தமிழ்நாடு நெடுஞ்சாலைத் திட்டம் தொடர்பான நில உரிமை விவகாரத்தில், முன்னாள் நடிகை ஸ்ரீதேவியின் கணவர் மற்றும் குடும்பத்தினர் மீது பாரிய குற்றச்சாட்டை உயர்நீதிமன்றத்தில் மனு மூலம் பதிவு செய்துள்ள சம்பவம் பரபரப்பை ஏற்படுத்தியுள்ளது. இந்த வழக்கை விசாரித்த சென்னை ஐகோர்ட், மனுவில் கூறப்பட்ட ஆவணங்களை அரசுத் தரப்பும் பரிசீலிக்க வேண்டும் எனக் கடும் உத்தரவு வழங்கியுள்ளது.

இந்த வழக்கு தொடர்பாக சென்னை புழுதிவாக்கத்தைச் சேர்ந்த சிவகாமி என்பவர் தாக்கல் செய்த மனுவில், ஒரு மிக முக்கியமான குற்றச்சாட்டு முன்வைக்கப்பட்டுள்ளார். அதன்படி, "சென்னை கிழக்கு கடற்கரை சாலையை (ECR) விரிவுபடுத்தும் பணியில், திருவான்மியூரிலிருந்து அக்கரை வரை சாலையோர நிலங்களை தமிழ்நாடு நெடுஞ்சாலைத் துறை அதிகாரபூர்வமாக கையகப்படுத்தியது. அந்த பரப்பளவில், எங்களது குடும்பத்திற்கு சொந்தமான 1,420 சதுர அடி நிலமும் அடங்கியுள்ளது. இந்த நிலத்தை எங்களிடம் இருந்து எடுத்தபோது, அரசு அதன் சட்டப்படி நியாயமான இழப்பீட்டை வழங்க வேண்டும். எனவே, நாங்கள் எதிர்பார்த்த இழப்பீட்டுத் தொகை ரூ.1.87 கோடி எனக் கணக்கிடப்பட்டது. ஆனால் அந்த தொகையை எங்களுக்கு வழங்காமல், மறைந்த நடிகை ஸ்ரீதேவியின் கணவர் போனி கபூர் மற்றும் அவரது மகள்கள் ஜான்வி கபூர், குஷி கபூர் ஆகியோருக்கு அந்த தொகையை தவறாக வழங்கியுள்ளனர்..

இது ஒரு சட்டவிரோத நடவடிக்கை, அந்த நிலம் எங்களது சொந்தம் என்பதை ஆதாரங்களுடன் நிரூபிக்கலாம். அதற்கான பதிவு ஆவணங்கள், வரி செலுத்திய பதிவுகள், நிரந்தர வாசம், நில ஆக்கிரமிப்பு ஏதும் இல்லாத நிலை ஆகிய அனைத்தையும் உள்ளடக்கிய ஆதாரங்களை நாங்கள் சமர்ப்பித்துள்ளோம். இந்த நிலையில், அந்த இழப்பீட்டுத் தொகையை போனி கபூர் குடும்பத்திற்குக் கொடுத்தது முற்றிலும் தவறானது." அதனால்தான், அந்த தொகையை அரசால் மீண்டும் வசூலித்து, உரிய உரிமையாளரான தாங்கள் பெறவேண்டும் என்றும் அவர் வலியுறுத்தியுள்ளார். சிவகாமி, கடந்த ஆண்டு ஜூலை 26-ஆம் தேதி, இந்த விவகாரம் குறித்து உரிய அதிகாரிகளிடம் புகார் மனுவை அளித்ததாகவும், அதன் மீது இதுவரை எந்த நடவடிக்கையும் எடுக்கப்படவில்லை என்றும் குறிப்பிட்டுள்ளார். அதன்படி "இந்த வழக்கின் மீது அதிகாரிகள் கவனம் செலுத்தாமல் இருக்கிறார்கள். ஒரு சாதாரண குடிமகனாக இருந்தாலும், எனது சொத்துக்களுக்கு உரிய நியாயத்தை கோரும் உரிமை எனக்குக் கொடுக்கப்பட வேண்டும். இந்த நிலத்தில் நடைபெறும் அதிகாரபூர்வ வஞ்சகங்களை நிறுத்த அரசே தலையிட வேண்டும்," என மனுவில் கோரிக்கை விடுத்துள்ளார்.

இதையும் படிங்க: தீபாவளிக்கு குடும்பத்துடன் தியேட்டரில் "டீசல்" போட ரெடியா..! ஹரிஷ் கல்யான் படத்திற்கு கிடைத்தது “யு/ஏ” சான்றிதழ்..!

இந்த வழக்கை விசாரித்த சென்னை உயர்நீதிமன்ற நீதிபதி கிருஷ்ணன் ராமசாமி, மனுவின் தன்மை மற்றும் ஆவணங்களை பரிசீலித்தபின், மனுதாரரின் கோரிக்கையில் முக்கிய அம்சங்கள் இருப்பதாகக் கருதியுள்ளார். இப்படி இருக்க "மனுதாரரின் புகார் மற்றும் கோரிக்கையை அரசுத் தரப்பினர் 4 வாரங்களுக்குள் பரிசீலிக்க வேண்டும். தேவையான விசாரணையை மேற்கொண்டு, சட்டத்திற்கேற்ப உரிய தீர்வை எடுக்க வேண்டும்." என உத்தரவிடப்பட்டுள்ளது. இந்த உத்தரவின் மூலம், இந்த விவகாரம் ஒரு புதிய சட்டப்பாதையில் செல்ல ஆரம்பித்துள்ளது. பொதுவாக பிரபலங்களைச் சுற்றியுள்ள சொத்து, நில உரிமை, அரசு நிதி ஒதுக்கீடு தொடர்பான விவகாரங்கள் பெரிய அளவில் ஊடக கவனத்தை ஈர்க்கின்றன.

இந்த வழக்கும் அதுபோலத்தான். இந்த வழக்கு மற்றும் புகார் மனுவிற்கு போனி கபூர் குடும்பம் இதுவரை எந்தவொரு பதிலும் அளிக்கவில்லை. இவர்களது தரப்பில் இருந்து எதிர்வினை வருமா எனவும், அது சட்ட ரீதியாக என்ன தாக்கத்தை ஏற்படுத்தும் என்பது எதிர்காலத்தில் தெரியவரும். ஜான்வி மற்றும் குஷி கபூர், தங்கள் தாயார் ஸ்ரீதேவியின் பிறந்த மாநிலமான தமிழ்நாட்டில் வேரொன்றிய குடும்பமாக அறியப்படுகிறார்கள். பலமுறை அவர்கள் சென்னையில் காணப்பட்டுள்ளனர். எனவே, இவர்களுக்குச் சொத்து உரிமை இருக்க வாய்ப்பு உள்ளதா அல்லது அரசு தவறாக பணம் வழங்கியுள்ளதா என்பது விசாரணையில் தெளிவாகும். இந்த வழக்கின் மூலமாக, பொதுமக்கள் சட்டப்படி உடைய உரிமைகள் மீதும் முக்கிய நோக்கமாக மாறியுள்ளது.

அரசு திட்டங்களுக்காக சொத்துக்கள் கையகப்படுத்தப்படும்போது, உரிய நியாயம் மற்றும் நீதி நடைமுறைகள் பின்பற்றப்பட வேண்டியது அவசியம். இல்லையெனில், இது போன்ற சட்ட நடவடிக்கைகள் வழி வகுக்கும். ஆகவே இந்த வழக்கின் மூலம், பொதுமக்கள் சார்பில் நீதி தேடுவதில் நீதிமன்றத்தின் செயல்பாடும், அரசின் பொறுப்பும் ஒரே நேரத்தில் நம்மை நினைவூட்டுகிறது. சின்னச் சின்ன மக்களின் சொத்து உரிமைகளும் பாதுகாக்கப்பட வேண்டும் என்பது ஒருமுறையல்ல பலமுறை கூறப்பட்ட உண்மை.

எனவே சட்டம் அனைவருக்கும் சமம் என்பதையே மறுபடியும் வலியுறுத்தும் வகையில், இந்த வழக்கு மற்றும் அதில் வெளியாகியுள்ள தகவல்கள் தமிழ்நாட்டில் ஒரு பரபரப்பான விவாதத்தை கிளப்பும் என்று தெரிகிறது. அரசு, இப்போதாவது இந்தக் கோரிக்கையை நேர்மையாக பரிசீலித்து உரிய நடவடிக்கைகளை எடுக்குமா என்பதை காலமே தீர்மானிக்க வேண்டும்.

இதையும் படிங்க: ஆன்லைன் விளையாட்டுக்கு அடிமையாகி இருக்கீங்களா...! அப்ப இந்த ‘கேம் ஆப் லோன்ஸ்' படம் உங்களுக்காக தான்..!