இந்திய திரையுலகில் தற்போது பேசப்படும் முக்கியமான பேச்சு என்றால்அது நடிகை சோனம் பஜ்வாவின் நேர்மையான பேச்சு தான். தனது அழகு, நடிப்பு, ஸ்டைல் ஆகியவற்றால் ரசிகர்களின் இதயத்தில் இடம்பிடித்திருக்கும் இவர், சமீபத்திய நேர்காணலில் “நெருக்கக் காட்சிகளில் நடிக்க மறுத்ததால் தான் பல பாலிவுட் படங்களை இழந்தேன்” என்று வெளிப்படையாக கூறியுள்ளார். இப்படி இருக்க பஞ்சாப் மாநிலத்தைச் சேர்ந்த சோனம் பஜ்வா முதலில் மாடலிங் உலகில் தன் பயணத்தைத் தொடங்கினார்.

2012-ம் ஆண்டு “Femina Miss India” போட்டியில் பங்கேற்றதன் மூலம் திரையுலகில் அவருக்கு வாய்ப்புகள் கிடைத்தன. அதன்பின் அவர் பஞ்சாபி, தமிழ், தெலுங்கு, ஹிந்தி என பல மொழிப் படங்களில் நடித்துள்ளார். தமிழில் அவர் “கத்தி சண்டை” மற்றும் “பாபு பங்காரம்” போன்ற படங்களின் மூலம் ரசிகர்களிடம் பிரபலமானார். பாலிவுட்டிலும் தனது தனித்துவமான நடிப்பு, அழகான தோற்றம், மற்றும் மரியாதைமிகு நடத்தை காரணமாக வலுவான இடத்தை பிடித்துள்ளார். குறிப்பாக சோனம் தற்போது நடித்து முடித்திருக்கும் புதிய பாலிவுட் படம் “ஏக் தீவானே கி தீவானியாத்”, வருகிற அக்டோபர் 21-ம் தேதி வெளியாகவுள்ளது. இந்த படம் ஒரு ரொமான்டிக் த்ரில்லர், இதில் சோனம் பஜ்வா முக்கிய கதாபாத்திரத்தில் நடித்துள்ளார். இந்த படத்தின் டிரெய்லர் வெளிவந்தவுடன், அவரது நடிப்பு மற்றும் உணர்ச்சிப் பூர்வமான காட்சிகள் ரசிகர்களிடம் நல்ல வரவேற்பைப் பெற்றுள்ளன. தற்போது அவர் படம் குறித்து பல நகரங்களில் புரமோஷன் பணிகளில் பிஸியாக ஈடுபட்டு வருகிறார்.

இந்த படத்தின் பத்திரிகையாளர் சந்திப்பின் போது, சோனம் பஜ்வாவிடம் “நீங்கள் ஏன் பல பாலிவுட் படங்களை மறுத்தீர்கள்?” என கேட்டனர். அதற்கு அவர் மிக நேர்மையாக பதிலளித்தார். அதில்,  “பாலிவுட்டில் பல பெரிய இயக்குநர்கள் என்னை அனுகியிருந்தார்கள். ஆனால் சில படங்களில் நெருக்கமான காட்சிகள், முத்தக் காட்சிகள் இருந்தன. அப்போது நான் அந்தப் படங்களை ஏற்கவில்லை. காரணம், நான் பஞ்சாப் மாநிலத்தைச் சேர்ந்தவள். என் மக்கள், என் குடும்பம் இதுபோன்ற காட்சிகளை எப்படி பார்க்கப்போகிறார்கள் என்று நான் பயந்தேன். சில நேரங்களில் திரைக்கதையில் அந்தக் காட்சிகள் தேவையாக இருக்கலாம். ஆனால் எனது மனம் அதற்கு தயார் இல்லை. ஒரு நடிகையாக நான் அந்த அளவிற்கு தைரியமாக இருக்கவில்லை. சினிமா ஒரு கலை. ஆனால் அதை அனைவரும் அதே பார்வையில் பார்க்க முடியாது.

இதையும் படிங்க: இன்றைக்கு ஹரோயினாக இருக்க காரணம் அந்த போட்டோ தான்..! நடிகை மாளவிகா மனோஜ் ஓபன் டாக்..!

என் பெற்றோர்கள், உறவினர்கள், நண்பர்கள் என  இவர்களுக்கு எல்லாம் நான் திரையில் என்ன செய்கிறேன் என்பதைப் புரியச் சொல்ல வேண்டும் என்பதற்கே பயந்தேன். அந்தக் காலத்தில் நான் இளம் வயதில் இருந்தேன். எனவே, முத்தக் காட்சிகள் அல்லது நெருக்கமான காட்சிகளில் நடிக்க முடியாது என முடிவு செய்தேன்” என்றார். பின்பு பலரும் அவரிடம், “அந்த முடிவால் உங்களின் கெரியர் பாதிக்கப்பட்டதா?” என்று கேட்க, அவர் சிரித்தபடி,  “ஆம், சில வாய்ப்புகளை நான் இழந்தேன் என்பது உண்மை. ஆனால் அதே நேரத்தில், நான் என்னை இழக்கவில்லை. நான் எனது மதிப்புகள் மற்றும் நம்பிக்கைகளை காப்பாற்றினேன். நான் ஏற்காத அந்தப் படங்களிலிருந்து சில பெரிய ஹிட் ஆனது எனக்கு தெரியும். ஆனால் நான் எதையும் வருத்தப்படவில்லை. அந்த நேரத்தில் எனது மனம் சொன்னது சரியானது என்று இன்னும் நம்புகிறேன். என் பெற்றோர் என்னை எந்த முடிவையும் எடுக்க அனுமதித்தார்கள். ‘நீ உனக்கு நிம்மதியாக இருக்கும் முடிவை எடு’ என்று கூறினர்.

அதனால் தான் இன்று நான் என் வாழ்க்கையில் அமைதியாக இருக்கிறேன். பலரும், ‘நீ ஏன் அந்தக் காட்சிகளை செய்யவில்லை?’ என்று கேட்கின்றனர். நான் ஒரு நடிகை என்பதற்காக என் உள்ளுணர்வை மீற முடியாது. நெருக்கமான காட்சிகள் வேண்டுமெனில், அதற்கான உணர்ச்சி தயாரிப்பு தேவை. நான் அதற்கு தயார் ஆன நாளில், ஏன் வேண்டாம்? ஆனால் அதை ஒருவரின் அழுத்தத்தால் செய்ய விரும்பவில்லை” என்றார். இப்படியாக சோனம் பஜ்வா தனது தொடக்கத்தில் சில சிறிய கதாபாத்திரங்களில் நடித்திருந்தாலும், தற்போது பஞ்சாபி மற்றும் பாலிவுட் திரையுலகில் முக்கியமான நடிகையாக விளங்குகிறார். அவரின் திரைப்படங்கள் பெரும்பாலும் குடும்பம், காதல், உணர்ச்சி ஆகியவற்றை மையமாகக் கொண்டவை. அவர் நடித்த ‘ஷடா’, ‘கொரொ பத்தன்’, ‘நிக்கா ஜெயில்தார்’ போன்ற பஞ்சாபி படங்கள் அனைத்தும் பாக்ஸ் ஆபிஸில் வெற்றி பெற்றவை.

அந்த படங்களின் மூலம் அவர் ரசிகர்களிடம் ஒரு மரியாதையான நாயகி என்ற புகழை பெற்றுள்ளார். இதனை தொடர்ந்து சோனம் பஜ்வா தனது பேட்டியின் இறுதியில், “ நடிப்பு எனக்கு ஒரு பயணம். ஒவ்வொரு நாளும் நான் என்னைப் பற்றி புதியதாக கற்றுக்கொள்கிறேன். ஒரு நாளில் நான் நெருக்கமான காட்சிகளில் நிம்மதியாக நடிக்க முடிந்தால், அதையும் திறம்படச் செய்வேன். ஆனால் அந்த முடிவு எப்போதும் என்னுடையது தான் இருக்கும்” என்றார். ஆகவே சோனம் பஜ்வா தனது வாழ்வில் எடுத்த முடிவுகள், அவரது கேரியரை தாமதப்படுத்தியிருந்தாலும், அவரை ஒரு வலுவான மனிதராக உருவாக்கியுள்ளன.

அவர் இன்று ரசிகர்களிடம் “நம்பிக்கையுடன் தன்னைக் காப்பாற்றிய நடிகை” என மதிக்கப்படுகிறார். வருகிற அக்டோபர் 21, அவரது புதிய படம் ‘ஏக் தீவானே கி தீவானியாத்’ வெளியீட்டுக்குத் தயாராகி வருகிறது. அந்தப் படம் வெற்றியடைந்தால், சோனம் பஜ்வாவின் தீர்மானமும் தன்னம்பிக்கையும் இன்னும் பெரிய வெற்றியைப் பெறும் என்பதில் மாற்றுக்கருத்து இல்லை.
 

இதையும் படிங்க: என் படத்தை பார்க்காதீங்க... ஏன்னா..! பிரபல தெலுங்கு நடிகர் பிரியதர்ஷி பேச்சால் பரபரப்பு..!