திமுக நாடாளுமன்ற உறுப்பினர் கனிமொழி, திருநெல்வேலி மாவட்டம் வள்ளியூர் அருகே உள்ள கண்ணநல்லூரில் நடைபெற்ற மோதலில் ஊராட்சி மன்றத் தலைவர் திரு. மகாராஜன் கொலை செய்யப்பட்ட சம்பவத்தைக் கடுமையாகக் கண்டித்துள்ளார்.குடிநீர் பிரச்சினையைத் தீர்ப்பதற்காக உள்ளூர் மக்களுடன் பேச்சுவார்த்தையில் ஈடுபட்டிருந்தபோது, மர்ம நபர் ஒருவரால் கல்லால் தாக்கப்பட்டு மகாராஜன் உயிரிழந்ததாக அவர் தெரிவித்தார்.

இந்தச் செய்தி தமிழ்நாடு முழுவதும் அதிர்ச்சியை ஏற்படுத்தியுள்ளதாகக் குறிப்பிட்ட கனிமொழி, மக்கள் பிரதிநிதி ஒருவர் இப்படிக் கொல்லப்பட்டு கொலையாளிகள் தப்பிச் செல்லும் அளவுக்கு மாநிலத்தில் சட்டம் ஒழுங்கு முற்றிலும் சீர்குலைந்துள்ளதாகக் கூறினார்.குழந்தைகள், பெண்கள் உள்ளிட்ட சாதாரண மக்களுக்கும், மக்கள் பிரதிநிதிகளுக்கும் பாதுகாப்பே இல்லாத நிலையை தற்போதைய ஆட்சி உருவாக்கியுள்ளதாக அவர் குற்றம் சாட்டினார்.

அடிப்படைத் தேவையான குடிநீர் பிரச்சினைக்காக மக்கள் போராடிக் கொண்டிருக்கும்போது, அவர்களுடன் உரையாடிய ஊராட்சித் தலைவரே கொலை செய்யப்பட்டது மிகவும் வருத்தமளிப்பதாகவும், இது ஆட்சியின் தோல்வியை வெளிப்படுத்துவதாகவும் கனிமொழி வலியுறுத்தினார்.

இதையும் படிங்க: 15 நாட்களுக்குள் முடிக்க வேண்டும்! உதயநிதி, கனிமொழி, சபரீசன் கையில் முக்கிய தேர்வு! மு.க.ஸ்டாலின் கொடுத்த டாஸ்க்!

இந்தக் கொலைக்குப் பின்னால் உள்ள உண்மையான காரணங்களை முழுமையாகவும் விரிவாகவும் விசாரித்து, குற்றவாளிகளை உடனடியாகக் கைது செய்து சட்டத்தின் முன் நிறுத்த வேண்டும் என அவர் அரசை வலியுறுத்தினார். சட்டம் ஒழுங்கை மீட்டெடுத்து, மக்களுக்கு பாதுகாப்பான சூழலை உருவாக்க உடனடி நடவடிக்கைகள் தேவை என்றும் கனிமொழி வலியுறுத்தினார்.

இதையும் படிங்க: பேருந்தில் இருந்து தள்ளப்பட்ட மாணவிகள்..! வெட்கி தலை குனியனும்..!! கனிமொழி MP கண்டனம்.!