தமிழ் சினிமாவில் குடும்ப உணர்வும், வாழ்க்கையின் எளிமையான உண்மை நிலையையும் மிகவும் ஆழமாக காண்பிப்பதில் வல்லவர் என்றால் அவர் தான் பிரபல இயக்குநரான பாண்டிராஜ். இவர் பசங்க, மெரினா, வம்சம், கடைக்குட்டி சிங்கம், நம்ம வீட்டு பிள்ளை, எதற்கும் துணிந்தவன் உள்ளிட்ட படங்களை இயக்கி இருக்கிறார், இவர் தற்போது தனது புதிய முயற்சியாக விஜய் சேதுபதி நடிப்பில் உருவாகியுள்ள ‘தலைவன் தலைவி’ திரைப்படத்தை இயக்கியுள்ளார். இந்த படம், விஜய் சேதுபதியின் 52-வது திரைப்படமாக அமைந்துள்ளதுடன், அவரின் நீண்ட நாட்களுக்குப் பிறகு வெளிவரும் தீவிர உணர்ச்சி கலந்து காணக் கூடிய குடும்ப படம் எனக் கூறப்படுகிறது.

இப்படத்தில் முக்கிய கதாநாயகியாக தேசிய விருது பெற்ற நடிகை நித்யா மேனன் நடித்துள்ளார். அதோடு நகைச்சுவை நடிகர் யோகி பாபு, மற்றும் பல திறமையான நடிகர்கள் இப்படத்தில் இணைந்து நடித்துள்ளனர். மேலும், தமிழ் சினிமாவில் தரமான, குடும்ப ஆடியன்ஸை கவரும் வகையில் படங்களைத் தொடர்ந்து வழங்கி வரும் சத்யஜோதி பிலிம்ஸ் நிறுவனம் இந்த படத்தை தயாரித்துள்ளது. இந்த நிறுவனத்தினரின் தயாரிப்பில் உருவாகியிருக்கும் இப்படத்திற்கு பிரபல இசையமைப்பாளர் சந்தோஷ் நாராயணன் இசையமைத்துள்ளார். அவரது இசை, ஏற்கனவே வெளியான பாடல்கள் மற்றும் பாக்ஸ் ஆஃபிஸில் கலக்கும் திறனுடைய பைரல் ப்ரோமோக்களால் ரசிகர்கள் மத்தியில் பெரும் வரவேற்பைப் பெற்றுள்ளது இப்படம். சமீபத்தில் வெளியாகிய 'தலைவன் தலைவி' படத்தின் டிரெய்லர், பார்வையாளர்களிடையே மிகுந்த எதிர்பார்ப்பை ஏற்படுத்தியுள்ளது. டிரெய்லரில் விஜய் சேதுபதியின் மென்மையான மற்றும் அதிரடியான கதாப்பாத்திர பரிமாற்றம், நித்யா மேனனின் உணர்ச்சி மிகுந்த நடிப்பு மற்றும் யோகி பாபுவின் நகைச்சுவை சீன்கள் ஆகியவை ரசிகர்களை வெகுவாக கவர்ந்துள்ளன.

சமூக வலைத்தளங்களில் டிரெய்லர் நிமிடங்களில் வைரலாகி, சினிமா ரசிகர்கள் மத்தியில் திரைப்படத்தின் மீதான ஆவலை அதிகரித்துள்ளது. மேலும், படத்தின் கதைக்களம் முழுவதுமாக வெளிப்படையாக தெரியவில்லையென்றாலும், இது குடும்ப பாசமும், பெண்கள் சமூகத்தில் எதிர்கொள்ளும் சவால்களும் மையமாக உள்ள ஒரு கதை எனக் கூறப்படுகிறது. இப்படத்தில், விஜய் சேதுபதி மற்றும் நித்யா மேனன் ஜோடியாக பல உணர்ச்சிப்பூர்வமான காட்சிகள் இடம்பெற்று இருப்பதாக படக்குழு அறிவித்துள்ளது.

இதையும் படிங்க: எனக்கும் இயக்குநருக்கும் நடந்த சண்டை இதுதான்..! விழாவில் போட்டுடைத்த மக்கள் செல்வன்..!

இந்தப் படம் ஒரு குடும்பத்தில் தலைவன் மற்றும் தலைவியின் பங்குகள் எப்படி நிலைபெறுகின்றன, அது சமூகவியல் அடிப்படையில் எப்படி தாக்கத்தை ஏற்படுத்துகிறது என்பதையும் காட்டும் என எதிர்பார்க்கப்படுகிறது. இப்படி இருக்க, இந்திய தணிக்கை குழு, 'தலைவன் தலைவி' படத்திற்கு U/A சான்றிதழ் வழங்கியுள்ளது. படம் பிள்ளைகள் உடன் குடும்பத்தோடும் பார்க்க தகுந்தது என உறுதிபடுத்தப்பட்டுள்ளது. மேலும், படம் எந்தவித ஆபாசத்தையும், வன்முறையையும் உள்ளடக்கியதல்ல என தெரிவிக்கப்பட்டுள்ளது. இது, பாண்டிராஜ் இயக்கும் படங்களில் வழக்கமான குடும்பத்தோடு பார்ப்பதற்கேற்ற தன்மை தொடர்ச்சியாக இருப்பதை உறுதி செய்கிறது. ஆகவே 'தலைவன் தலைவி' திரைப்படம் ஜூலை 25 அன்று உலகம் முழுவதும் தமிழ் மொழியில் திரையரங்குகளில் வெளியிடப்பட உள்ளது. படம் 2 மணி நேரம் 20 நிமிடங்களாக உருவாக்கப்பட்டுள்ளது. இப்போது படத்தின் ப்ரோமோஷன் பணிகள் தீவிரமாக நடைபெற்று வருகின்றன. விஜய் சேதுபதி, நித்யா மேனன், யோகி பாபு உள்ளிட்டவர்கள் பங்கேற்கும் பத்திரிகையாளர் சந்திப்புகள், விஜய்சேதுபதியின் ரசிகர்களை சந்திக்கும் நிகழ்ச்சிகள், சிறப்பு பாடல் வெளியீடுகள், மற்றும் டிவி நிகழ்ச்சிகள் போன்றவை தொடர்ச்சியாக நடைபெற்று வருகின்றன.

படக்குழு, தமிழ் மாநிலம் முழுவதும் விஜய் சேதுபதி ரசிகர்களை கவரும் வகையில் பிரமாண்ட விளம்பரங்களை மேற்கொண்டு வருகிறது. மொத்தமாக, குடும்பத்தை மையமாகக் கொண்ட, சமூகத்தையும் குடும்ப வாழ்க்கையையும் குறித்து பேசும் இந்த திரைப்படம் ‘தலைவன் தலைவி’ ரசிகர்களுக்கு புது அனுபவம் அளிக்கும் என எதிர்பார்க்கப்படுகிறது.
 

இதையும் படிங்க:  "மாரீசன்" படத்துடன் நேரடியாக மோதும் "தலைவன் தலைவி"..! எதிர்பார்ப்பை எகிற வைப்பதாக ரசிகர்கள் பேச்சு..!