தமிழ் சினிமாவில் "துள்ளுவதோ இளமை" படத்தின் மூலம் ரசிகர்களின் மனதில் நீங்கா இடம் பிடித்தவர் நடிகர் அபிநய். அந்த படத்தில் தனுஷ் மற்றும் ஷ்ரீயா சரன் உள்ளிட்ட பலரும் நடித்திருந்த நிலையில், அபிநய் தனது இயல்பு மிக்க நடிப்பால் கவனிக்கத்தக்க ஒருவர் என நிரூபித்தார். தமிழ் மட்டுமின்றி மலையாளத் திரைப்படங்களிலும் தனது நடிப்புத் திறமையை வெளிப்படுத்திய இவர், சமீபத்திய காலங்களில் திரையுலகத்தில் இருந்து ஒதுங்கியிருந்தார்.

கடைசியாக சந்தானம் நடித்த "வல்லவனுக்கு புல்லும் ஆயுதம்" என்ற திரைப்படத்தில் நடித்திருந்த அபிநய், அதன் பிறகு சினிமா துறையில் அதிகமான தீவிரம் காட்டாமல் இருந்ததற்கான காரணம் அவரது உடல்நலக் குறைபாடே எனக் கூறப்படுகிறது. குறிப்பாக, கல்லீரல் பாதிப்பு காரணமாக அவர் தொடர்ந்து சிகிச்சை பெற்று வருகிறார். இது கடந்த சில மாதங்களுக்கு முன் தான் செய்திகள் வாயிலாக வெளியானது. இதனால் ரசிகர்கள் மிகுந்த வருத்தத்திலும் அதிர்ச்சியிலும் ஆழ்த்தப்பட்டனர். அவரது சிகிச்சை செலவுகளுக்கு உதவ முன் வந்தவர்களில் முக்கியமானவராக அறியப்படுகிறார் KPY பாலா. ரசிகர்களுக்கு நம்பிக்கை நாயகனாக இருக்கும் பாலா, தனது நண்பர் அபிநய்க்காக ரூ.1 லட்சம் நிதியுதவியாக வழங்கினார். அந்த வீடியோ சமூக வலைதளங்களில் பரவி, பலரும் பாலாவின் செயலை பாராட்டினர். அதே சமயம், சினிமா சமூகத்தில் நெஞ்சார்ந்த நட்பு இன்னும் உயிரோடு இருப்பதை இந்த நிகழ்வு மறுபடியும் நிரூபித்தது. இந்த நிலையில், தற்போது மேலும் ஒரு முக்கியமான நட்பு செயல் அரங்கேறியுள்ளது. என்னவெனில் நடிகர் தனுஷ், தனது 'துள்ளுவதோ இளமை' படத்தில் இணைந்து நடித்த அபிநய்க்காக, ரூ.5 லட்சம் நிதியுதவியாக வழங்கி, அவரது மருத்துவச் செலவுகளை ஏற்றுக் கொண்டுள்ளார்.

தனுஷின் இந்த செயல் திரையுலகத்திலும், ரசிகர்கள் மத்திலும் பெரும் வரவேற்பைப் பெற்றிருக்கிறது. நடிகர் தனுஷ் இன்று இந்திய அளவில் புகழ்பெற்ற நடிகர், இயக்குநர், பாடகர் என பன்முக திறமை கொண்டவர். ஆனால் ஆரம்பகால கட்டத்தில் 'துள்ளுவதோ இளமை' படம் மூலம் திரைபயணத்தைத் தொடங்கிய அவர், அந்தப் படத்தின் மூலம் ரசிகர்களின் கவனத்தை ஈர்த்தார். அந்த பயணத்தில் தனது இணை நடிகராக இருந்த அபிநய்க்கு இப்போது உதவ முன்வந்துள்ளதன் மூலம், அவரது மனிதநேயத்தின் வெளிப்பாடாகவே இது பார்க்கப்படுகிறது. இந்தச் செய்தி வெளியாகியதிலிருந்து, சமூக வலைதளங்களில் ‘நண்பனுக்கு நன்றியுடன் இருக்கும் நட்பு’ என பாராட்டுகள் பெருகி வருகின்றன. அபிநய்க்கு உதவி செய்த நடிகர்கள் என பார்த்தால் பாலா மற்றும் தனுஷ் ஆகியோர் தான்.. எனவே இவர்கள் இருவரும் சமூகத்தில் ஒரு நல்ல உதாரணமாக விளங்குகிறார்கள்.

இதையும் படிங்க: பிறந்தநாளில் ரஜினியை பிரதிபலிக்க செய்த தனுஷ்..! மாலை அணிவித்து மகிழ்ந்த ரசிகர்கள் பேச்சு..!

உண்மையான நட்பு என்பது துன்பத்திலும் துணை நிற்கக்கூடியது என்பதற்கான நேரடி சான்றாக இந்த செயல் அமைந்திருக்கிறது. நடிகர் அபிநய் தற்போது தொடர்ந்து மருத்துவ சிகிச்சை பெற்று வருவதாகவும், அவரது குடும்பத்தினர் மற்றும் நண்பர்கள் அவருக்காக நம்பிக்கையுடன் இருக்கின்றனர் எனவும் தகவல்கள் தெரிவிக்கின்றன. இவரது உடல்நிலை விரைவில் மேம்பட்டு, திரையில் மீண்டும் அவரை காணவேண்டும் என அவரது ரசிகர்கள் மற்றும் திரையுலகப் பிரபலங்கள் அனைவரும் வாழ்த்துக்களை தெரிவித்து வருகின்றனர். இந்த நிலையில், திரையுலகத்தைச் சேர்ந்த பலரும் தங்களால் இயன்றளவு உதவ முன்வந்து வருகின்றனர். திரையுலகில் மட்டுமல்ல, எந்தவொரு துறையிலும் மனிதநேயம், ஒற்றுமை போன்றவை முக்கியமானவை என்பதை இந்த மாதிரியான செயல்கள் மீண்டும் ஒரு முறை உணர்த்துகின்றன. தனுஷ் மற்றும் பாலா ஆகியோர் மேற்கொண்ட இந்த செயல், திரையுலக நட்புக்கும், மனிதநேயத்துக்கும் ஒரு தகுந்த எடுத்துக்காட்டு.

இது போல மேலும் பலர், உதவிக்கு கைகொடுப்பதற்கான முன்னுதாரணமாக இந்த நிகழ்வு இருக்கும் என்பதில் சந்தேகமில்லை. அபிநய் மீண்டும் மேடையிலும் திரையிலும் சிறந்து விளங்க வேண்டும் என அனைவரும் மனதார பிரார்த்தித்து வருகின்றனர்.

இதையும் படிங்க: பிறந்தநாளில் ரஜினியை பிரதிபலிக்க செய்த தனுஷ்..! மாலை அணிவித்து மகிழ்ந்த ரசிகர்கள் பேச்சு..!