தமிழ் சினிமாவில் குணச்சித்திர நடிகராக வலம் வந்த நடிகர் விஜய் சேதுபதி துணை நடிகராக மாறி, கதாநாயகனாக அவதாரம் எடுத்து  தற்பொழுது வில்லனாக கலக்கி வருகிறார். நடிகர் ரஜினிகாந்தின் 'பேட்ட' திரைப்படத்தில்  வில்லன் என்றால் இப்படி இருக்க வேண்டும் என்று சொல்லக்கூடிய அளவிற்கு மாறி இருப்பார். 

அதேபோல் நடிகர் விஜயின்  'மாஸ்டர்' திரைப்படத்தில் 'பவானி' என்கின்ற கேரக்டரில் மோசமான வில்லனாகவே மாறி அனைவரையும்  கதி கலங்க வைத்தார். தமிழகத்தை கடந்து பான் இந்தியா ஸ்டார் ஆக மாறி, இயக்குனர் அட்லி இயக்கத்தில் ஷாருக்கான், தீபிகா படுகோனே, நயன்தாரா ஆகியோரின் நடிப்பில் வெளியான 'ஜவான்' திரைப்படத்தில் 'காளி' என்கின்ற கேரக்டரில் மாஸ் வில்லனாக நடித்திருப்பார் விஜய் சேதுபதி. இப்படி நடிப்பில் கலக்கல் மன்னனாக இருக்கு மக்கள் செல்வன் விஜய் சேதுபதி தமிழ்நாட்டில் உள்ள ராஜபாளையத்தில் பிறந்தவர், இவர் தனது வாழ்க்கையில் கணக்காளராக வேலை செய்ய தொடங்கினார். 

இதையும் படிங்க: அஜித்தின் அடுத்த படத்தில் ஹீரோயினி யார் தெரியுமா..! கண்டிப்பாக பிளாக்பஸ்டர் தான் போல..!

அந்த வேலை அவருக்கு பிடிக்காமல் போக, ஒருவர் ஸ்கிரீனில் அவருடைய முகம் நன்றாக இருக்கிறது என்று சொல்ல, கூத்து பட்டறைக்கு சென்று  கணக்காளராக பணிபுரிந்து பல திரை பிரபலங்களுடன் தன்னை இணைத்துக் கொண்டு சினிமா துறையில் மேலே வந்தவர். அந்த வகையில் 2010 ஆம் ஆண்டு "தென்மேற்கு பருவக்காற்று" என்ற படத்தில் நடித்தார். இதனை அடுத்து 2012ல் 'பீட்சா' என்கின்ற படத்தில் தனது முழு திறமையும் காண்பித்து பாதி ரசிகர்களின் மனதை கவர்ந்தார். பின்பு இவரது நடிப்பில் வெளியான 'நடுவுல கொஞ்சம் பக்கத்த காணோம்' என்ற படத்தில் நடித்த விஜய் சேதுபதியை மக்கள் கதாநாயகனாக ஏற்றுக் கொள்ளத் தொடங்கினர். 

 இப்படிப்பட்ட விஜய் சேதுபதி இதுவரை, எம் குமரன் சன் ஆப் மகாலட்சுமி, புதுப்பேட்டை, வெண்ணிலா கபடி குழு, தென்மேற்கு பருவக்காற்று, சுந்தரபாண்டியன், பீட்சா, நடுவுல கொஞ்சம் பக்கத்த காணோம், சூது கவ்வும், இதற்குத்தானே ஆசைப்பட்டாய் பாலகுமாரா, வன்மம், ரம்மி, பண்ணை யாரும் பத்மினியும், கதை திரைக்கதை வசனம் இயக்கம், நானும் ரவுடிதான், புறம்போக்கு, ஆரஞ்சு மிட்டாய், றெக்க, ஆண்டவன் கட்டளை, தர்மதுரை, காதலும் கடந்து போகும், சேதுபதி, இறைவி, கதாநாயகன், கவன், விக்ரம் வேதா, புரியாத புதிர், கருப்பன், 96, மேற்கு தொடர்ச்சி மலை, இமைக்கா நொடிகள்,

ஜூங்கா, சீதக்காதி, செக்கச் சிவந்த வானம், ஒரு நல்ல நாள் பாத்து சொல்றேன், சிந்துபாத், சாயிரா நரசிம்மரெட்டி, சூப்பர் டீலக்ஸ், பேட்ட, சங்கத் தமிழன், தீர, ஓ மை கடவுளே, கணவன் பெயர் ரண சிங்கம், துக்ளக் தர்பார், குட்டி ஸ்டோரி, அனபெல் சேதுபதி, நவரசா, மாஸ்டர், முகில், லாபம், மாமனிதன், டிஎஸ்பி, காத்து வாக்குல ரெண்டு காதல், கடைசி விவசாயி, விக்ரம், விடுதலை, ஜவான், யாதும் ஊரே யாவரும் கேளிர், மைக்கேல், விடுதலை டு, மேரி கிறிஸ்மஸ், மகாராஜா, வசந்தகுமாரன் உள்ளிட்ட பல படங்களில் நடித்து உள்ளார்.

இப்படி இருக்க, விஜய் சேதுபதியின் மகனான சூர்யா தற்பொழுது பிரேவ் மேன் பிக்சர்ஸ் தயாரிப்பில் சண்டை இயக்குனர் அனல் அரசு இயக்கத்தில் சாம் சி.எஸ் இசையமைப்பில் 'ஃபீனிக்ஸ்' என்ற படத்தில் கதாநாயகனாக அறிமுகமாகி இருக்கிறார். இப்படத்தில் நடிகை வரலட்சுமி சரத்குமார் மற்றும் ஹரிஷ் உத்தமன் ஆகியோர் முக்கிய கதாப்பாத்திரத்தில் நடித்துள்ளனர். இப்படம் வரும் ஜூலை மாதம் 4-ம் தேதி அனைத்து திரையரங்குகளிலும் வெளியாக உள்ளது. இந்நிலையில் இப்படத்தின் இசை மற்றும் டிரெய்லர் வெளியீட்டு விழா இன்று மாலை நடைப்பெறுவதால் அங்கு இப்படத்தின் டிரெய்லர் மாலை 5 மணிக்கு வெளியாக இருக்கிறது. 

மேலும் இப்படத்தின் டிரெய்லரை இயக்குநர் அட்லீ மற்றும் நடிகர் கார்த்தி அவர்களது எக்ஸ் தளத்தில் இன்று வெளியிடவுள்ளனர்.

இதையும் படிங்க: தேவயானியை பிரிய காரணம் எனது மனைவி தான்..! மனம் திறந்த நடிகர் நகுல்..!