இயக்குனர் கார்த்திக் சுப்பராஜின் இயக்கத்தில் உருவாகி இருக்கும் "ரெட்ரோ" படத்தில் கதாநாயகனாக நடித்து இருக்கிறார் நடிகர் சூர்யா. இப்படம் சூர்யாவின் 44வது படம் என்பதால் ரசிகர்கள் மத்தியில் இப்படத்தின் எதிர்ப்பார்ப்பு அதிகரித்து இருந்தது. இப்படம் மே 1ம் தேதி வெளியாகி பல கலவையான விமர்சனங்களை பெற்று வருகிறது. மேலும் இப்படம் வெளியான பொழுது ப்ளூ சட்டை மாறன், " சினிமாவில் நல்ல அனுபவம் வாய்ந்த கதை ஆசிரியர்களும் எழுத்தாளர்களும் கூறுவது என்னவென்றால் ஒரு அருமையான கதைக்குண்டான சீன்களை அதுவே வாங்கிக் கொள்ளும்  அப்படி என்றால் தான் ஒரு நல்ல கதை அமையும்.

அவங்க சொல்லாத ஒரு விஷயம் ஒன்னு இருக்கு அதேபோல ஒரு மொக்க கதை அதுக்கு தேவையான மொக்கை மொக்கையான கதைகளை வாங்கி சொருவி சொருகி நம்மளை எல்லாம் மொத்தமா சொருகி விட்ட படம் தான் ரெட்ரோ. இந்த மாதிரியான படங்களில் வில்லன் கேரக்டர்கள் என்பது சுத்தமாக தாங்காது இந்த படத்தில் வில்லன் ஜோவியல் ஜார்ஜ் என நாம் அனைவரும் நினைத்திருப்போம் ஆனால் படத்தில் வில்லனுக்கே மிகப்பெரிய குழப்பம் தான் பிரகாஷ்ராஜ் வில்லனா அல்லது ஜோவில் ஜார்ஜா அல்லது நாசரா அல்லது அவரது மகனா  என படத்தில் யார் வில்லன் என்பதை கண்டுபிடிப்பதற்கு முன்பாக படமே முடிந்து விட்டது. 

இதையும் படிங்க: சூர்யாவா இப்படியெல்லாம் பேசுறாரு..! இசை வெளியீட்டு விழாவில் நடிகர் பேசிய வீடியோ வைரல்..!

வில்லன் யார் என்பது தெரியாத படத்தில் வில்லன் கேரக்டர் எவ்வளவு ஸ்ட்ராங்காக இருக்கும் என்பதை நீங்கள் பார்த்துக் கொள்ளுங்கள். தூத்துக்குடியில் ஆரம்பித்த கதை எங்கெங்கோ செல்கிறது. குறிப்பாக தூத்துக்குடியில் இருக்கக்கூடிய அம்மாவை எதற்காக காசிக்குச் சென்று அடக்கம் செய்கிறார்கள் என்பது தெரியவில்லை. பின்பு அப்படியே திரும்பி பார்த்தால் படம் ஆப்பிரிக்காவிற்கு செல்கிறது. அங்கிருந்து எதற்காக அந்தமானுக்கு சென்றார்கள் என தெரியவில்லை. அப்படியே அந்தமானுக்கு சென்றாலும் வில்லன் என்ன செய்கிறார் என்று பார்த்தால் அடிமைகள் எல்லோரையும் வைத்து சண்டையிட்டுக் கொண்டிருக்கிறார்.

கிளாடியேட்டர் படத்தின் காட்சிகளைப் போல இரண்டு பிரிவுகளாக இருக்கும் நபர்களை வைத்து சண்டை போட வைக்கும் சைக்கோ வில்லனை காண்பித்து அவனது இடத்தில் கிணற்றில் இருக்கக்கூடிய முதலைகளையும் காண்பிக்கின்றனர். முதலைகள் இருக்கும் அந்த கிணற்றில் குழந்தைகள் முதல் பெரியவர்கள் வரை அனைவரையும் தள்ளிவிட்டு கொல்கின்றனர். படத்தில் காமெடிக்கு சிரிப்பு வரவில்லை என்றாலும் பரவாயில்லை சிரிப்பு தரப்பி என்று சொல்லி காண்பிக்கும் காட்சியில் நமக்கே சிரிப்பு வரவில்லை. உண்மையில் படத்தில் காமெடி ஆக இருந்தது சூர்யாவுக்கு கேங்ஸ்டர் கெட்டப் போடுகிறேன் என சொல்லி ரெடின் கிங்ஸ்லி கெட்டப் போட்டது பார்க்க நகைச்சுவையாக இருந்தது. 

 படத்தில் நிறைய விஷயங்களை எடுத்தாலும் அதனை வேண்டாம் என நிராகரித்து விட்டார்கள் என்பதைப் போல பிரகாஷ்ராஜ் வந்து சென்ற சீன்கள் இருந்தது. மேலும் கருணாகரன், சிங்கம் புலி, எதற்கு வந்தார்கள் என சுத்தமாகத் தெரியவில்லை. மொத்தத்தில் இந்த படம் எப்படி இருக்கு என பார்த்தீர்கள் என்றால், சூர்யாவின் ரெட்ரோ  படத்தை பார்த்துவிட்டு உண்மையில் இதற்கு முன்பு வெளிவந்த கங்குவா படமே நன்றாக உள்ளது எனக் கூறி வருகின்றனர்." என கூறினார்.

இதனை பார்த்து முதலில் வேதனை பட்ட இப்படத்தின் இயக்குனர் கார்த்திக் சுப்புராஜ், பின்பு மக்களின் ரெஸ்பான்ஸை பார்த்து மகிழ்ச்சியடைந்து, இந்த படத்தின் மூலமாக ஒரு விஷயம் கற்று கொண்டேன். சினிமாவை பொறுத்த வரையில் ஆன்லைன் ரிவியூக்களை நம்ப கூடாது என தெரிவித்தார். மேலும், தனது அடுத்த படத்தையும் நடிகர் சூர்யாவை வைத்து இயக்க இருப்பதாகவும் ஆனால் அவர் அப்படத்தை ஒத்துக்கொள்ள வேண்டும் எனவும் கூறினார். 

இப்படி இருக்க, தனது செல்ல பிள்ளையான இயக்குனர் கார்த்திக் சுப்புராஜின் ரெட்ரோ படத்தை பார்த்து பாராட்டி இருக்கிறார் சூப்பர் ஸ்டார் ரஜினிகாந்த். இதனை பற்றி தனது இன்ஸ்ட்டா மூலம் தெரிவித்த இயக்குனர், ரஜினி தன்னிடம் பேசுகையில், "ரெட்ரோ படத்தை பார்த்தேன். படக்குழுவினருடைய ஒட்டு மொத்த கடின உழைப்பும் அதில் தெரிகிறது. சூர்யாவின் நடிப்பு அட்டகாசமாக உள்ளது. மேலும், படத்தின் கடைசி 40 நிமிடங்கள் நான் நினைத்து பார்த்ததை விட அருமையாக இருந்தது. காட் ப்ளெஸ் யூ ஆள்" என கூறியுள்ளதாக கார்த்திக் சுப்பராஜ் அவரது இன்ஸ்டா பக்கத்தில் பதிவிட்டுள்ளார். 

தலைவர் வாயால் பாராட்டை பெற்ற பின்பு வானத்தில் பறப்பது போல இருப்பதாகவும் இக்காட்டான வேளையில் தன்னிடம் பேசியதற்காக ரொம்ப நன்றி தலைவா எனவும் பதிவிட்டுள்ளார். 

இதையும் படிங்க: ரெட்ரோவுக்கு கங்குவாவே மேல்.. சூர்யாவை பங்கமாக கலாய்த்த ப்ளூ சட்டை மாறன்..!