தமிழ் சினிமாவின் முன்னணி நடிகர்களில் ஒருவராக திகழும் தனுஷ், தற்போது இயக்கியுள்ள திரைப்படமான “இட்லி கடை” ரசிகர்களிடையே பெரும் எதிர்பார்ப்பை உருவாக்கியுள்ளது. இந்த திரைப்படத்தின் இசை வெளியீட்டு விழா நேற்று சென்னை நேரு இன்னர்நேஷனல் அரங்கத்தில் மிகப்பெரும் வரவேற்புடன் நடைபெற்றது. விழாவில் ரசிகர்கள், பிரபலங்கள் மற்றும் ஊடகங்கள் என அனைவரும் கலந்து கொண்டனர்.

மேடையில் பேசும் போது தனுஷ், “இட்லி கடை” என படத்திற்கு பெயரிடப்பட்ட பின்னணியைக் கூறியபோது, நிகழ்ச்சிக் கூடம் கண் கலங்கவைக்கும் நிமிடங்களை சந்தித்தது. அதன்படி அவர் பேசுகையில், “சின்ன வயதில் எனக்கு தினமும் இட்லி சாப்பிடணும் என்பதொரு ஆசை. ஆனா கையில் காசு இருக்காது. காலையில் வயலில் பூப்பறிக்கும் வேலையை செய்தால் ரூ.2 அல்லது ரூ.2.50 கிடைக்கும். அந்த பணத்தை கொடுத்து 4 முதல் 5 இட்லி வாங்கிப் போய் சாப்பிடுவேன். அப்போது சாப்பிட்ட அந்த இட்லியின் சுவை, இப்போது எந்தப் பெரிய ஹோட்டலிலும் கிடைக்கலை. அந்த இட்லி கடையோட நினைவுகள் இன்னும் என் மனதில் தங்கியிருக்கின்றன. அதனால் தான், அந்த உண்மையான இட்லி கடையை மையமாக வைத்து ஒரு உணர்வுப் படம் எடுக்கணும் என நினைத்தேன்” என்றார்.

இவ்வாறு கூறிய தனுஷ், தன்னுடைய பிள்ளைபருவ வாழ்க்கையின் நினைவுகளைக் கொண்டு இந்தப் படத்தை உருவாக்கியுள்ளதாக தெரிவித்துள்ளார். தனுஷின் சொல்படி, இது வெறும் கற்பனைப் படம் அல்ல, உண்மையான கதையும், உண்மையான மனிதர்களையும் கொண்டு உருவாக்கப்பட்ட திரைப்படம். பாசம், போராட்டம், நம்பிக்கை மற்றும் சாதனை ஆகியனவே இந்தப் படத்தின் அடிப்படை. மிக நீண்ட இடைவேளைக்கு பிறகு தனுஷ் மீண்டும் இயக்குநராகவும், கதையின் கருவாகவும் செயல்பட்டுள்ள இந்தப் படம், அவரது கலை வாழ்வில் முக்கியமான கட்டமாக பார்க்கப்படுகிறது. இசை வெளியீட்டில் திரையுலகத்தைச் சேர்ந்த பல முக்கியமான நபர்கள் பங்கேற்றனர்.

இசையமைப்பாளராக சாம் சி.எஸ். பணியாற்றியுள்ளார். பாடல்கள் வெளியான சில மணி நேரங்களிலேயே மில்லியன் பார்வைகளைத் தாண்டியது. “வயலுக்கு வழி – இட்லிக்கு தழை” என்கிற பாடல் சிறப்பான வரவேற்பைப் பெற்றது. இந்தப் பாடல், கிராமிய மக்களின் வாழ்வை பிரதிபலிக்கிறது. தனுஷ், தனது ஹேட்டர்ஸ்களின் விமர்சனங்களையும் சிறப்பாக கையாள்ந்தார். அவரை தொடர்ந்து விமர்சனம் செய்யும் "Haters" குறித்த கேள்விக்கு, அவர் வழங்கிய பதில் ரசிகர்களிடையே மிகுந்த புகழைப் பெற்றது. அதன்படி அவர் பேசுகையில், “ஹேட்டர்ஸ் என ஒரு கான்செப்ட் எனக்கு புரியவே மாட்டேங்குது. எல்லாருமே எல்லா படமும் பார்ப்பாங்க. யாரு ஹேட்டர்ஸ்? எனக்கு காட்டுங்க. கிடையாது. ஒரு 30 பேர், தங்களோட பிழைப்புக்காகவோ, வேறெதற்காகவோ 300 விதமான கமெண்ட்ஸ் போடுறாங்க. அதெல்லாம் ‘ஹேட்’ இல்ல. அந்த 30 பேரும் தான் படம் பார்த்து வந்துடுவாங்க.

இதையும் படிங்க: விஜய் அரசியல் பயணம் குறித்த ரகசியத்தை போட்டுடைத்த நடிகர் பப்லு பிரித்விராஜ்..! அதிர்ச்சியில் சினிமா வட்டாரங்கள்..!

எனவே இதை எல்லாம் நான் சீரியஸா எடுத்து கொள்ளவே மாட்டேன்" என்றார். இந்த பதில், தனுஷின் தாராள மனப்பான்மை மற்றும் விழிப்புணர்வை காட்டுகிறது. இப்படியாக தனுஷ் தனது வாழ்க்கை அனுபவங்களை பகிர்ந்துகொள்வது, அவரை ரசிகர்களுடன் மிகவும் நெருக்கமாக இணைக்கிறது. "இட்லி கடை" திரைப்படத்தின் பின்னணி, அவருடைய அழுக்காற்றான சிறுவயது கால நினைவுகளுக்கு சான்றாகிறது. ஒரு சாதாரண வேலைக்காரனாக வாழ்க்கையை ஆரம்பித்து, தற்போது ஒரு பல்வேறு பரிமாணங்களை உடைய கலைஞராக உயர்ந்திருக்கும் தனுஷின் பயணம், இளைய தலைமுறைக்கு முன்னுதாரணம் திரைப்படத்தின் கதை, டீசர் மற்றும் பாடல்களின் அடிப்படையில், இது ஒரு உணர்ச்சி பொங்கும் குடும்ப-கிராமிய பிணைப்பு படமாக உருவெடுத்து உள்ளது. பலர் கூறுவது போல இது "அசுரன்" படத்திற்கு அடுத்தபடியாக தனுஷின் மீள்பிறவி ஆகும் என்று ரசிகர்கள் நம்புகின்றனர். மொத்தத்தில் “இட்லி கடை” என்பது ஒரு திரைப்படம் மட்டுமல்ல, அது ஒரு மனிதனின் பயணம், நம்பிக்கை, உழைப்பு மற்றும் உணர்வின் நிழற்படமாக அமைந்திருக்கிறது.

தனுஷின் வாழ்க்கை அனுபவங்களை ஒட்டி உருவான படம் என்பதால், இது ரசிகர்களை ஆழமாகத் தொட்டுச் செல்லும். “சாதனையாளர் ஒவ்வொரு முறையும் ஏதோவொரு இட்லி கடையிலிருந்து தான் ஆரம்பிக்கிறான்” – இந்த வரிகள் தான் “இட்லி கடை”யின் உண்மை விழுமியமாக இருக்கலாம்.

இதையும் படிங்க: ஜெயிச்சிட்டோம் மாறா.. 'லோகா' படத்தால் கிடைத்த வெற்றி..! துல்கர் சல்மான் வெளியிட்ட ஹார்ட் டச் போஸ்ட்..!