ஜம்மு காஷ்மீரின் பஹல்காமில் நடந்த பயங்கரவாத தாக்குதலுக்குப் பிறகு இந்தியாவின் கடுமையான நடவடிக்கையால் பாகிஸ்தானின் விரக்தி அதிகரித்து வருகிறது. இதற்கிடையில், இரு நாடுகளுக்கும் இடையே அதிகரித்து வரும் பதற்றத்திற்கு மத்தியில் இந்தியாவின் அணுகுமுறையைக் கருத்தில் கொண்டு அமெரிக்க அதிபர் டொனால்ட் டிரம்ப் தனது எதிர்வினையை தெரிவித்துள்ளார்.

பஹல்காம் பயங்கரவாதத் தாக்குதல் தொடர்பாக இந்தியாவிற்கும், பாகிஸ்தானுக்கும் இடையிலான அமைதியின்மை குறித்துப் பேசிய டிரம்ப், ''இரு நாடுகளுக்கும் இடையே எப்போதும் பதட்டங்கள் இருந்து வருகிறது. அதை அவர்கள் தங்களுக்குள்  'ஒரு வழி அல்லது வேறுயில்"  தீர்த்துக் கொள்வார்கள் என்றும் கூறினார்.

"நான் இந்தியாவுடன் மிகவும் நெருக்கமாக இருக்கிறேன். உங்களுக்குத் தெரியும். நான் பாகிஸ்தானுடனும் மிகவும் நெருக்கமாக இருக்கிறேன். அவர்கள் காஷ்மீரில் 1,000 ஆண்டுகளாகப் போராடி வருகின்றனர். காஷ்மீர் 1,000 ஆண்டுகளாக நடந்து வருகிறது. அநேகமாக அதை விட நீண்ட காலம் இருக்கலாம். பஹல்காம் தாக்குதல் மோசமான ஒன்று. 26க்கும் மேற்பட்டோர் உயிரிழ்ந்துள்ளனர்” என்று டிரம்ப் ரோம் செல்லும் வழியில் ஏர்ஃபோர்ஸ் ஒன்னில் செய்தியாளர்களுடன் ஒரு பத்திரிகையாளர் சந்திப்பின் போது கூறினார். 

இதையும் படிங்க: போப் பிரான்சிஸ்க்கு இறுதி அஞ்சலி செலுத்திய திரவுபதி முர்மு...!

பஹல்காம் பயங்கரவாதத் தாக்குதலில் 26 பொதுமக்கள் கொல்லப்பட்டதைத் தொடர்ந்து இந்தியாவிற்கும் பாகிஸ்தானுக்கும் இடையே புதிய பதட்டங்கள் வெடித்தன. இந்தத் தாக்குதல் குறித்து இரு நாடுகளின் தலைவர்களிடமும் பேசுவீர்களா என்று கேட்டபோது, ​​டிரம்ப் கூறினார், “அந்த எல்லையில் 1,500 ஆண்டுகளாக பதட்டங்கள் இருந்து வருகின்றன. எனவே உங்களுக்குத் தெரியும். அது அப்படியேதான் இருக்கிறது. ஆனால் அவர்கள் அதை ஒரு வழியிலோ அல்லது வேறு வழியிலோ கண்டுபிடித்துவிடுவார்கள். நான் உறுதியாக நம்புகிறேன்... இரு தலைவர்களையும் நான் அறிவேன். பாகிஸ்தானுக்கும் இந்தியாவிற்கும் இடையே பெரும் பதற்றம் நிலவுகிறது. ஆனால் எப்போதும் இருந்து வருகிறது” எனத் தெரிவித்தார்.

தாக்குதல் நடந்த சில மணி நேரங்களுக்குப் பிறகு தனது முதல் எதிர்வினைகளில், பிரதமர் நரேந்திர மோடியின் “நெருங்கிய நண்பர்” என்று அடிக்கடி தன்னை அழைத்துக் கொள்ளும் டிரம்ப், “காஷ்மீரில் இருந்து வரும் ஆழ்ந்த கவலையளிக்கும் செய்தி. பயங்கரவாதத்திற்கு எதிராக அமெரிக்கா இந்தியாவுடன் உறுதியாக நிற்கிறது. இழந்தவர்களின் ஆன்மாக்களுக்காகவும், காயமடைந்தவர்கள் மீண்டு வரவும் நாங்கள் பிரார்த்திக்கிறோம். பிரதமர் மோடிக்கும் இந்திய மக்களுக்கும் எங்கள் முழு ஆதரவும் ஆழ்ந்த அனுதாபங்களும் உள்ளன. எங்கள் இதயங்கள் உங்கள் அனைவருடனும் உள்ளன” என்று தெரிவித்து இருந்தார்.

ஜம்மு காஷ்மீரின் பஹல்காமில் செவ்வாய்க்கிழமை பயங்கரவாதிகள் துப்பாக்கிச் சூடு நடத்தினர். இதில் 26 பேர் கொல்லப்பட்டனர். பெரும்பாலும் சுற்றுலாப் பயணிகள். 2019 புல்வாமா தாக்குதலுக்குப் பிறகு பள்ளத்தாக்கில் நடந்த மிக மோசமான தாக்குதலில் இது நிகழ்ந்தது. தடைசெய்யப்பட்ட பாகிஸ்தானை தளமாகக் கொண்ட லஷ்கர்-இ-தொய்பாவின் (LeT) பிரதிநிதியான எதிர்ப்பு முன்னணி (TRF), இந்தத் தாக்குதலுக்குப் பொறுப்பேற்றுள்ளது.

இதையும் படிங்க: வாடிகனில் போப் பிரான்சிஸ் இறுதி ஊர்வலம்..! இந்திய ஜனாதிபதி திரவுபதி முர்மு பங்கேற்பு..!