தமிழ் சினிமாவில் தனது இனிமையான முகபாவனை, ஒளிவிடும் புன்னகை, தனித்துவமான நடிப்பு மற்றும் அழகான குரல் மூலம் ரசிகர்களின் மனதில் என்றும் நிலைத்திருப்பவர் நஸ்ரியா நஸிம். 2013-ஆம் ஆண்டு வெளியான 'திருமணம் என்னும் நிக்காஹ்' திரைப்படம் மூலம் தமிழ் ரசிகர்கள் மனதில் தனி இடம் பிடித்த நடிகை, தற்போது 11 வருடங்களுக்குப் பிறகு தமிழில் நேரடி முறையில் மீண்டும் நடிக்கவுள்ளார் என்பது ஒரு பெரும் மகிழ்ச்சியான செய்தியாகி உள்ளது.

நீண்ட காலமாக வதந்திகளாக இருந்த தகவலுக்கு தற்போது முற்றுப்புள்ளி வைத்துள்ள, நஸ்ரியா நடிக்கும் புதிய தமிழ் வெப் தொடர் பற்றிய அதிகாரப்பூர்வ அறிவிப்பு வெளியாகியுள்ளது. இந்த தொடர், பெயர் The Madras Mystery: Fall of a Superstar ஆகும். பிரபல டி ஸ்டுடியோஸ் தயாரிப்பில் சூர்யபிரதாப் இயக்கத்தில், ஏ.எல். விஜய் நடிப்பில் இத்தொடர் உருவாகிறது. இந்த கதையின் மையம் என பார்த்தால் இந்தியாவை உலுக்கிய லட்சுமிகாந்தன் கொலை வழக்கை அடிப்படையாகக் கொண்டு உருவாகும் திரில்லர்-டிராமா, இந்த தொடரில் நஸ்ரியாவுடன், நட்டி (நடராஜ்), சாந்தனு பாக்யராஜ், நாசர், ஒய்.ஜி. மகேந்திரன் போன்ற முக்கியமான நடிகர்களும் இணைந்து நடிக்கின்றனர். நஸ்ரியா கடந்த சில ஆண்டுகளாக திரைத்துறையில் வருகை தராமல் இருந்தாலும், மலையாளம் மற்றும் தெலுங்கில் சில முக்கிய படங்களில் தன்னுடைய நடிப்புத் திறமையை மீண்டும் நிரூபித்திருந்தார். அதன்படி 'சுந்தரனிகி' படத்தில் நானியுடன் ஜோடியாக நடித்தார். 'சூக்சுமதர்ஷினி' படம் அவருக்கு மலையாளத்தில் முக்கிய வெற்றியை கொடுத்தது.

இந்த இரண்டு படங்களுக்குப் பிறகு அவர் நடிக்கவிருக்கும் அடுத்த படம் குறித்து எந்த அறிவிப்பும் இல்லாமல் இருந்தது. அதனால் நஸ்ரியா ரசிகர்கள் ஆவலுடன் எதிர்பார்த்துக்கொண்டிருந்தார்கள். தனது திரும்பும் முயற்சிக்கு வெறும் வழக்கமான காதல் கதையை அல்லாது, ஒரு உண்மை சம்பவத்தை அடிப்படையாகக் கொண்ட, பட்ஜெட்டும், கதையும், ஆழமும்கொண்ட வெப் தொடரை தேர்ந்தெடுத்திருக்கிறார் நஸ்ரியா. இது ஒரு வித்யாசமான மைல்கல் என ரசிகர்கள் கொண்டாடுகிறார்கள். இதனை குறித்து நஸ்ரியா, ஒரு நேர்காணலில் பேசுகையில், "இந்த கதையின் மர்மம், மனித உணர்வுகள், சட்டத்தின் எதிர்மறை பிரிவுகள், புகழின் இருண்ட பக்கங்கள் போன்றவை எனக்குள் மிகுந்த சிந்தனையை உருவாக்கின. இதை செய்ய வேண்டுமென்ற எண்ணம் எனக்குள் நீண்ட நாட்களாக இருந்தது" என்றார். குறிப்பாக 1990களில் இந்தியாவின் திரையுலகை பெரும் அதிர்ச்சிக்கு உள்ளாக்கிய லட்சுமிகாந்தன் கொலை வழக்கு, இன்னும் முழுமையாகத் தீர்வடைந்த வழக்காகக் கருதப்படவில்லை.

இதையும் படிங்க: திரிஷாவை காப்பி அடித்த பிரபல நடிகை..! காலில் போட்ட கோலம்.. புகழ்ந்து தள்ளும் நெட்டிசன்கள்..!

இது போலியான புகழ், அரசியல், வெறுப்புகள் மற்றும் சாமான்யத்தின் மீது ஊடகங்கள் ஏற்படுத்தும் அழுத்தம் ஆகியவற்றின் கலவையாக இருந்தது. இந்த வழக்கை மையமாகக் கொண்டு, ஒரு புனைவும் உண்மையும் கலந்ததாக உருவாக்கப்படும் வெப் தொடர் என்றதும் ரசிகர்களின் எதிர்பார்ப்பு இருமடங்காக உயர்ந்துள்ளது. நஸ்ரியாவை ரசிகர்கள் கடைசியாக பார்த்த படம் 'திருமணம் என்னும் நிக்காஹ்'. அதன் பிறகு அவர் மலையாள நடிகர் பகத் பாசில்யை திருமணம் செய்து கொண்டு, சினிமாவிலிருந்து ஓரமாக இருந்தார். அதன் பின்னர் மலையாளம் மற்றும் தெலுங்கில் மட்டுமே சில தேர்ந்தெடுக்கப்பட்ட வேடங்களில் நடித்து வந்தார்.

இந்த நிலையில், 11 வருடங்களுக்கு பிறகு அவர் தமிழில் நடிக்க வருவது, அதுவும் துணிச்சலான ஒரு கதையில், ரசிகர்களிடம் பெரும் எதிர்பார்ப்பை ஏற்படுத்தியுள்ளது. மொத்தத்தில் நஸ்ரியாவின் ரீ-என்ட்ரி, ஒரு சாதாரண நடிகையின் வருகை அல்ல. இது, ஒரு புதிய பரிணாமத்தை, ஒரு பெண் நட்சத்திரம் எவ்வாறு சினிமாவின் வடிவங்களை மாற்றிக் கொள்ள முடியும் என்பதற்கான உதாரணமாக பார்க்கப்படுகிறது.

இதையும் படிங்க: நடித்தால் இவருடன் தான் நடிப்பேன்... தனது ஆசையை வெளிப்படுத்தி அடம்பிடிக்கும் நடிகை ரித்திகா..!