மதுரை மாவட்டம் அழகர்கோவிலில் அமைந்துள்ள புகழ்பெற்ற கள்ளழகர் திருக்கோவிலில் ஆடிப் பெருந்திருவிழா சிறப்புடன் நடைபெற்று வருகிறது. 108 வைணவ திவ்யதேசங்களில் ஒன்றான திருமாலிருஞ்சோலை எனும் இத்தலத்தில், கடந்த 21-ஆம் தேதி காலை மங்கள இசை மற்றும் வேத மந்திரங்களுடன் கொடியேற்ற நிகழ்ச்சியுடன் விழா தொடங்கியது.

முதல் நாள் இரவு அன்ன வாகனத்தில் சுந்தரராஜ பெருமாள் பக்தர்களுக்கு அருள்பாலித்தார். அதன்பிறகு ஒவ்வொரு நாளும் சிங்கம், அனுமார், கருடம், சேஷம், யானை, குதிரை உள்ளிட்ட பல்வேறு வாகனங்களில் வீதியுலா வந்து காட்சியளித்து வருகிறார்.

விழாவின் உச்சக்கட்ட நிகழ்வான தேரோட்டம் இன்று புதன்கிழமை காலை கோலாகலமாக நடைபெற்றது. உற்சவர் கள்ளழகர், ஸ்ரீதேவி, பூதேவி ஆகியோருடன் அலங்கரிக்கப்பட்ட உயரமான தேரில் எழுந்தருளினார். ஆயிரக்கணக்கான பக்தர்கள் “கோவிந்தா கோவிந்தா” என பக்தி முழக்கமிட்டு தேரின் வடம் பிடித்து இழுத்தனர்.

இதையும் படிங்க: இன்றைய ராசிபலன் (29-07-2026)..!! இந்த ராசிக்காரர்களுக்கு இன்று ஆரோக்கியத்தில் சிறிய கவனம் தேவை..!!

பல்லாயிரக்கணக்கானோர் கலந்துகொண்டதால் போலீசார் பக்தர் பாதுகாப்பு மற்றும் போக்குவரத்து ஒழுங்குக்காக தீவிர பணியில் ஈடுபட்டனர். கோவில் வளாகம் மற்றும் சுற்றுப்புறங்களில் முன்னெச்சரிக்கை நடவடிக்கைகளும் மேற்கொள்ளப்பட்டன.

இன்று மாலை ஆடிப்பவுர்ணமியை முன்னிட்டு, 18-ம் படி கருப்பணசுவாமி சன்னதியின் திருநிலைக் கதவுகள் திறக்கப்படுகின்றன. ஆண்டுக்கு ஒருமுறை மட்டுமே, அதுவும் ஓரிரு நிமிடங்கள் மட்டுமே திறக்கப்படும் இந்த சிறப்பு நிகழ்வில் சந்தனம் சாத்துப்படி மற்றும் சிறப்பு பூஜைகள் நடைபெறும். கோவிலைக் காக்கும் காவல் தெய்வமான கருப்பணசுவாமியின் இந்த தரிசனத்தைக் காண ஏராளமான பக்தர்கள் ஆவலுடன் திரண்டுள்ளனர்.
 

இதையும் படிங்க: பானிபூரியின் பிறப்புக் கதை.. திரௌபதியுடன் இணையும் மகாபாரத சுவாரஸ்யம்! தெரிஞ்சிக்கோங்க..!!