தமிழ் சமூக வலைதளங்களில் கடந்த சில நாட்களாக பெரும் சர்ச்சையை ஏற்படுத்தியுள்ள விவகாரம் சமையல் கலை நிபுணரும் நடிகருமான மாதம்பட்டி ரங்கராஜ் மற்றும் பிரபல ஆடை வடிவமைப்பாளர் ஜாய் கிரிசில்டா இடையே ஏற்பட்ட தனிப்பட்ட பிரச்சனை தற்போது சட்ட ரீதியாக தீவிரமடைந்துள்ளது. இந்த வழக்கு வெறும் சமூக ஊடக விவாதமாக இல்லாமல், தற்போது நேரடியாக சென்னை உயர்நீதிமன்றத்தின் கவனத்திற்கு வந்துள்ளது. இரு தரப்பினரும் தங்களது நிலைப்பாடுகளை உறுதியாக வெளிப்படுத்தி வருகின்றனர். இப்படி இருக்க மாதம்பட்டி ரங்கராஜ், சமையல் நிபுணராகவும் நடிகராகவும் தமிழ் ரசிகர்களிடையே பிரபலமானவர்.

“சூப்பர் செஃப்” நிகழ்ச்சிகளிலும், “பாக்யராஜ்” தயாரித்த சில திரைப்படங்களிலும் நடித்ததன் மூலம் மக்களின் கவனத்தை ஈர்த்தார். மறுபுறம், ஜாய் கிரிசில்டா தென்னிந்திய ஆடை வடிவமைப்பாளர்களில் மிகவும் பிரபலமானவர். பல பிரபல நடிகைகளுக்கான உடைகளை வடிவமைத்துள்ளார். இருவரும் சில ஆண்டுகளாக பரிச்சயம் கொண்டிருந்ததாகவும், தொழில்நுட்ப மற்றும் தனிப்பட்ட உறவுகளின் மூலம் நெருக்கம் ஏற்பட்டதாகவும் கூறப்படுகிறது. இப்படி இருக்க ஜாய் கிரிசில்டா, சமீபத்தில் ஊடகங்களிடம் பேசும்போது, மிகக் கடுமையான குற்றச்சாட்டுகளை முன்வைத்தார். அதில், “மாதம்பட்டி ரங்கராஜ் என்னை திருமணம் செய்வதாக உறுதியளித்தார். அதன்பின் அவர் எனது வாழ்க்கையில் நுழைந்து, என்னை கர்ப்பமாக்கி பின்னர் திடீரென விலகி சென்றார். என்னை ஏமாற்றி விட்டார். நான் இதற்கு முன்னர் போலீஸ் கமிஷனர் அலுவலகத்திலும், மாநில மகளிர் ஆணையத்திலும் புகார் அளித்துள்ளேன். ஆனால் எந்த நடவடிக்கையும் எடுக்கப்படவில்லை. எனவே, தற்போது நீதிமன்றத்தை நாடுகிறேன்” என்றார். இந்த குற்றச்சாட்டு வெளிவந்தவுடன், சமூக வலைதளங்களில் இதைப் பற்றிய விவாதம் வெடித்தது. ஜாய் கிரிசில்டா தனது வழக்கை சென்னை உயர்நீதிமன்றத்தில் தாக்கல் செய்துள்ளார்.

வழக்கில் அவர், “மாதம்பட்டி ரங்கராஜ் திருமண வாக்குறுதியின் பெயரில் ஏமாற்றியுள்ளார். எனது மனஅழுத்தத்திற்கும், சமூக அவமானத்திற்கும் காரணம் அவரே” என்று குறிப்பிடப்பட்டுள்ளதாக தகவல்கள் வெளியாகியுள்ளன. அவர் நீதிமன்றத்திடம், தன் மீது ஏற்பட்ட மன உளைச்சலுக்கு இழப்பீடு கோரியதோடு, ரங்கராஜுக்கு எதிராக குற்றவியல் நடவடிக்கை எடுக்கவும் கோரியுள்ளார். இந்த சர்ச்சை ஊடகங்களில் பெரும் விவாதமாக மாறிய நிலையில், மாதம்பட்டி ரங்கராஜ் நேற்று இரவு ஒரு அதிகாரப்பூர்வ அறிக்கையை வெளியிட்டார். அதில் அவர்,  “நீதிமன்றத்திற்கு வெளியே ஜாய் கிரிசில்டா எழுப்பிய சர்ச்சையை தீர்க்குமாறு பலர் என்னை அணுகி வருகின்றனர். ஆனால் நான் எந்தப் பொது விவாதத்திலும் ஈடுபட விரும்பவில்லை. எனக்கு நீதித்துறையின் மீது முழு நம்பிக்கை உள்ளது. எனவே, நான் நேரடியாக சென்னை உயர்நீதிமன்றத்தை அணுகியுள்ளேன். ஜாய் கிரிசில்டா எதிர்பார்ப்பது போல நீதிமன்றத்திற்கு வெளியே எந்த சமரசத்திலும் நான் ஈடுபட மாட்டேன். சட்டத்தின்படி உண்மை வெளிவரும்” என்றார். இந்த அறிக்கை வெளியானதும், சமூக வலைதளங்களில் ரங்கராஜுக்கு ஆதரவாகவும் எதிராகவும் பல்வேறு கருத்துகள் எழுந்தன. ரங்கராஜின் அறிக்கை வெளியானதைத் தொடர்ந்து, ஜாய் கிரிசில்டா தரப்பிலிருந்து சட்ட நோட்டீஸ் அனுப்பப்பட்டுள்ளது.

இதையும் படிங்க: சும்மா இல்ல.. நெருக்கமான காட்சியில் எனக்கு அந்தமாதிரி ஆகிடிச்சி தெரியுமா..! நடிகர் ஆதித்யா மாதவன் ஓபன் டாக்..!

அந்த நோட்டீஸில்,  “நீதிமன்ற வழக்குகள் இன்னும் நிலுவையில் உள்ள நிலையில், தங்களது தரப்பில் எங்களை தொடர்பு கொண்டதாக கூறி மாதம்பட்டி ரங்கராஜ் வெளியிட்ட அறிக்கை தவறானது மற்றும் அவதூறானது. இது சட்டப்படி தண்டனைக்குரியது. அந்த அறிக்கையை உடனடியாக (24 மணி நேரத்திற்குள்) திரும்பப் பெற்றுக் கொண்டு, மன்னிப்பு கேட்க வேண்டும். தவறினால், சிவில் (உரிமை) மற்றும் குற்றவியல் வழக்குகள் இரண்டும் தொடரப்படும்.” என்றனர். இதனை தொடர்ந்து மாதம்பட்டி ரங்கராஜ் தற்போது எந்த ஊடகத்திலும் கருத்து கூற மறுத்துள்ளார். அவரது வழக்கறிஞர் பேசுகையில், “இது ஒரு தனிப்பட்ட பிரச்சனை. அது நீதிமன்றத்தில் தீர்க்கப்படும். சட்டப்படி அனைத்து ஆதாரங்களையும் நாங்கள் சமர்ப்பிக்கப் போகிறோம்” என்றார். மறுபுறம், ஜாய் கிரிசில்டா பேசுகையில், “நான் இதை சமூக ஊடகங்களில் பேச்சாக்க விரும்பவில்லை. ஆனால் என் வாழ்க்கையை அழித்தவர் மீது நான் சட்டப்படி போராடுவேன். உண்மைக்கு நான் நம்பிக்கை வைத்திருக்கிறேன்” என்றார்.

எனவே ஜாய் கிரிசில்டா அளித்த புகாரின் அடிப்படையில், சென்னை போலீஸ் ஆரம்பகட்ட விசாரணை நடத்தியதாக தகவல்கள் தெரிவிக்கின்றன. மாநில மகளிர் ஆணையமும் இதற்கான முதற்கட்ட அறிக்கை கேட்டுள்ளதாக கூறப்படுகிறது. ஆனால், வழக்கு நீதிமன்றத்தில் சென்று விட்டதால், இப்போது அந்த அமைப்புகள் பின்வாங்கியுள்ளன. மாதம்பட்டி ரங்கராஜ் ஒரு சமையல் நிபுணராக மட்டுமின்றி, பல விளம்பரங்கள் மற்றும் தொலைக்காட்சி நிகழ்ச்சிகளில் நடித்து வருகிறார். மேலும் சில திரைப்படங்களிலும் நடித்துள்ளார். இந்த சர்ச்சை காரணமாக, அவர் நடித்துக் கொண்டிருந்த இரண்டு புதிய தொலைக்காட்சி நிகழ்ச்சிகளின் படப்பிடிப்புகள் தற்காலிகமாக நிறுத்தப்பட்டதாகத் தகவல்கள் வெளியாகியுள்ளன. சில தயாரிப்பாளர்கள் நிலைமை தெளிவாகும் வரை அவருடன் ஒப்பந்தங்களை நிறுத்தியுள்ளதாகவும் கூறப்படுகிறது.

இந்த விவகாரம் குறித்து சட்ட நிபுணர் ஒருவர் கூறுகையில், “திருமண வாக்குறுதியின் பெயரில் ஏமாற்றியதாக குற்றச்சாட்டு எழுந்தால், இந்திய தண்டனைச் சட்டத்தின் பிரிவு 417 (Cheating) மற்றும் 420 (Fraud) பிரிவுகளின் கீழ் நடவடிக்கை எடுக்கலாம். ஆனால் இதை நிரூபிக்க வலுவான ஆதாரங்கள் அவசியம். இது ஒரு தனிப்பட்ட உறவாக இருந்தாலும், எழுத்துப்பூர்வ உறுதிமொழி, மெசேஜ் அல்லது சாட்சிகள் இருப்பின் மட்டுமே வழக்கு வலுவாகும்” என்றார். இந்த விவகாரம் ஊடகங்களில் வெளிவந்ததும், சமூக வலைதளங்களில் பல்வேறு விமர்சனங்கள் எழுந்தன. ஆகவே மாதம்பட்டி ரங்கராஜ் – ஜாய் கிரிசில்டா விவகாரம் தற்போது நீதிமன்ற கட்டத்தில் உள்ளது. இருவரும் தங்கள் நிலைப்பாட்டை சட்டப்படி நிரூபிக்கத் தயாராக உள்ளனர்.

மாதம்பட்டி ரங்கராஜ் தனது அறிக்கையில் கூறியபடி, “நீதித்துறைதான் உண்மையை வெளிச்சம் போடும்” என்ற நம்பிக்கையில் உள்ளார். மறுபுறம், ஜாய் கிரிசில்டா கூறியபடி, “என்னை ஏமாற்றியவருக்கு எதிராக நான் போராடுவேன்” என்ற உறுதியுடன் இருக்கிறார். எனவே இந்த வழக்கின் அடுத்த கட்ட விசாரணை விரைவில் சென்னை உயர் நீதிமன்றத்தில் நடைபெற உள்ளது. அதில் எவ்வித தீர்ப்பு வெளியாகிறது என்பது சமூக வலைதளங்களிலும் சினிமா உலகத்திலும் அடுத்த சில வாரங்களுக்கு பெரும் பேசுபொருளாக இருக்கும்.

இதையும் படிங்க: 97-வது வயதில் உலகை விட்டு மறைந்த பழம்பெரும் பாடகி பாலசரஸ்வதி தேவி..!