கென் கருணாஸின் முதல் இயக்குநர் முயற்சியான 'யூத்' திரைப்படத்தின் பிரீ-ரிலீஸ் நிகழ்ச்சி தமிழ் சினிமாவில் மிகுந்த உணர்ச்சி மிகுந்த தருணங்களில் ஒன்றாக அமைந்தது. கருணாஸின் மகனான கென் கருணாஸ் இயக்கி, தானே முன்னணி கதாபாத்திரத்தில் நடித்திருக்கும் இந்தப் படம், பள்ளி கால இளமை, காதல், நட்பு ஆகியவற்றை மையமாகக் கொண்ட ஒரு காமெடி-டிராமா ஆகும்.

ஜி.வி. பிரகாஷ் குமார் இசையமைத்திருக்கும் இந்தப் படம் மார்ச் 19 அன்று திரையரங்குகளில் வெளியாகவுள்ளது. இந்தப் படத்தின் பிரீ-ரிலீஸ் நிகழ்ச்சி சமீபத்தில் நடைபெற்றபோது, மேடையில் நடிகர் தனுஷ் கலந்து கொண்டிருந்தார். தனுஷ், கென் கருணாஸுக்கு மிக முக்கியமான ஆதரவாளர்களில் ஒருவர் என்பது அனைவரும் அறிந்ததே. 'அசுரன்' படத்தில் கென் கருணாஸ் தனுஷின் மகனாக நடித்திருந்தார்.

அதன் பிறகு 'வாத்தி', 'விடுதலை 2' போன்ற படங்களிலும் அவர் தனுஷுடன் இணைந்து பணியாற்றியிருக்கிறார். இதனால், கென்னின் முதல் இயக்குநர் படத்தின் நிகழ்ச்சியில் நடிகர் தனுஷ் கலந்து கொண்டார். அப்போது பேசிய தனுஷ், கென் தனது மகன் போல என நெகிழ்ச்சியுடன் பேசினார். பிறகு கென் குறித்து கலாய்த்து பேசி இருந்தார் தனுஷ்.

இதையும் படிங்க: யூத் பட ப்ரீ ரிலீஸ் நிகழ்ச்சி... தனுஷ் முன்பு மேடையிலேயே கதறி அழுத கிரேஸ் கருணாஸ்..!!

நம்ம கிட்ட காடு இருந்தா எடுத்துக்குவாங்க, ரூவா இருந்தா புடுங்கிருவாங்க, ஆனா படிப்ப மட்டும் நம்மகிட்ட இருந்து எடுத்துக்கவே முடியாது சிதம்பரம்னு சொன்னேன். ஆனா அதைத் தவிர நீ எல்லாமே பண்ணிருக்க என்று தெரிவித்தார். வர்ற ஃபர்ஸ்ட் போஸ்டர்லயே ஒரு பைக்ல 3 பொண்ணுங்க கூட உக்காந்திருக்க என்று கிண்டலடித்தார். 

இதையும் படிங்க: ஒருபக்கம் படத்தில் பிஸி.. மறுபக்கம் ரசிகர்கள் குஷி..! குழந்தைகளை துள்ளிக்குதிக்க வைத்த நடிகர் தனுஷ்..!