இந்தியாவில் பணியாற்றும் ஒவ்வொரு ஊழியர்களுக்கும், ஊழியர் வருங்கால வைப்பு நிதி அமைப்பில் (EPFO) மூலம் நிர்வகிக்கப்படும் பணியாளர் வருங்கால வைப்பு நிதி (EPF) கணக்கு இருக்கும். இபிஎப் (EPF) முதன்மையாக ஓய்வூதிய சேமிப்புக் கருவியாக இருந்தாலும், மருத்துவ அவசரநிலைகள், வீட்டுக் கடன்கள் அல்லது உயர் கல்வி போன்ற குறிப்பிட்ட சூழ்நிலைகளில் இபிஎப்ஓ பகுதியளவு திரும்பப் பெறுதல் அனுமதிக்கிறது. 

உங்கள் இபிஎப் கணக்கிலிருந்து பணத்தை எடுப்பது எப்படி?

உங்கள் இபிஎப் கணக்கிலிருந்து சிரமமின்றி பணத்தை எடுக்கலாம். அதற்கான வழிமுறைகளை பார்க்கலாம். உங்கள் யுனிவர்சல் கணக்கு எண் (UAN) மற்றும் கடவுச்சொல்லைப் பயன்படுத்தி உள்நுழையவும். உள்நுழைந்ததும், உங்கள் ஆதார் இணைக்கப்பட்ட மொபைல் எண்ணில் ஓடிபி (OTP) ஐப் பெறுவீர்கள். பிறகு  கேப்ட்சா மற்றும் ஓடிபியை பதிவிடுங்கள்.

இதையும் படிங்க: தமிழ்நாட்டு பெண்களிடம் மட்டும் இவ்வளவு தங்கமா ..? பிபியை எகிறவைக்கும் சர்வதேச ரிப்போர்ட்..!

உங்கள் சுயவிவரப் பக்கத்தில் உள்ள "ஆன்லைன் சேவைகள்" என்ற பக்கத்திற்கு செல்லவும். பணத்தை எடுக்க “க்ளைம்” என்ற ஆப்ஷனை தேர்வு செய்யவும். உங்கள் இபிஎப் கணக்குடன் தொடர்புடைய வங்கிக் கணக்கு விவரங்களைச் சரிபார்க்கவும். வேண்டிய தொகையை பதிவிட்டு, அங்கிருக்கும் விதிமுறைகள் மற்றும் நிபந்தனைகளை படித்து பார்த்துக் கொள்ளவும்.

உங்கள் தற்போதைய முகவரி போன்ற கூடுதல் விவரங்களை நிரப்பவும், ஸ்கேன் செய்யப்பட்ட ரத்து செய்யப்பட்ட காசோலை மற்றும் படிவம் 15G (பொருந்தினால்) போன்ற தேவையான ஆவணங்களைப் பதிவேற்றவும். பிறகு படிவத்தை சமர்ப்பிக்கவும். இபிஎப்ஓ ஆனது, பணத்தை எடுப்பதற்கான முறையை பயனாளர்களுக்கு ஏற்றதாகவும் மாற்றியமைத்துள்ளது.