குடும்பத்தில் நடக்கும் எதார்த்த நிகழ்வுகளை கன கச்சிதமாக எடுத்து காண்பித்து இருக்கிறார் இயக்குனர். மணிகண்டனின் நடிப்பு இப்படத்தில் பயங்கரமாக இருந்தது .அதுமட்டுமல்லாமல் தனது அக்கா கணவரை வசைபாடுவதும், தாழ்த்தப்பட்ட சமூக பெண்ணை திருமணம் செய்வதால் உறவுகளும், குடும்பத்தில் இருப்பவர்களும் என்ன பேசுவார்கள் என்பதையும், வீட்டில் பையன் சம்பாரிக்கவில்லை என்றால் என்ன நடக்கும் என்பதையும் சிறப்பாக காண்பித்து இருப்பார் இயக்குநர்.

இப்படிப்பட்ட படத்தை, சினிமாகாரன் நிறுவன தயாரிப்பில், ராஜேஸ்வர் காளிசாமி இயக்கத்தில், கே.மணிகண்டன், சான்வே மேகானா, குரு சோமசுந்தரம், நிவேதிதா ராஜப்பன் ஆகியோரின் நடிப்பில் உருவானது. கடந்த ஜனவரி மாதம் அனைத்து திரையரங்குகளிலும் வெளிவந்த "குடும்பஸ்தன்" திரைப்படம் மக்களால் பெரிதும் கொண்டாடப்பட்டு வருகிறது. உலகளவில் தற்பொழுது வரை ரூ.35 கோடிக்கும் மேல் இப்படம் வசூல் செய்ததாக சொல்லப்படுகிறது. 

இதையும் படிங்க: "சினிமா கஷ்டம் கொடுத்தாலும் பணமும் விருதும் சேர்த்து கொடுக்கும்" - மணிகண்டன் ஓபன் டாக்..!

இந்த நிலையில், கடந்த பிப்ரவரி மாதம் இப்படம் ஓடிடி தளமான "ஜீ 5"யில் வெளியானது. பின் குடும்பஸ்தன் படத்தை 50 மில்லியனுக்கும் மேல் பார்வையாளர்கள் பார்த்து ரசித்துள்ளனர் என்றும் இந்த வெற்றியை கொண்டாடும் வகையில் ஓடிடி நிறுவனம் சார்பில் சமூக வலைதள பக்கத்தில் போஸ்ட் போட்டு அதிகாரபூர்வ அறிவிப்பை கொடுத்து இருந்தனர் படக்குழுவினர்.

மேலும், இப்படத்தில் மிகவும் அழகாக "சோறு தானே போட்டேன்" என கூறி தற்பொழுது அனைவரது மனதிலும் ட்ரெண்டிங்கில் நிற்கிறார் "குடும்பஸ்தன்" படத்தின் கதாநாயகியான சான்வி மேக்னா. இந்த படத்தினால் தற்பொழுது இவருக்கு நிறைய பட வாய்ப்புகள் குவிந்து வருகின்றன. இப்படி இருக்க, சமீபத்தில் தெலுங்கில் இவர் நடிப்பில் ஏ ஐ தொழில்நுட்ப பயன்பாட்டில் உருவாகி இருக்கும் "ரு..... ரு...." என்ற பாடல் வெளியாகி அனைவரது கவனத்தையும் ஈர்த்து வந்தது.

இந்த சூழலில், எப்பொழுதும் தனது இன்ஸ்ட்டா பதிவில் தனது அழகை வெளிப்படுத்தும் புகைப்படங்களை மட்டும் பதிவிடும் சான்வி, கொஞ்சம் வித்தியாசமாக மணிகண்டனை குறித்து பதிவிட்டு இருந்தார். அதில், "உங்களைப்போல திறமை வாய்ந்த நடிகரோடு பணிபுரிந்தது ஓர் அழகான அனுபவம். 'குடும்பஸ்தன்' படம் மூலம் அருமையான இணை நடிகர் மட்டுமன்றி சிறந்த நண்பரும் கிடைத்திருக்கிறார்" என்று பதிவிட்டு இருந்தார். 

அவரை போலவே குடும்பஸ்தன் படம் தான் எனது வாழ்க்கை. அதில் வருவது போன்ற அனைத்து சம்பவங்களும் எனது வாழ்விலும் அப்படியே நடந்து உள்ளது எனவும் இந்த நிலைமைக்கு நான் வருவேன் என எதிர்பார்த்ததால் தான் இன்று கதாநாயகனாக நிற்கிறேன் எனவும் கூறியிருக்கிறார் நடிகர் மணிகண்டன். 

இந்த சூழலில், ஏற்கனவே படத்தின் 50 மில்லியன் பார்வையாளர் வெற்றியை கேக் வெட்டி கொண்டாடிய படக்குழுவினர், மீண்டும் படத்தின் வெற்றியை கொண்டாடியுள்ளனர். அதன்படி, மக்களால் கொண்டாடப்பட்டு மாபெரும் அளவில் வெற்றியடைந்துள்ள குடும்பஸ்தன் திரைப்படம் 75வது நாளை கடந்து வெற்றிநடை போட்டு வருகிறது.. இந்நிலையில் இப்படத்தின் வெற்றியை படக்குழுவினர் கேக் வெட்டி கொண்டாடியுள்ளனர். மேலும், படத்தின் 75வது நாள் கொண்டாட்ட புகைப்படங்களை எக்ஸ் தளத்தில் வெளியிட்டு தங்களது மகிழ்ச்சியை பகிர்ந்துள்ளனர்.

இதையும் படிங்க: குடும்பஸ்தன் கதாநாயகி போட்ட இன்ஸ்டா பதிவு..! ஒரே வரியில் மணிகண்டனை சிக்கவைத்த சான்வி மேக்னா..!