தமிழ் திரையுலகில் குழந்தை நட்சத்திரமாக தனது பயணத்தை தொடங்கி, இன்று சமூக வலைதளங்களில் தனக்கென தனி ரசிகர் வட்டத்தை உருவாக்கியிருக்கும் நடிகைகளில் ஒருவர் ரவீனா தாஹா.
சிறு வயதிலேயே கேமராவை எதிர்கொண்டு நடிப்பில் இயல்பான திறமையை வெளிப்படுத்திய அவர், காலப்போக்கில் சினிமா மட்டுமல்லாது சின்னத்திரை, ரியாலிட்டி ஷோக்கள் மற்றும் சமூக வலைதளங்கள் என பல்வேறு தளங்களில் தனது இடத்தை உறுதியாக நிலைநிறுத்திக் கொண்டுள்ளார்.
இதையும் படிங்க: விஜய் நடிக்கமாட்டார்.. சிங்கப்பெண்ணே திட்டத்தில் ஒரு ரகசியம் இருக்கு..!! அர்ச்சனா கல்பாத்தி ஓபன் டாக்..!
திரையுலகில் குழந்தை நட்சத்திரமாக அறிமுகமான ரவீனா, முன்னணி நடிகர்களுடன் நடித்த பல திரைப்படங்களில் தனது சிறு வயதிலேயே கவனத்தை ஈர்த்தார்.
இயல்பான முகபாவங்கள் மற்றும் எளிமையான நடிப்பால் ரசிகர்களின் மனதில் இடம்பிடித்த அவர், பின்னர் வளர்ந்த பிறகு சின்னத்திரை பக்கம் தனது கவனத்தை மாற்றினார். அந்த மாற்றம் அவரது திரைப்பயணத்தில் ஒரு புதிய திருப்பமாக அமைந்தது.
சின்னத்திரையில் குறிப்பாக விஜய் தொலைக்காட்சியில் ஒளிபரப்பான மௌன ராகம் தொடரில் முக்கிய கதாபாத்திரத்தில் நடித்ததன் மூலம் அவர் பரவலான புகழைப் பெற்றார்.
குடும்ப உறவுகளின் உணர்ச்சிகளை மையமாகக் கொண்ட அந்த தொடரில் அவரது நடிப்பு, பார்வையாளர்களிடையே நல்ல வரவேற்பைப் பெற்றது. குறிப்பாக இளம் ரசிகர்கள் மத்தியில் அவரது கதாபாத்திரம் மிகவும் பேசப்பட்டது.
அதனைத் தொடர்ந்து சிந்து பைரவி தொடரில் நடிக்க கமிட்டான ரவீனா, அந்த சீரியலில் முக்கிய கதாபாத்திரத்தில் நடிக்க இருந்தார். ஆனால் சில காரணங்களால் அந்த தொடரிலிருந்து அவர் விலகியதாக தகவல்கள் வெளியாகின.
இதையும் படிங்க: காதல் + திகில் காம்போவில் புதிய முயற்சி..!! குரு சோமசுந்தரம் நடிக்கும் ‘பாரிஸ் கபே’ பட டீசர் வெளியீடு..!