டெல்லியின் பிரபலமான லவ் குஷ் ராம் லீலா கமிட்டி, இந்த ஆண்டின் ராமாயண நாடகத்தில் நடிகை பூனம் பாண்டேவை ராவணத்தின் மனைவி மந்தோதரி வேடத்தில் நடிக்க அறிவித்ததும், பாஜக மற்றும் விஸ்வ ஹிந்து பரிஷத் (விஎச்பி) உள்ளிட்ட இந்து அமைப்புகள் கடும் எதிர்ப்பு தெரிவித்துள்ளன. 

யுனெஸ்கோவால் அங்கீகரிக்கப்பட்ட இந்த வருட ராம் லீலா, நாளை லால் கிலா மைதானத்தில் தொடங்கவுள்ள நிலையில், இந்த சர்ச்சை அலையை ஏற்படுத்தியுள்ளது. ராம லீலா கமிட்டியின் தலைவர் அர்ஜுன் குமார் வெளியிட்ட அறிக்கையின்படி, இலங்கை வேந்தன் ராவணனின் மனைவி மண்டோதரியாக நடிகை பூனம் பாண்டே நடிக்கவிருக்கிறார். ராம வேடத்தில் கிங்ஷுக் வைத்யா, சீதா வேடத்தில் ரிணி ஆர்யா, ராவண வேடத்தில் ஆர்யா பாபர், பரஸுராம வேடத்தில் பாஜக எம்பி மனோஜ் திவாரி ஆகியோர் நடிக்கின்றனர். 500-க்கும் மேற்பட்ட கலைஞர்கள் பங்கேற்கும் இந்நிகழ்ச்சி, இளைஞர்களை ஈர்க்கும் புதுமையான அம்சங்களுக்காக பிரபலமானது. 

இதையும் படிங்க: பாலக் பன்னீர் கேட்டா சிக்கன் வந்திருக்கு.. கடுப்பில் தூக்கி எறிந்த பிரபல நடிகை..!!

ஆனால், விஎச்பியின் டெல்லி பிராந்த் செயலர் சுரேந்திர குப்தா, கமிட்டிக்கு அனுப்பிய கடிதத்தில், "மந்தோதரி என்பவர் ராமாயணத்தில் சமயம், கற்பு, பொறுப்பு, துடக்கம் ஆகியவற்றின் சின்னமாகக் கருதப்படுகிறார். பூனம் பாண்டேவின் பொது பிம்பம் மற்றும் கடந்தகால சர்ச்சைகள் பக்தர்களின் உணர்வுகளை புண்படுத்தும்," எனக் கூறியுள்ளார். அவர், "ராம் லீலா என்பது வெறும் நாடகமல்ல, இந்திய மதிப்புகளின் உயிருள்ள வடிவம். கலைஞர்களைத் தேர்ந்தெடுக்கும்போது கலாச்சார ஏற்றத்தை கருத்தில் கொள்ள வேண்டும்," என்று வலியுறுத்தினார். மேலும் பாரம்பரிய நாடகப் பின்னணியுடைய அல்லது கலாச்சார எதிர்பார்ப்புகளுக்கு ஏற்ற கலைஞரைத் தேர்ந்தெடுக்குமாறு கோரினார்.

மாடலிங் துறையில் பிரபலமான பாலிவுட் நடிகை பூனம் பாண்டே, நிஷா என்ற திரைப்படம் மூலம் அறிமுகமாகி இந்தி, கன்னடா, தெலுங்கு படங்களில் நடித்துள்ளார். 2011ம் ஆண்டு நடைபெற்ற உலகக்கோப்பை கிரிக்கெட் தொடரில் இந்தியா கோப்பையை வென்றால் நிர்வாணமாக போஸ் கொடுப்பேன் என கூறி சர்ச்சை எற்படுத்தினார். சர்ச்சைகளில் அவ்வப்போது சிக்கிக்கொளும் நடிகை பூனம் பாண்டே அந்தக் கதாபாத்திரமேற்றால் பொருத்தமாக இருக்காது என்பதே இதற்கான முதன்மைக் காரணமாக சொல்லப்படுகிறது.

சமூக ஊடகங்களில் இது பெரும் விவாதத்தை ஏற்படுத்தியுள்ளது. சிலர் "பெண் அதிகாரம் பற்றி பேசும் போது, பெண்களுக்கு இரண்டாவது வாய்ப்பு கொடுக்க வேண்டும்," என்கிறார்கள். இந்த சர்ச்சை, ராம் லீலாவின் கலாச்சார பொறுப்பு மற்றும் கலை சுதந்திரம் இடையேயான மோதலை வெளிப்படுத்துகிறது.

இதற்கு பதிலளித்த ராம் லீலா குழு’, இது எங்களுக்குத் தவறாக தெரியவில்லை. குழுவில் 500க்கும் மேற்பட்ட கலைஞர்கள் உள்ளனர். அவர்களில் நடிகை பூனம் பாண்டேவும் ஒருவர் என தெரிவித்துள்ளது. 

இதையும் படிங்க: என் போட்டோ, பெயர் எதையும் பயன்படுத்தக்கூடாது.. டெல்லி ஐகோர்ட்டுக்கு போன 'உலக அழகி'..!!