இந்த தொடர், தற்போது சோழன் - நிலா கதைக்களத்தை மையமாக வைத்து நகர்ந்து வருகிறது.

குறிப்பாக, இருவருக்கும் இடையேயான காதல் மற்றும் புரிதல் தொடர்பான காட்சிகள் ரசிகர்களின் கவனத்தை அதிகம் ஈர்த்து வருகின்றன.

இதையும் படிங்க: Captain Jack Sparrowவாக மாறிய 90ஸ் கிட்ஸ்களின் கனவு நாயகி சிம்ரன்..!! ஸ்டைலிஷ் போட்டோஷூட் புகைப்படங்கள் வைரல்..!

சீரியலின் தற்போதைய கதைப்படி, சோழன் தனது மனைவி நிலாவுடன் தனியாக சில நாட்கள் செலவிட வேண்டும் என்ற ஆசையில் இருந்தார்.

திருமணத்திற்குப் பிறகு கணவன் - மனைவி இருவரும் ஒருவரையொருவர் புரிந்துகொள்ளும் வகையில் ஒரு சிறிய ஹனிமூன் பயணம் செல்ல வேண்டும் என்ற எண்ணம் சோழனுக்கு இருந்தது.

அந்த ஆசையுடன் பயணத்திற்கான ஏற்பாடுகளை செய்து வந்த சோழனுக்கு, நிலா கூறிய ஒரு விஷயம் பெரிய அதிர்ச்சியை ஏற்படுத்தியது.

இருவரும் மட்டும் தனியாக செல்லலாம் என்று நினைத்திருந்த நிலையில், நிலா குடும்பத்துடன் சேர்ந்து ஹனிமூன் செல்லலாம் என்று கூறியுள்ளார்.

இதனால் சோழனின் கனவில் எதிர்பாராத திருப்பம் ஏற்பட்டது. காதல் ஜோடியாக தனிமையில் நேரம் செலவிடலாம் என்று நினைத்திருந்த அவர், குடும்பத்துடன் சுற்றுலா செல்லும் சூழ்நிலை உருவானதால் சற்று ஏமாற்றமடைந்தார்.

“ஹனிமூன் செல்ல நினைத்தால் குடும்ப ட்ரிப் ஆகிவிட்டதே” என்ற மனநிலையுடன் அவர் பயணத்தை தொடங்கும் காட்சிகள் ரசிகர்களிடையே சுவாரஸ்யத்தை ஏற்படுத்தியுள்ளன.

இதையும் படிங்க: அடுத்த ஜி.டி. நாயுடு யார்..? 780 கண்டுபிடிப்புகளுடன் களமிறங்கிய மாணவர்கள்..!! மாதவன் நடித்துள்ள பயோபிக்.. படக்குழுவின் புதிய முயற்சி..!