விஜய் டிவியில் ஒளிபரப்பாகி வரும் பிரபலமான தொடரான ‘சிறகடிக்க ஆசை’, ஒவ்வொரு வாரமும் புதிய திருப்பங்களால் ரசிகர்களை கவர்ந்து வருகிறது.

குடும்ப உணர்வுகள், உறவுகளுக்கிடையிலான சிக்கல்கள் மற்றும் எதிர்பாராத கதைக் கோணங்கள் ஆகியவற்றால் இந்த தொடர் தொடர்ந்து TRP பட்டியலில் முன்னணியில் இருந்து வருகிறது.

இதையும் படிங்க: நடக்க முடியாமால்.. சோர்வான முகம்.. என்னதான் ஆச்சி நடிகை ரம்பாவுக்கு..!! விபத்தில் ஏதாவது சிக்கினாரா.. வீடியோவால் அதிர்ச்சி..!

குறிப்பாக தற்போது ஒளிபரப்பாகி வரும் சத்யா – ரேகா திருமண எபிசோட், ரசிகர்களிடையே பெரும் எதிர்பார்ப்பையும் பரபரப்பையும் ஏற்படுத்தியுள்ளது.

இந்த முக்கியமான கதைக்களத்தில் ரேகா கதாபாத்திரத்தில் நடித்து வரும் நடிகை ப்ரீத்தி ஸ்பந்தனா, தனது இயல்பான நடிப்பால் ரசிகர்களின் மனதை கவர்ந்துள்ளார்.

ஆரம்பத்தில் சாதாரண கதாபாத்திரமாக அறிமுகமான ரேகா, தற்போது திருமண கட்டத்தை அடைந்திருப்பது கதையின் முக்கிய திருப்பமாக பார்க்கப்படுகிறது.

சத்யா – ரேகா திருமண காட்சிகள் ஒளிபரப்பாகும் எபிசோடுகள் சமூக வலைதளங்களிலும் பெரும் பேசுபொருளாக மாறியுள்ளன.

இந்த நிலையில், நடிகை ப்ரீத்தி ஸ்பந்தனா தனது அதிகாரப்பூர்வ இன்ஸ்டாகிராம் பக்கத்தில் வெளியிட்டுள்ள சில புதிய புகைப்படங்கள் தற்போது ரசிகர்களிடையே வைரலாக பரவி வருகின்றன.

அந்த புகைப்படங்களில், அவர் திருமண கோலத்தில் காணப்படுவது குறிப்பிடத்தக்கது. குறிப்பாக ‘சிறகடிக்க ஆசை’ தொடரின் திருமண எபிசோடில் அவர் அணிந்திருந்த அதே பாரம்பரிய உடை மற்றும் லுக் ஆகியவற்றில் அவர் புகைப்படங்களை பகிர்ந்திருப்பது ரசிகர்களை ஆச்சரியத்தில் ஆழ்த்தியுள்ளது.

பாரம்பரிய திருமண புடவை, நகைகள் மற்றும் மேக்கப் என முழுமையான மணப்பெண் தோற்றத்தில் ப்ரீத்தி ஸ்பந்தனா வெளியிட்டுள்ள புகைப்படங்கள், பார்ப்பவர்களை கவரும் வகையில் அமைந்துள்ளன.

சீரியலில் காணப்பட்ட அதே உணர்ச்சிகரமான தருணங்களை நினைவூட்டும் வகையில் அந்த புகைப்படங்கள் இருப்பதால், ரசிகர்கள் அதனை அதிக அளவில் பகிர்ந்து வருகின்றனர்.

இதையும் படிங்க: என்னை கல்யாணம் பண்ண ரெடியா.. அப்ப இந்த கண்டேஷனுக்கு ஓகே சொல்லு..!! வாழ்க்கைத் துணைக்கு ஐஸ்வர்யா லட்சுமி வைத்த டிமென்ட்..!